തെരുവുവിളക്കുകൾ സ്​ഥാപിക്കാൻ നാട്ടുകാർ നിവേദനം നൽകി

പരവൂർ: കാടുംപടർപ്പും നിറഞ്ഞ റോഡിൽ തെരുവുവിളക്കുകൾ സ്ഥാപിക്കാൻ നാട്ടുകാർ നിവേദനംനൽകി. റെയിൽവേ സ്റ്റേഷന് സമീപം ആശാൻ -തുണ്ടുവയൽ റോഡിൽ തെരുവുവിളക്കുകൾ സ്ഥാപിക്കണമെന്നുള്ള ദീർഘനാളായുള്ള നാട്ടുകാരുടെ ആവശ്യം അവഗണിക്കപ്പെടുന്നതിൽ പ്രതിഷേധിച്ചാണ് നാട്ടുകാർ നഗരസഭ ചെയർമാന് പരാതി നൽകിയത്. റെയിൽവേ സ്റ്റേഷന് പിൻഭാഗത്തുള്ള റോഡിൽ രാത്രിയായാൽ സാമൂഹികവിരുദ്ധരുടെയും മദ്യപാനികളുടെയും ശല്യം രൂക്ഷമാണെന്ന് പരാതിയിൽ പറയുന്നു. നിരന്തരമായ ആവശ്യം വാർഡ് കൗൺസിലറും അവഗണിക്കുകയാണെന്ന് ചൂണ്ടിക്കാട്ടുന്നു.