Begin typing your search above and press return to search.
exit_to_app
exit_to_app
Posted On
date_range 14 Feb 2018 5:35 AM GMT Updated On
date_range 14 Feb 2018 5:35 AM GMTസി.ബി.എസ്.ഇ പ്രതിഭ സംഗമവും അവാർഡ് വിതരണവും
text_fieldsbookmark_border
മലപ്പുറം: സി.ബി.എസ്.ഇ സഹോദയ കോംപ്ലക്സ് മലപ്പുറം റീജ്യൻ പ്രതിഭ നിർണയ പരീക്ഷ (എം സാറ്റ്) അവാർഡ് വിതരണവും പ്രതിഭ സംഗമവും ശനിയാഴ്ച കോട്ടക്കൽ ഇസ്ലാഹിയ പബ്ലിക് സ്കൂളിൽ നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. രാവിലെ 11ന് ഇ.ടി. മുഹമ്മദ് ബഷീർ എം.പി ഉദ്ഘാടനം നിർവഹിക്കും. സഹോദയ പ്രസിഡൻറ് എം. അബ്ദുൽ നാസർ അധ്യക്ഷത വഹിക്കും. പരിപാടിയോടനുബന്ധിച്ച് സി.ബി.എസ്.ഇ പ്രിൻസിപ്പൽമാർക്ക് പരിശീലനം നൽകും. പരീക്ഷയിലെ മികവുറ്റ പ്രാതിനിധ്യത്തിനുള്ള എക്സലൻസ് അവാർഡ് മലപ്പുറം മഅ്ദിൻ പബ്ലിക് സ്കൂൾ, പൂക്കോട്ടുംപാടം ഗുഡ്വിൽ ഇംഗ്ലീഷ് സ്കൂൾ, തിരൂർ ബെഞ്ച്മാർക്ക് ഇൻറർനാഷനൽ സ്കൂൾ എന്നിവ നേടിയതായും ഭാരവാഹികൾ അറിയിച്ചു. വാർത്തസമ്മേളനത്തിൽ മലപ്പുറം സഹോദയ പ്രസിഡൻറ് എം. അബ്ദുൽ നാസർ, ജനറൽ സെക്രട്ടറി എം. ജൗഹർ, ഡോ. എ. സൈദ്, പി.എ.എം. അബ്ദുൽ ഖാദർ എന്നിവർ സംബന്ധിച്ചു. തിരിച്ചെത്തിയ പ്രവാസികളുടെ സംഗമം നാളെ മലപ്പുറം: ഗ്ലോബൽ പ്രവാസി റിേട്ടണീസ് അസോസിയേഷന് കീഴിൽ, തിരിച്ചെത്തിയ പ്രവാസികളുടെ സംഗമം സംഘടിപ്പിക്കും. വ്യാഴാഴ്ച വൈകീട്ട് മൂന്നിന് മഞ്ചേരി വ്യാപാര ഭവനിലാണ് പരിപാടി. പെൻഷൻ തുക വർധിപ്പിക്കുക, ആനുകൂല്യങ്ങൾ നൽകുന്നതിലെ അപാകത പരിഹരിക്കുക, നോർക്ക റൂട്ട്സ് ഒാഫിസ് മുഴുവൻ ദിവസങ്ങളിലും പ്രവർത്തിക്കുക, മതിയായ ജീവനക്കാരെ നിയമിക്കുക തുടങ്ങിയ ആവശ്യങ്ങൾ ഭാരവാഹികൾ ഉന്നയിച്ചു. വാർത്തസമ്മേളനത്തിൽ ജനറൽ സെക്രട്ടറി കെ.ടി. അബ്ദുൽ മനാഫ്, വി. നിസാർ അഹമ്മദ്, കെ. സുനിൽകുമാർ, കെ. അബ്ദുൽ ഗഫൂർ, കെ.കെ. അബു എന്നിവർ പെങ്കടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story