Begin typing your search above and press return to search.
exit_to_app
exit_to_app
Posted On
date_range 15 Aug 2018 5:24 AM GMT Updated On
date_range 15 Aug 2018 5:24 AM GMTനായാടംപൊയിലിൽ ഉരുൾപൊട്ടി മലവെള്ളപ്പാച്ചിൽ
text_fieldsbookmark_border
തിരുവമ്പാടി: കൂടരഞ്ഞി ഗ്രാമപഞ്ചായത്തിലെ കക്കാടംപൊയിൽ നായാടംപൊയിലിൽ ഉരുൾപൊട്ടി. മലവെള്ളപ്പാച്ചിലിൽ വൻകിട പന്നിഫാമിന് കേടുപാട് പറ്റി. 200ഓളം പന്നികളെ ഫാമിൽനിന്ന് സുരക്ഷിത സ്ഥാനത്തേക്ക് മാറ്റി. കഴിഞ്ഞ ദിവസമുണ്ടായ ഉരുൾപൊട്ടലിെൻറ വിവരങ്ങൾ ചൊവ്വാഴ്ചയാണ് പുറത്തുവന്നത്. ഉരുൾപൊട്ടിയതിെൻറ അടുത്തുള്ള അംഗൻവാടിയുടെ പ്രവർത്തനം സുരക്ഷിത സ്ഥലത്തേക്ക് മാറ്റാൻ കൂടരഞ്ഞി വില്ലേജ് ഓഫിസർ നിർദേശം നൽകി. ആറടിയോളം പൊക്കത്തിൽ മണ്ണും കല്ലും ഒലിച്ചെത്തുകയായിരുന്നു. സമീപത്തെ കൃഷിയിടങ്ങളിലും നാശമുണ്ടായി. മലവെള്ളപ്പാച്ചിലിൽ കക്കാടംപൊയിൽ-നായാടംപൊയിൽ റോഡും തകർന്നിട്ടുണ്ട്. അഗസ്റ്റിൻ വള്ളിയിൽ, ടോമി കുഴിപ്പള്ളി എന്നിവരുടേതാണ് നാശമുണ്ടായ പന്നിഫാം. ഉരുൾപൊട്ടലുണ്ടായ സ്ഥലം കൂടരഞ്ഞി വില്ലേജ് ഓഫിസർ യു. രാമചന്ദ്രൻ സന്ദർശിച്ചു. കനത്ത മഴയും കാറ്റും മൂലം കക്കാടംപൊയിൽ മേഖലയിലെ ജനങ്ങൾ ആശങ്കയിലാണ്. കക്കാടംപൊയിലിലെ പി.വി. അൻവർ എം.എൽ.എയുടെ വാട്ടർ തീം പാർക്കിെൻറ അഞ്ചു കി.മീ. അകലെയാണ് നായാടംപൊയിൽ ഉരുൾപൊട്ടലുണ്ടായത്. കോഴിക്കോട്- മലപ്പുറം ജില്ലാതിർത്തിയാണ് നായാടംപൊയിൽ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story