സ്വർണമാലയും മൊബൈൽ ഫോണും അപഹരിച്ച യുവാവിനെ പിടികൂടി

ഫറോക്ക്: ജനാലയിൽകൂടി വീട്ടമ്മയുടെ സ്വർണമാലയും മൊബൈൽ ഫോണും അപഹരിച്ച യുവാവിനെ ഫറോക്ക് പൊലീസ് പിടികൂടി. നരിക്കുനി എരവന്നൂർ കോട്ടോത്ത് കുന്നുമ്മൽ ശരത്തിനെയാണ് (25) ഫറോക്ക് എസ്.ഐ രമേശ് കുമാർ അറസ്റ്റ് ചെയ്തത്. മണ്ണൂർ പ്രബോധിനി കോഴിക്കളം ലിനിഷി​െൻറ ഭാര്യ അഞ്ജുവി​െൻറ കഴുത്തിൽ നിന്ന് മൂന്നര പവൻ സ്വർണമാലയും സമീപത്ത് വെച്ചിരുന്ന മൊബൈൽ ഫോണുമാണ് അപഹരിച്ചത്. സൈബർ സെല്ലി​െൻറ സഹായത്തോടെ നടത്തിയ അന്വേഷണത്തിലാണ് പ്രതി വലയിലായത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.