Begin typing your search above and press return to search.
exit_to_app
exit_to_app
Posted On
date_range 6 Feb 2016 12:04 PM GMT Updated On
date_range 6 Feb 2016 12:04 PM GMTകൊയപ്പ ഫുട്ബാളിന് നാളെ കിക്കോഫ്
text_fieldsbookmark_border
കൊടുവള്ളി: കൊടുവള്ളിയുടെ മഹോത്സവമായ 34ാമത് കൊയപ്പ സ്മാരക അഖിലേന്ത്യാ സെവന്സ് ഫുട്ബാളിന് ഞായറാഴ്ച ആദ്യ കിക്കോഫ്. ലൈറ്റ്നിങ് സ്പോര്ട്സ് ക്ളബിന്െറ ആഭിമുഖ്യത്തില് പൂനൂര് പുഴയോരത്തുള്ള കൊടുവള്ളി നഗരസഭയുടെ ഫ്ളഡ്ലിറ്റ് മിനിസ്റ്റേഡിയത്തിലാണ് ഒരുമാസം നീളുന്ന ഫുട്ബാള് മാമാങ്കം നടക്കുന്നത്. പതിനായിരംപേര്ക്ക് കളികാണാനുള്ള സൗകര്യത്തോടെയുള്ള ഗാലറിയുടെ നിര്മാണം പൂര്ത്തിയായി. കേരളത്തിനകത്തും പുറത്തുനിന്നുമുള്ള 24 ടീമുകളാണ് ടൂര്ണമെന്റില് മാറ്റുരക്കുന്നത്. നൈജീരിയ, കാമറൂണ്, ഘാന, ഐവറികോസ്റ്റ്, സുഡാന് രാജ്യങ്ങളില്നിന്നുള്ള നിരവധിതാരങ്ങള് കളിക്കിറങ്ങും. വൈകീട്ട് ഏഴിന് വി.എം. ഉമ്മര് മാസ്റ്റര് എം.എല്.എ ടൂര്ണമെന്റ് ഉദ്ഘാടനം ചെയ്യും. ആദ്യപാദത്തിലെ ഒന്നാംദിവസത്തെ മത്സരത്തില് സബാന് കോട്ടക്കല് ഫിറ്റ്വെല് കോഴിക്കോടിനെ നേരിടും. ടൂര്ണമെന്റിന്െറ മുന്നോടിയായി ശനിയാഴ്ച വൈകീട്ട് നാലിന് കൊടുവള്ളിയില് വിളംബരറാലി നടക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story