Begin typing your search above and press return to search.
exit_to_app
exit_to_app
Posted On
date_range 25 March 2017 11:53 AM GMT Updated On
date_range 25 March 2017 11:53 AM GMTഅറസ്റ്റിന് പിന്നാലെയും സമൂഹമാധ്യമങ്ങളിൽ വ്യാജ പ്രചാരണം
text_fieldsbookmark_border
കാസര്കോട്: മദ്റസ അധ്യാപകെൻറ കൊലപാതകവുമായി ബന്ധപ്പെട്ട് പ്രതികൾ അറസ്റ്റിലായതോടെ ജില്ലയിൽ വ്യാജ പ്രചാരണം. കാസര്കോടും പരിസരപ്രദേശങ്ങളിലും അക്രമം നടക്കുന്നുവെന്നും വീടുകളിൽനിന്ന് പുറത്തിറങ്ങരുതെന്നും മറ്റുമാണ് സോഷ്യൽ മീഡിയയിൽ തെറ്റായി പ്രചരിപ്പിക്കുന്നത്. സ്കൂളുകള്ക്കും കോളജുകള്ക്കും അവധി നല്കിയതായും പ്രശ്നം രൂക്ഷമാണെന്ന രീതിയിലുമാണ് വ്യാജ പ്രചാരണം ശക്തമായിരിക്കുന്നത്. നഗരത്തിൽ പ്രകടനം നടക്കുന്നതായും കടകളടച്ച് ഹർത്താൽ ആചരിക്കുന്നുവെന്നുമാണ് മറ്റൊരു പ്രചാരണം. അറസ്റ്റിന് പിന്നാലെ ജില്ലയിൽ വ്യാപകമായരീതിയിൽ പ്രശ്നങ്ങളുണ്ടാകുമെന്നാണ് പ്രചരിക്കുന്നത്. സമൂഹമാധ്യമങ്ങളിലൂടെ വർഗീയവിദ്വേഷവും സത്യവിരുദ്ധവുമായ സന്ദേശങ്ങൾ പ്രചരിപ്പിക്കുന്നവർക്കെതിരെ ശക്തമായ നടപടിയെടുക്കുമെന്ന് ജില്ല പൊലീസ് മേധാവി അറിയിച്ചിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story