ദേശീയപാത വികസനം: ഒഴിപ്പിക്കപ്പെടുന്ന വ്യാപാരികൾക്ക്​ അർഹമായ നഷ്​ടപരിഹാരവും പുനരധിവാസവും ഉറപ്പാക്കണം

കാസർകോട്: ദേശീയപാത വികസനം നടപ്പാക്കുേമ്പാൾ ഒഴിപ്പിക്കപ്പെടുന്ന വ്യാപാരികൾക്ക് അർഹമായ നഷ്ടപരിഹാരവും പുനരധിവാസവും ഉറപ്പാക്കണമെന്ന് വ്യാപാരി വ്യവസായി ഏകോപന സമിതി ജില്ല കമ്മിറ്റി സംഘടിപ്പിച്ച സമരപ്രഖ്യാപന കൺെവൻഷൻ ആവശ്യപ്പെട്ടു. ജില്ലയിൽ തലപ്പാടി മുതൽ കാലിക്കടവ് വരെ 1340 വ്യാപാരികൾക്ക് കടകൾ നഷ്ടപ്പെടും. ദേശീയപാത 45 മീറ്ററായി വികസിപ്പിക്കുന്നതിന് വ്യാപാരികൾ എതിരല്ലെങ്കിലും കടകൾ ഒഴിഞ്ഞുകൊടുക്കുന്നവർക്ക് ന്യായമായ നഷ്ടപരിഹാരം ഉറപ്പുനൽകുന്നതുവരെ സമരം നടത്താൻ തീരുമാനിച്ചു. സംസ്ഥാന പ്രസിഡൻറ് ടി. നസിറുദ്ദീൻ ഉദ്ഘാടനം ചെയ്തു. ജില്ല പ്രസിഡൻറ് കെ. അഹമ്മദ് ഷെരീഫ് അധ്യക്ഷത വഹിച്ചു. സംസ്ഥാന സെക്രട്ടറി കെ. സേതുമാധവൻ, ജില്ല ജനറൽ സെക്രട്ടറി പി.എം. ജോസ് തയ്യിൽ, ട്രഷറർ മാഹിൻ കോളിക്കര, ഗിരീഷ് ചീമേനി, കെ. മണികണ്ഠൻ, പൈക്ക അബ്ദുല്ലക്കുഞ്ഞി, സി.എച്ച്. ഷംസുദ്ദീൻ, പി.പി. മുസ്തഫ, കെ.വി. ബാലകൃഷ്ണൻ എന്നിവർ സംസാരിച്ചു.