Begin typing your search above and press return to search.
exit_to_app
exit_to_app
Posted On
date_range 15 Jun 2017 12:14 PM GMT Updated On
date_range 15 Jun 2017 12:14 PM GMTഇടവെട്ടിയിൽ ആരോഗ്യജാഗ്രതക്ക് ഇന്ന് തുടക്കം
text_fieldsbookmark_border
ഇടവെട്ടി: ഗ്രാമപഞ്ചായത്തിെൻറയും പ്രാഥമികാരോഗ്യ കേന്ദ്രത്തിെൻറയും നേതൃത്വത്തിൽ നടന്നുവരുന്ന പകർച്ചവ്യാധി നിയന്ത്രണ പ്രവർത്തനങ്ങളുടെ രണ്ടാംഘട്ടമായ ആരോഗ്യജാഗ്രത പരിപാടിക്ക് വ്യാഴാഴ്ച തുടക്കമാകും. വാർഡുതല ആരോഗ്യദിനാചരണം, വീടുകൾ തോറും കാമ്പയിൻ, സംയോജിത കൊതുക് നശീകരണം, തോട്ടങ്ങളുടെ സ്ഥിതി ആരോഗ്യകരമായി നിലനിർത്തൽ, ലഘുലേഖ വിതരണം, ആരോഗ്യ വിജ്ഞാന സദസ്സുകൾ, വീട്ടുമുറ്റ കൂട്ടായ്മകൾ എന്നിവ സംഘടിപ്പിച്ചിട്ടുണ്ട്. ഇടവെട്ടി ഗ്രാമപഞ്ചായത്ത് പ്രസിഡൻറ് ലത്തീഫ് മുഹമ്മദിെൻറ അധ്യക്ഷതയിൽ കൂടിയ യോഗമാണ് കർമപരിപാടിക്ക് അന്തിമരൂപം നൽകിയത്. വൈസ് പ്രസിഡൻറ് ഷീജ നൗഷാദ്, ആരോഗ്യസ്റ്റാൻഡിങ് കമ്മിറ്റി ചെയർപേഴ്സൺ ബീവി സലീം, പഞ്ചായത്ത് സെക്രട്ടറി എം.സി. അനിൽകുമാർ, സി.ഡി.എസ് ചെയർപേഴ്സൺ രാജമ്മ ബാബു എന്നിവർ പെങ്കടുത്തു. മെഡിക്കൽ ഒാഫിസർ ഡോ. വി.ആർ. രശ്മി, ഹെൽത്ത് ഇൻസ്പെക്ടർ സോജൻ വർഗീസ്, ജൂനിയർ ഹെൽത്ത് ഇൻസ്പെക്ടർമാരായ ഷിബുമോൻ, ബിജു, പ്രവീൺ എന്നിവർ കർമപരിപാടി യോഗത്തിൽ അവതരിപ്പിച്ചു. വാർഡുതല ആരോഗ്യദിനാചരണം വ്യാഴാഴ്ച രാവിലെ ഒമ്പതിന് ഇടവെട്ടി പ്രാഥമികാരോഗ്യ കേന്ദ്രത്തിൽ പ്രസിഡൻറ് ലത്തീഫ് മുഹമ്മദ് ഉദ്ഘാടനം ചെയ്യും. തുടർന്ന് 21വരെ വിവിധ വാർഡുകൾ കേന്ദ്രീകരിച്ച് ആരോഗ്യജാഗ്രത പ്രവർത്തനങ്ങൾ സംഘടിപ്പിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story