നാം മറന്നത് കൊണ്ടാണ് ഗൗരി ലങ്കേഷുമാർ വീഴ്ത്തപ്പെട്ടത്

Gauri Lankesh

1977 ലാണ്​ നടിയും ആക്റ്റിവിസ്റ്റുമായിരുന്ന സ്നേഹലതാ റെഡ്ഡി പോലീസ് കസ്റ്റഡിയിലിരിക്കെ മരണപ്പെട്ടത്​. അടിയന്തരാവസ്ഥക്കാലമായിരുന്നു അന്ന്. അതിനെതിരായി ​​െബംഗളൂരിൽ നിന്നും  പ്രതിഷേധത്തിന്‍റെ അല രാജ്യമെമ്പാടും നീറിപ്പടർന്നു.

  സിനിമ സംവിധായകൻ പട്ടാഭിരാമ റെഡ്ഡി ആണ്​ സ്നേഹലത റെഡ്‌ഡിയുടെ ഭർത്താവ് . കന്നഡത്തിൽ നവ്യ എന്ന പ്രസ്ഥാനത്തിന്‍റെ സിനിമയിലെ പ്രയോക്താവായിരുന്നു അദ്ദേഹം. നവ്യ പ്രസ്ഥാനത്തിലെ പ്രധാനപ്പെട്ട എഴുത്തുകാരൻ യു.ആർ. അനന്തമൂർത്തിയുടെ പ്രശസ്ത നോവൽ "സംസ്ക്കാര " സിനിമയാക്കിയതും പട്ടാഭിരാമി റെഡ്ഡി ആണ്. 

സംസ്കാരയിൽ , അഗ്രഹാരത്തിന്‍റെ ബ്രാഹ്മണ വ്യാകരണം തെറ്റിച്ച നാറാണപ്പാ എന്ന കഥാപാത്രത്തിനെ തിരശ്ശീലയിൽ അവതരിപ്പിച്ചത്​ കഥാകൃത്തും കവിയും നടനും നാടകകൃത്തുമായ  പി.ലങ്കേഷ് ആയിരുന്നു. മലയാളത്തിലേക്കും  അദ്ദേഹത്തി​​​െൻറ കഥകളും കവിതകളും തർജ്ജമ ചെയ്യപ്പെട്ടിട്ടുണ്ട്.

സിനിമയിൽ നിന്ന്​ ലങ്കേഷ് പിന്നീട്​  പത്രപ്രവർത്തനത്തി​േലക്ക്​ കുടുമാറ്റം നടത്തിയ അദ്ദേഹം ല​േങ്കഷ്​ പത്രിക എന്ന പേരിൽ പ്രസിദ്ധീകരണം ആരംഭിച്ചു. സാറാ അബൂബക്കറിനെ പോലുള്ള ഏഴുത്തുകാരുടെ യാഥാസ്ഥിതികത്വത്തെ ചൊടിപ്പിക്കുന്ന രചനകൾ ഉയർന്നു വന്നത്​ ലങ്കേഷ് പത്രികയിലൂടെയായിരുന്നു. വലിയ എതിർപ്പുകൾ അക്കാലത്ത് ലങ്കേഷ് പത്രിക നേരിടേണ്ടി വന്നിട്ടുണ്ട്​.

ലങ്കേഷി​​​െൻറ മരണശേഷം  പത്രികയുടെ തുടർച്ചയായി മകൾ ഗൗരി ആരംഭിച്ചതാണ്​ ഗൗരി ലങ്കേഷ് പത്രിക . അമ്പത് പേരുടെ സംഭാവനകളിൽ നിന്നാരംഭിച്ച പത്രിക ഒറ്റപ്പരസ്യം പോലും സ്വീകരിക്കാതെയാണ് മുന്നോട്ട് പോയത്. അത്രക്കും ഉറച്ച നിലപാട് ഗൗരിയ്ക്കും സഹപ്രവർത്തകർക്കും ഉണ്ടായിരുന്നു.ഇന്ത്യയിൽ വർധിച്ച്​ വരുന്ന അസഹിഷ്ണുതയോടും വലതുപക്ഷ ഫാഷിസത്തോടും  അഴിമതി / കോർപ്പറേറ്റ് ബാന്ധവത്തോടും വിട്ടുവീഴ്ചയില്ലാത്ത നിലപാട് ഗൗരി സ്വീകരിച്ചു.

ഇന്നലെ അന്തി വെളിച്ചത്തിൽ ഗൗരി വീണു. നമ്മളെല്ലാം ഇരുട്ടിലായി. ശ്രീനാരായണ ഗുരുവി​​​െൻറ ചതയം കറുത്ത ചതയമായി ...

ഈ ഇരുട്ടിൽ കൈകോർത്തു നില്ക്കണം. നമ്മുടെ വെളിച്ചം നാം തന്നെ കൊളുത്തണം . നമ്മുടെ ഏറ്റവും പ്രിയപ്പെട്ട ഗൗരി ലങ്കേഷി​​​െൻറ ഓർമ്മ നമ്മിലും നാം ആ ഓർമ്മയിലും പുലരണം. സ്നേഹലതാറെഡ്ഡിമാരെ നാം മറന്നത് കൊണ്ടാണ് ഗൗരി ലങ്കേഷുമാർ വീഴ്ത്തപ്പെടുന്നത് എന്ന് കുറ്റബോധത്തോടെ മനസ്സിലാക്കണം

COMMENTS