മധുര നൊമ്പരങ്ങള്‍

ആളിപ്പടർന്ന അഗ്നിയിൽ ജീവിത​വേഷം കത്തിത്തീർന്ന അമ്മയുടെ ഓർമയാണ് തിരശ്ശീല ഉയരുമ്പോൾ ഇന്നും ജൂലിയുടെ മനസ്സിലേക്ക് ആദ്യമെത്തുക. നെഞ്ചകം പൊള്ളിച്ച ആ ​വാർത്തയറിഞ്ഞിട്ട് വർഷം 19 പിന്നിടുന്നു. പാലായിൽ നിന്ന് തൊടുപുഴയിലേക്ക് പോവുകയായിരുന്ന ബസ് മറിഞ്ഞ് തീപിടിച്ച് നിരവധി പേർ മരിച്ച അപകടത്തിലാണ് ജൂലിക്ക് മമ്മിയെ നഷ്ടമായത്. തിരുവനന്തപുരത്ത് ഒരു നാടകത്തിൽ വേ​ഷ​മി​ട്ട ശേ​ഷം മ​ട​ങ്ങു​ക​യാ​യി​രു​ന്നു ന​ടി കൂ​ടി​യാ​യ മാ​താ​വ് ത​ങ്കം ജോ​സ്. മ​മ്മി​യാ​യി​രു​ന്നു ജൂ​ലി​ക്ക് അ​തു​വ​രെ വേ​ദി​ക​ളി​ലേ​ക്കു​ള്ള കൂ​ട്ട്.

പ്ര​ഫ​ഷ​ന​ൽ നാ​ട​ക​ങ്ങ​ൾ​ക്കു​ള്ള 2016ലെ ​കേ​ര​ള സം​ഗീ​ത നാ​ട​ക അ​ക്കാ​ദ​മി അ​വാ​ർ​ഡി​ൽ മി​ക​ച്ച ന​ടി​യാ​യി തെ​ര​ഞ്ഞെ​ടു​ക്ക​പ്പെ​ട്ട ജൂ​ലി ബി​നു ഈ ​നേ​ട്ടം കാ​ണാ​ൻ മ​മ്മി​യി​ല്ലാ​തെ പോ​യ​ല്ലോ​യെ​ന്ന സ​ങ്ക​ട​ത്തി​ലാ​ണ്. പാ​ലാ ക​മ്യൂ​ണി​ക്കേ​ഷ​ൻ​സി​ൻെ​റ ‘മ​ധു​ര​നൊ​മ്പ​ര​പ്പൊ​ട്ട്’ എ​ന്ന നാ​ട​ക​ത്തി​ലെ അ​ഭി​ന​യ​ത്തി​നാ​ണ് പു​ര​സ്​​കാ​രം. പി​റ​ന്നു​വീ​ണ​ത് ദ​ലി​ത് കു​ടും​ബ​ത്തി​ലാ​യെ​ന്ന കു​റ്റ​ത്തി​ന് ച​രി​ത്ര​ത്തി​ന്‍റെ പി​ന്നാ​മ്പു​റ​ത്തേ​ക്ക് ഓ​ടി​യൊ​ളി​ക്കേ​ണ്ടിവ​ന്ന മ​ല​യാ​ള ​സി​നി​മ​യി​ലെ ആ​ദ്യ നാ​യി​ക​യു​ടെ ക​ഥ​യാ​ണി​ത്. വേ​ദി​ക​ളി​ലെ​ല്ലാം ല​ഭി​ച്ച നി​റ​ഞ്ഞ കൈ​യ​ടി​യാ​ണ് ജൂ​ലി ബി​നു​വി​ന് സം​സ്​​ഥാ​ന അ​വാ​ർ​ഡി​നേ​ക്കാ​ൾ എ​ന്തു​കൊ​ണ്ടും വി​ല​പ്പെ​ട്ട​ത്.

ജൂ​ലി ബി​നു അരങ്ങിൽ

 

മാ​സ​ങ്ങ​ൾ​ക്കു മു​മ്പ് ഷൊ​ർ​ണൂ​രി​ലെ ഒ​രു വേ​ദി​യി​ൽ നാ​ട​കം കാ​ണാ​നി​ട​യാ​യ ഈ ​ലേ​ഖ​ക​ന് പ​റ​യാ​നു​ള്ള​തും േപ്ര​ക്ഷ​ക​നെ പി​ടി​ച്ചി​രു​ത്തു​ന്ന ആ ​അ​ഭി​ന​യ​മി​ക​വി​നെ​ക്കു​റി​ച്ച് ത​ന്നെ​യാ​ണ്. സ​ദ​സ്സി​ലെ വെ​ളി​ച്ച​മ​ണ​ഞ്ഞതു​ മു​ത​ലു​ള്ള ഓ​രോ നി​മി​ഷ​വും ജൂ​ലി​യും മ​റ്റ് അ​ഭി​നേ​താ​ക്ക​ളും ജാ​തി​മേ​ധാ​വി​ത്വം മു​ടി​യ​ഴി​ച്ചാ​ടി​യ ആ ​കാ​ല​ഘ​ട്ട​ത്തെ അ​ക്ഷ​രാ​ർ​ഥ​ത്തി​ൽ പു​നഃസൃ​ഷ്​​ടി​ക്കു​ക​യാ​യി​രു​ന്നു. എ​ത്ര മി​ക​ച്ച അ​ഭി​നേ​ത്രി​യാ​യാ​ലും സ്​​ത്രീ​ക്ക് ഉ​യ​ര​ണ​മെ​ങ്കി​ൽ അ​വ​ളു​ടെ അ​ഭി​മാ​നം പ​ണ​യ​പ്പെ​ടു​ത്ത​ണ​മെ​ന്ന ചി​ന്ത ശ​ക്ത​മാ​യൊ​രു കാ​ല​ത്തെ അ​തി​ന്‍റെ എ​ല്ലാ തീ​വ്ര​ത​യോ​ടെ​യും വ​ര​ച്ചു​കാ​ണി​ക്കു​ന്നു ര​ച​ന നി​ർ​വ​ഹി​ച്ച ഫ്രാ​ൻ​സി​സ്​ ടി. ​മാ​വേ​ലി​ക്ക​ര​യും സം​വി​ധാ​യ​ക​ൻ വ​ത്സ​ൻ നി​സ​രി​യും. 

17ാം വ​യ​സ്സി​ൽ പ്രീ​ഡി​ഗ്രി​ക്കാ​ല​ത്ത് വീ​ടി​ന​ടു​ത്തു​ള്ള ഒ​രു ട്രൂ​പ്പ് വ​ഴി നാ​ട​ക​വേ​ദി​യി​ലെ​ത്തി​യ​താ​ണ് തൊ​ടു​പു​ഴ സ്വ​ദേ​ശി​നി​യാ​യ ജൂ​ലി. പി​താ​വ് പി.​എം. ജോ​സ​ട​ക്കം കു​ടും​ബ​ത്തി​ൽ എ​ല്ലാ​വ​രും നാ​ട​ക​ത്തെ ജീ​വ​നു​തു​ല്യം സ്​​നേ​ഹി​ക്കു​ന്ന​വ​ർ. പി​താ​വും പി​താ​വിന്‍റെ സ​ഹോ​ദ​രി സി​സി​ലി ജോ​യി​യും പി​തൃ​സ​ഹോ​ദ​ര​നു​മെ​ല്ലാം നാ​ട​ക​ങ്ങ​ളി​ൽ വേ​ഷ​മി​ട്ടു. ക​ഴി​ഞ്ഞ​ ത​വ​ണ​ത്തെ സം​സ്​​ഥാ​ന അ​വാ​ർ​ഡ് ജേ​താ​വ് കൂ​ടി​യാ​യ സി​സി​ലി ജോ​യി​യാ​ണ് ഏ​റെ പ്ര​ചോ​ദ​നം. പൂ​ഞ്ഞാ​ർ ന​വ​ധാ​ര​യു​ടെ ‘തീ​രം കാ​ശ്മീ​രം’ ആ​ണ് ജൂ​ലി​യു​ടെ ആ​ദ്യ നാ​ട​കം.

ജൂ​ലി ബി​നു അരങ്ങിൽ

 

തു​ട​ർ​ന്ന് തി​രു​വ​ന​ന്ത​പു​രം സം​ഘ​ചേ​ത​ന​യു​ടെ 'മു​ദ്ര​മോ​തി​രം', സൗ​മ്യ​സാ​ര​യു​ടെ ‘അ​ധി​കാ​രോ​ത്സ​വം’, കാ​ഞ്ഞി​ര​പ്പ​ള്ളി അ​മ​ല​യു​ടെ 'ന​ക്ഷ​ത്ര​ക്ക​ണ്ണു​ക​ൾ', കോ​ഴി​ക്കോ​ട് സ​ങ്കീ​ർ​ത്ത​ന​യു​ടെ 'മു​ത്ത​പ്പ​ൻ' തു​ട​ങ്ങി എ​ത്ര​യെ​ത്ര വേ​ദി​ക​ൾ. ജ​യ​ൻ തി​രു​മ​ല, വ​ക്കം ഷ​ക്കീ​ർ, രാ​ജീ​വ് മ​മ്പി​ളി, പ​യ്യ​ന്നൂ​ർ മു​ര​ളി... തു​ട​ങ്ങി​ എ​ത്ര​യെ​ത്ര സം​വി​ധാ​യ​ക​ർ. സം​സ്​​ഥാ​ന അ​വാ​ർ​ഡി​ന് പ​രി​ഗ​ണി​ക്ക​പ്പെ​ട്ടെ​ങ്കി​ലും ചി​ല​തെ​ല്ലാം സ്റ്റേ​യി​ലും മ​റ്റും കു​രു​ങ്ങി. പ്രാ​ദേ​ശി​കാ​ടി​സ്​​ഥാ​ന​ത്തി​ൽ ഇ​തി​ന​കം 40ഒാളം അ​വാ​ർ​ഡു​ക​ൾ തേ​ടി​യെ​ത്തി. ‘മ​ധു​ര​നൊ​മ്പ​ര​പ്പൊ​ട്ട്’ അ​ട​ക്കം നി​ര​വ​ധി നാ​ട​ക​ങ്ങ​ളി​ലെ അ​ഭി​നേ​താ​വും 2000ത്തിലെ ​സം​സ്​​ഥാ​ന അ​വാ​ർ​ഡ് ജേ​താ​വു​മാ​യ വൈ​ക്കം ബി​നു​വാ​ണ് ഭ​ർ​ത്താ​വ്. ഒ​രു സ​ഹോ​ദ​ര​നു​ണ്ട്. 

നാ​ട​കം സ്​​ത്രീ​ക​ൾ​ക്ക് പ​റ്റി​യ മേ​ഖ​ല​യ​ല്ലെ​ന്ന പ്ര​ചാ​ര​ണ​ത്തി​ൽ തെ​ല്ലും ക​ഴ​മ്പി​ല്ലെ​ന്ന പ​ക്ഷ​ക്കാ​രി​യാ​ണ് ജൂ​ലി. സ്​​ത്രീ​യെ​ന്ന​ത് എ​നി​ക്ക് ഒ​രി​ക്ക​ലും പ്ര​തി​ബ​ന്ധ​മാ​യി​ട്ടി​ല്ല. ഒ​രു കു​ടും​ബാം​ഗ​ത്തെ​പ്പോ​ലെ​യാ​ണ് എ​ല്ലാ​വ​രും പെ​രു​മാ​റു​ന്ന​ത്. ഭ​ർ​ത്താ​വിന്‍റെ പി​ന്തു​ണ വ​ലി​യ ഘ​ട​ക​മാ​ണെ​ന്ന​തും പ്ര​ധാ​ന​മാ​ണ്. ഏ​ഴ് വ​യ​സ്സുള്ള മ​ക​നും നാ​ട​ക ​ജീ​വി​ത​ത്തോ​ട് പൊ​രു​ത്ത​പ്പെ​ട്ടി​രി​ക്കു​ന്നു. ഒ​രു വ​യ​സ്സാ​യി​രി​ക്കു​മ്പോ​ൾ നാ​ട​ക​ത്തി​ൽ വേ​ഷ​മി​ട്ട അ​നു​ഭ​വ​വും അ​വ​നു​ണ്ട്. അ​വാ​ർ​ഡ് ല​ഭി​ച്ച ‘മ​ധു​ര​നൊ​മ്പ​ര​പ്പൊ​ട്ട്’ കൂ​ടു​ത​ൽ ജ​ന​കീ​യ​മാ​യ​ത് അ​തി​ൽ കൈ​കാ​ര്യം ചെ​യ്ത വി​ഷ​യ​ത്തിന്‍റെ കാ​ലി​ക​പ്ര​സ​ക്തി കൊ​ണ്ടു​ കൂ​ടി​യാ​കു​മെ​ന്ന് ജൂ​ലി പ​റ​യു​ന്നു.

പാ​ലാ ക​മ്യൂ​ണി​ക്കേ​ഷ​ൻ​സിന്‍റെ ചു​മ​ത​ല​ക്കാ​ര​നാ​യ ഫാ​ദ​ർ ജോ​യ​ൽ പ​ണ്ടാ​ര​പ്പ​റ​മ്പി​ലു​ൾ​പ്പെ​ടെ സ​മി​തി​യി​ലെ ഓ​രോ​രു​ത്ത​രും മു​ൻ​കാ​ല ട്രൂ​പ്പു​ക​ളു​ടെ സം​ഘാ​ട​ക​രും സം​സ്​​ഥാ​ന അ​വാ​ർ​ഡി​ലേ​ക്കു​ള്ള യാ​ത്ര​യി​ൽ ന​ൽ​കി​യ പി​ന്തു​ണ ജൂ​ലി നേ​ട്ട​ത്തിന്‍റെ നെ​റു​ക​യി​ലും മ​റ​ക്കു​ന്നി​ല്ല. നാ​ട​ക​ത്തി​ലെ ന​ല്ല വേ​ഷ​ങ്ങ​ളി​ൽ തൃ​പ്ത​യാ​യ​തി​നാ​ൽ സി​നി​മാ​ മോ​ഹ​ങ്ങ​ളി​ല്ലെ​ന്ന് കൂ​ടി അ​ര​ങ്ങി​നെ പ്ര​ണ​യി​ക്കു​ന്ന ഈ ​അ​ഭി​നേ​ത്രി പ​റ​ഞ്ഞു​വെ​ക്കു​ന്നു.