കൈക്കുള്ളിലെ നിഴലാട്ടങ്ങൾ

കെ.പി. ഷിജു
19:58 PM
04/07/2017
സ​തി അ​ച്ച​ത്ത്​ അവതരണത്തിനിടെ

ചി​മ്മിനി​വെ​ട്ട​ത്തി​ല്‍ വിര​ലു​ക​ള്‍ ചേ​ര്‍ത്ത് നി​ഴ​ല്‍ ചു​വ​രി​ല്‍വീ​ഴ്ത്തി പൂ​മ്പാ​റ്റ​ക​ളെ സൃ​ഷ്​ടി​ച്ചൊ​രു കു​ട്ടി​ക്കാ​ല​മി​ല്ലാ​ത്ത​വ​രാ​യി ആ​രു​ണ്ടാ​കും? പൂ​മ്പാ​റ്റ​ക​ള്‍ പിന്നെ ​മു​യ​ലു​ക​ളാ​യി. പി​ന്നീ​ട്, ന​മ്മ​ളാ സൃ​ഷ്​ടി​ക​ളെ മ​റ​ന്നു. കൈ​യും വി​ര​ലു​ക​ളും സൃ​ഷ്​ടി​ക്കുന്ന നി​ഴ​ലാ​ട്ടം​കൊ​ണ്ട് ലോ​ക​ത്തെ വി​സ്മ​യി​പ്പി​ക്കുന്ന ഹാ​ന്‍ഡ് ഷാ​​േഡാ (Hand shadow) എ​ന്ന വ​ള​ര്‍ന്നു വി​ക​സി​ക്കു​ന്നൊ​രു ക​ലാ​രൂ​പ​മാ​ണ​തെ​ന്ന് അ​ധി​ക​മാ​രും അ​റി​ഞ്ഞി​രു​ന്നി​ല്ല. വി​രലു​ക​ൾ ചേ​ര്‍ത്ത് രൂ​പ​ങ്ങ​ള്‍ സൃ​ഷ്​ടി​ക്കുന്ന ഈ ​ക​ലാ​രൂ​പ​ത്തി​ന് ന​മ്മു​ടെ ത​ല​മു​റ​യു​ടെ പ​ഴ​ക്ക​മ​ല്ല ഉ​ള്ള​ത്.

2000 വ​ര്‍ഷംമു​മ്പ് ചൈ​ന​ക്കാ​രാ​ണ​ത്രെ ഈ ​വി​ദ്യ ക​ണ്ടെത്തിയ​ത്. സോ​ഷ്യ​ല്‍ മീ​ഡി​യ​ സ​ജീ​വ​മാ​യ ഇ​ക്കാ​ല​ത്ത് ആ​ശ​യപ്ര​ച​ാര​ണ​ത്തി​നാ​യി ഹാ​ന്‍ഡ് ഷാ​ഡോ ഉ​പ​യോ​ഗി​ക്കു​ന്നത് സാ​ധാ​ര​ണ​മാ​ണ്​. ചു​രു​ക്കം ചി​ല ക​ലാ​കാ​ര​ന്മാ​രെ കേ​ര​ള​ത്തി​ല്‍ ഇ​തി​നു​ള്ളൂ. തൃ​ശൂ​ര്‍ സ്വ​ദേ​ശി​യും ലോ​ക​ബാ​ങ്കി​ലെ ​േപ്രാ​ജ​ക്​ട്​ ഇ​വാ​​േല്വ​ഷ​ന്‍ സ്പെ​ഷ​ലി​സ്​റ്റു​മാ​യ സ​തി അ​ച്ച​ത്ത്​​ നി​ര​വ​ധി വേ​ദി​ക​ളി​ല്‍ ഹാ​ന്‍ഡ് ഷാ​ഡോ അ​വ​ത​രി​പ്പി​ച്ച​യാ​ളാ​ണ്. അ​മേ​രി​ക്ക​യി​ല്‍ സം​ഘ​ടി​പ്പി​ക്കുന്ന ടാ​ലൻറ്​ ഫെ​സ്​റ്റി​ലെ ക്വാ​ര്‍ട്ട​ര്‍ ഫൈ​ന​ലിസ്​റ്റു​മാ​ണ്. ഹാ​ന്‍ഡ്ഷാ​ഡോ​യി​ല്‍ പ​രി​ശീ​ല​നം നേ​ടാ​ൻ താൽപര്യമുള്ളവ​ര്‍ക്കാ​യി അ​ദ്ദേ​ഹം ഒ​രു കൈ​പ്പു​സ്ത​ക​വും പ്ര​സി​ദ്ധീ​ക​രി​ച്ചി​ട്ടു​ണ്ട് (fun w​i​th h​an​d sh​a​dow).


അ​സ്ത​മി​ക്കുന്ന ക​ല ഇ​ന്ന് തി​ള​ക്ക​ത്തി​ല്‍
ഹാ​ന്‍ഡ് ഷാ​ഡോ എ​ന്ന് ഗൂ​ഗ്​ളി​ല്‍ തി​ര​ഞ്ഞാ​ല്‍ അ​തി​ല്‍ സ​തി അ​ച്ച​ത്തി​ന്‍റെ പേ​രും കാ​ണാം. ചൈ​ന​യി​ലും ഫ്രാ​ന്‍സി​ലും ഇം​ഗ്ല​ണ്ടി​ലും യൂ​റോ​പ്പി​ലു​മൊ​ക്കെ​യാ​യി വി​ക​സി​ച്ച ക​ലാ​രൂ​പ​ത്തി​ല്‍ ഒ​രു​മ​ല​യാ​ളി​യു​ടെ ക​ര​സ്പ​ര്‍ശം​കൂ​ടി​യു​ണ്ട്. സ​തി ഈ ​ക​ലാ​രൂ​പം പ​രി​ശീ​ലി​ച്ച​ത് അ​ച്ഛ​നി​ല്‍നി​ന്നാ​ണ്. അ​ന്ന് അ​സ്ത​മി​ക്കു​മാ​യി​രു​ന്ന ഒ​രു​ക​ലാ​രൂ​പം അ​ച്ഛ​ന്‍ സി.​കെ.​ മേ​നോ​ന്‍ പ​രീ​ക്ഷി​ച്ച​താ​ക​ട്ടെ ജോ​ലി​ക്കു​ശേ​ഷ​മു​ള്ള വി​ശ്ര​മ​വേ​ള​ക​ളി​ലും. ജോ​ലി​ക്കു​ശേ​ഷം ഒ​റ്റ​ക്കി​രി​ക്കു​മ്പോ​ള്‍ തെ​രു​വു​വി​ള​ക്കി​ന്‍റെ വെ​ളി​ച്ച​ത്തി​ല്‍ മു​റി​യി​ലി​രു​ന്നു പ​രീ​ക്ഷി​ച്ച​താ​ണ് നി​ഴ​ല്‍ രൂ​പ​ങ്ങ​ള്‍. അ​ന്ന് മ​ക്ക​ള്‍ക്കെ​ല്ലാം ഇ​ത് പ​ഠി​പ്പി​ച്ചെ​ങ്കി​ലും സ​തി​യാ​ണ് അ​തി​ല്‍ മാ​സ്​റ്റ​റാ​യ​ത്. ജോ​ലി​ക്കാ​യി പോ​കു​ന്നി​ട​ത്തെ​ല്ലാം സ​തി ഈ ​ക​ലാ​രൂ​പം അ​വ​ത​രി​പ്പി​ക്കും. പ​തി​യെ​പ്പ​തി​യെ ആ​ളു​ക​ള്‍ ഹാ​ന്‍ഡ് ഷാ​ഡോ മാ​സ്​റ്റ​ര്‍ എ​ന്ന​രീ​തി​യി​ല്‍ ഓ​ര്‍ത്തു​വെ​ക്കാ​ന്‍ തു​ട​ങ്ങി. ഇ​തോ​ടെ​യാ​ണ് നി​ഴ​ല്‍രൂ​പ​ങ്ങ​ളി​ല്‍ പു​തു​പു​ത്ത​ന്‍ പ​രീ​ക്ഷ​ണ​ങ്ങ​ള്‍ ന​ട​ത്താ​ന്‍ തു​ട​ങ്ങി​യ​ത്. 

മൃ​ഗ​ങ്ങ​ളും മ​നു​ഷ്യ​രും ഇ​രു​കൈ​ക​ളി​ല്‍
ലോ​ക​നേ​താ​ക്ക​ളും പ്ര​ശ​സ്ത​രു​മാ​ണ് സ​തി​യു​ടെ മാസ്​റ്റ​ര്‍ പീ​സ്. 150ഓ​ളം അ​പൂ​ര്‍വ​ങ്ങ​ളാ​യ നി​ഴ​ല്‍രൂ​പ​ങ്ങ​ള്‍ ഇ​തി​ന​കം സ​തി രൂ​പ​പ്പെ​ടു​ത്തി​. ഡോ​ണൾഡ്​ ട്രം​പും ന​രേ​ന്ദ്ര ​മോ​ദി​യു​മെ​ല്ലാം അ​തി​ല്‍ അ​വ​സാ​ന​ത്തെ ക​ണ്ണി​ക​ളാ​ണ്. ഇ​തു​കൂ​ടാ​തെ മൃ​ഗ​ങ്ങ​ളു​ടെ രൂ​പ​ങ്ങ​ള്‍ രൂ​പ​പ്പെ​ടു​ത്താ​നും അ​വ​യെ ച​ലി​പ്പി​ച്ച് ദൃ​ശ്യ​വി​രു​ന്നൊ​രു​ക്കാ​നും ത​യാ​ര്‍. മൈ​ക്കി​ള്‍ ജാ​ക്സ​നും മ​ദ​ര്‍ തെ​രേ​സ​യും ഉ​ള്‍പ്പെ​ടു​യു​ള്ള പ്ര​സി​ദ്ധ​രെ നി​ഴ​ലു​ക​ള്‍വ​ഴി രൂ​പ​പ്പെ​ടു​ത്തുന്ന ലോ​ക​ത്തി​ലെ അ​പൂ​ര്‍വം ഹാ​ന്‍ഡ് ഷാ​ഡോ മാസ്​റ്റ​ര്‍മാ​രി​ലൊ​രാ​ളാ​ണ് സ​തി. അ​ച്ഛ​നും താ​ൽപ​ര്യം ഇ​ത്ത​രം വ​ലി​യ മ​നു​ഷ്യ​രെ സൃഷ്​ടി​ക്കാ​നാ​യി​രു​ന്നു. ഹൈ​ദരാ​ബാ​ദി​ല്‍വെ​ച്ച് അ​ച്ഛ​നൊ​പ്പ​മാ​ണ് ആ​ദ്യ പ​രി​പാ​ടി അ​വ​ത​രി​പ്പി​ച്ച​ത്. ആദ്യ​മാ​യി ചെ​യ്ത പ​രി​പാ​ടി​യി​ല്‍ രാ​ജ​ഗോ​പാ​ലാ​ചാ​രി​യും ഇ​ന്ദി​ര​ ഗ​ാന്ധി​യു​മൊ​ക്കെ നി​ഴ​ലു​ക​ളാ​യി രൂ​പ​പ്പെ​ട്ട​പ്പോ​ള്‍ സ​ദ​സ്സ്​ കൈ​യ​ടി​ച്ചു.

നി​ഴ​ലി​നെ വി​ശ്വ​സി​ക്കൂ അ​തി​ന് പ​രി​മി​തി​യി​ല്ല
‘സ്വ​ന്തം നി​ഴ​ലി​നെ​പ്പോ​ലും വി​ശ്വസി​ക്കാ​നാ​വി​ല്ലെ​ന്ന​ത്’ പ​റ​ഞ്ഞു പ​ഴ​കി​യൊ​രു നാ​ട്ടു​ശൈ​ലി​യാ​ണ്. എ​ന്നാ​ല്‍, പ​രി​മി​തി​യി​ല്ലാ​ത്ത​തും ഏ​തു​ രൂ​പ​ത്തി​ലേ​ക്കും വ​ഴ​ങ്ങു​ന്നതു​മാ​ണ് നി​ഴ​ലു​ക​ള്‍. നി​ഴ​ല്‍ക​ലാ​രൂ​പം ഒ​രി​ക്ക​ല്‍ അ​സ്ത​മ​യത്തി​ന്‍റെ വ​ക്കി​ലെ​ത്തി​യെ​ങ്കി​ലും ഇ​പ്പോ​ള്‍ ഉ​യ​ിര്‍ത്തെ​ഴു​ന്നേറ്റ​ത് ഇ​തി​നാ​ലാ​ണ്. നി​ഴ​ല്‍രൂ​പ​ങ്ങ​ള്‍ സൃ​ഷ്​ടി​ക്കു​ന്ന ക​ല സ​ത്യ​ത്തി​ല്‍ ആ​ര്‍ക്കും പ​രി​ശീ​ലി​ക്കാ​വു​ന്നതാ​ണ്. ഒ​രു​ കാ​രി​ക്കേ​ച്ച​റി​സ്​റ്റിന്‍റെ കൗ​ശ​ലം ഉ​ണ്ടെ​ങ്കി​ല്‍ ഇ​തി​ല്‍ വി​ദ​ഗ്ധരാ​കാം. സ​തി എ​ഴു​തി​യ കൈ​പ്പു​സ്ത​കം ശ്ര​ദ്ധേ​യ​മാ​യി​ട്ടു​ണ്ട്. ചി​ല എ​ളു​പ്പ​വി​ദ്യ​ക​ള്‍ അ​ദ്ദേ​ഹം ഈ ​പു​സ്ത​ക​ത്തി​ല്‍ പ​ങ്കു​വെ​ക്കുന്നു​ണ്ട്. ചൂ​ണ്ടുവി​ര​ല്‍ മ​നു​ഷ്യ​ന്‍റെ മൂ​ക്കാ​യി ഉ​പ​​േയാ​ഗി​ക്കാം. ന​ടു​വി​ര​ലും മോ​തി​രവി​ര​ലും ചുണ്ടു​ക​ളാ​യി രൂ​പ​പ്പെ​ടു​ത്താം. ത​ല​മു​ടി രൂ​പ​പ്പെ​ടു​ത്താ​ന്‍ വ​ല​തു കൈ ​ഉ​പ​യോ​ഗി​ക്കാം. ഇ​ട​തു​കൈ മു​ഖ​ത്തി​നും വ​ല​തു​കൈ ത​ല​യു​ടെ രൂ​പ​ത്തി​നു​മാ​ണ് ഉ​പ​യോ​ഗി​ക്കു​ന്നത്. ഇ​ത് സ​തി രൂ​പ​പ്പെ​ടു​ത്തി​യ ശൈ​ലി​യാ​ണ്. 

ഒ​രാ​ളു​ടെ മു​ഖം മ​ന​സ്സി​ല്‍ പ​തി​ഞ്ഞാ​ല്‍ ഒ​രാ​ഴ്​ച മു​ത​ല്‍ ര​ണ്ടാ​ഴ്​ച ​വ​രെ​യു​ള്ള ഇ​ട​വേ​ള​ക​ള്‍ മ​തി നി​ഴ​ലാ​യി രൂ​പ​പ്പെ​ടു​ത്താ​ന്‍. ഒ​രി​ക്ക​ല്‍ ഫി​നി​ഷി​ങ് ല​ഭി​ച്ചാ​ല്‍ പിെ​ന്ന അ​തി​നോ​ട് കൈ​വ​ഴ​ങ്ങും. ഒ​രു​പ​ടി​കൂ​ടി ക​ട​ന്ന് ഒ​രു​പേ​പ്പ​റും പേ​ന​യു​മെ​ടു​ത്ത് ഒ​ന്നു​വ​ര​ച്ചു നോ​ക്കി​യാ​ല്‍ ആ​രെ​യും കൈ​ക​ളി​ല്‍ സൃ​ഷ്​ടി​ക്കാ​മെ​ന്ന് സ​തി ചൂ​ണ്ടി​ക്കാ​ട്ടു​ന്നു. 150ലേ​റെ അ​പൂ​ര്‍വ നി​ഴ​ല്‍രൂ​പ​ങ്ങ​ള്‍ രൂ​പ​പ്പെ​ടു​ത്തി​യ​ത് ഇ​ങ്ങ​നെ​യാ​ണെന്ന്​ അ​ദ്ദേ​ഹം പ​റ​ഞ്ഞു. കാ​രി​ക്കേ​ച്ച​ര്‍ വ​ര​ക്കു​ന്നവ​ര്‍ ഒ​രാ​ളെ കാ​ണു​മ്പോ​ള്‍ ഒ​രു​സ്ട്രൈ​ക്കി​ങ് പോ​യ​ൻറ്​ രൂ​പ​പ്പെ​ടു​ത്തും. അ​തു​ത​ന്നെയാ​ണ് ഈ ​നി​ഴ​ല്‍ ക​ലാ​രൂ​പ​ത്തി​നും വേ​ണ്ട​ത്. നി​ഴ​ല്‍രൂ​പ​ങ്ങ​ളോ​ടൊ​പ്പം വെ​ൻറി​ലോ​ക്കി​സം എ​ന്ന പാ​വ​ക​ളെ​ക്കൊ​ണ്ട് വ​ര്‍ത്ത​മാ​നം പ​റ​യി​പ്പി​ക്കു​ന്ന പ​രി​പാ​ടി​കൂ​ടി സ​തി ഇ​തോ​ടൊ​പ്പം വി​ക​സി​പ്പി​ക്കുന്നു​ണ്ട്. ആ​റ് സ്ക്രി​പ്റ്റു​ക​ള്‍ ഇ​തി​നാ​യി ത​യാ​റാ​ക്കി​യി​ട്ടു​ണ്ട്.

ആ​ർ​ട്ട് തെ​റപ്പി എ​ന്ന രീ​തി​യി​ല്‍ മാ​ന​സി​ക വെ​ല്ലു​വി​ളി​ നേ​രി​ടുന്ന കു​ട്ടി​ക​ള്‍ക്കാ​യി യൂ​നി​വേ​ഴ്സി​റ്റി​ക​ള്‍ ​ഇന്ന് നി​ഴ​ല്‍ക​ലാ​രൂ​പ​ത്തെ അ​വ​രു​ടെ പാ​ഠ്യ​പ​ദ്ധ​തി​യി​ല്‍ ഉ​ള്‍പ്പെ​ടു​ത്തുന്നു​ണ്ട്. ഒ​രു​ സ​ന്ദേ​ശ​മോ രൂ​പ​മോ എ​ളു​പ്പം മ​ന​സ്സി​ലാ​കും എന്ന​താ​ണ് സ​വി​ശേ​ഷ​ത. തെ​റ​പ്യൂ​ട്ടി​ക് മെ​ഡി​സി​ന​ല്‍ വാ​ല്യു’ ഈ ​ക​ലാ​രൂ​പ​ത്തി​നു​​ണ്ടെന്നും അ​ദ്ദേ​ഹം പ​റ​യുന്നു. ഇ​ന്ത്യ​ന്‍ റ​വ​ന്യൂ സ​ര്‍വി​സി​ലും ഇ​പ്പോ​ള്‍ ലോ​ക​ബാ​ങ്കി​ലും ജോ​ലി​നോ​ക്കുന്ന സ​തി ആ​റ് പു​സ്ത​ക​ങ്ങ​ളു​ടെ ര​ച​യി​താ​വും കാ​ർ​ട്ടൂ​ണി​സ്​റ്റു​മാ​ണ്. വ്യ​ക്തി​ത്വ​വി​ക​സ​ന, നേ​തൃ​ഗു​ണ പ​രി​ശീ​ലന ക്ലാ​സു​ക​ളും ന​ട​ത്തു​ന്നു​ണ്ട്. 64 രാ​ജ്യ​ങ്ങ​ള്‍ സ​ന്ദ​ര്‍ശി​ച്ചു.

COMMENTS