Begin typing your search above and press return to search.
proflie-avatar
Login
exit_to_app
exit_to_app
Mafas Yusuf Salih
cancel
camera_alt??????? ??????? ?????????

ലോ​ക​ത്തി​നു​മു​ന്നി​ൽ ഒ​രി​റ്റു ക​ണ്ണീ​ർ​ത്തു​ള്ളി​യാ​ണ് ഫ​ല​സ്തീ​ൻ, ഏ​ത് നി​മി​ഷ​വും പൊ​ട്ടി​ച്ചി​ത​റാ​ൻ വെ​മ്പി​നി​ൽ​ക്കു​ന്ന ക​ണ്ണു​നീ​ർ​ത്തു​ള്ളി. എ​ന്നാ​ൽ, ആ ​ജ​ന​ത​യെ സം​ബ​ന്ധി​ച്ചി​ട​ത്തോ​ളം പ്ര​തീ​ക്ഷ​യു​ടെ​യും പോ​രാ​ട്ട​ത്തിന്‍റെ​യും പ​ളു​ങ്കു​മ​ണി​ക​ളാ​ണ് ഓ​രോ ക​ണ്ണു​നീ​ർ​ത്തു​ള്ളി​യും. ഫ​ല​സ്തീ​നി​ലെ ഓ​രോ പു​ല​രി​ക​ളും പി​റ​ക്കു​ന്ന​ത് അ​തി​ജീ​വ​ന​ത്തിന്‍റെ പു​തി​യ ആ​കാ​ശ​ങ്ങ​ൾ​ക്കു​കീ​ഴെ​യാ​ണ്. പി​റ​കി​ലെ നോ​വൂ​റു​ന്ന കാ​ഴ്ച​ക​ൾ കൊ​ണ്ട് ഉ​ള്ളം പി​ട​യു​മെ​ങ്കി​ലും അ​ത് പു​റ​മേ​ക്ക് പ്ര​ക​ടി​പ്പി​ക്കാ​തെ അ​വ​ർ മു​ന്നോ​ട്ട് പ്ര​യാ​ണം ന​ട​ത്തു​ക​യാ​ണ്; എ​ന്നോ പു​ല​രു​ന്ന സ്വാ​ത​ന്ത്ര്യ​ത്തിന്‍റെ തെ​ളി​ഞ്ഞു​ചി​രി​ക്കു​ന്ന ച​ക്ര​വാ​ള​ങ്ങ​ളി​ലേ​ക്ക്. ഫ​ല​സ്തീന്‍റെ ഹൃ​ദ​യ​ഭൂ​മി​യാ​യ ഗ​സ്സയി​ലെ കു​രു​ന്നു​ക​ൾപോ​ലും ച​രി​ത്ര​ത്തി​ലേ​ക്കാ​യി വീ​റു​റ്റ പോ​രാ​ട്ട​ങ്ങ​ളു​ടെ പു​തു​ഗാ​ഥ​ക​ൾ ര​ചി​ക്കു​ന്ന​വ​രാ​ണ്. ഓ​രോ കു​ഞ്ഞിന്‍റെ​യും ര​ക്ത​സാ​ക്ഷി​ത്വ​വും അ​വ​ശേ​ഷി​ക്കു​ന്ന​വ​രെ ക​ര​യി​പ്പി​ക്കു​ന്ന​തി​നു​പ​ക​രം ശു​ഭാ​പ്തി​വി​ശ്വാ​സ​ത്തിന്‍റെ ന​വ്യ​വെ​ളി​ച്ച​ത്തി​ൽ ന​യി​ക്കും. ഗ​സ്സ​യി​ലെ പോ​രാ​ട്ട​വും അ​തി​ജീ​വ​ന​വും പ്ര​തി​ഫ​ലി​പ്പി​ക്കു​ന്ന അ​നേ​ക​ജീ​വി​ത​ങ്ങ​ളി​ലൊ​ന്നാ​ണ് മ​ഫാ​സ് യൂ​സ​ഫ് സാ​ലി​ഹി​ന്‍റെത്. ഹ​മാ​സിന്‍റെ സ​ജീ​വ പ്ര​വ​ർ​ത്ത​ക​നാ​യ ഡോ.​ അ​ഹ​മ​ദ് യൂ​സ​ഫിന്‍റെ​യും മെ​ഹ​ദി​യ​യു​ടെ​യും മ​ക​ളാ​യി ജ​നി​ച്ച്, ഡ​ൽ​ഹി​യി​ൽ ജീ​വി​ക്കു​ന്ന മ‍ഫാ​സ് അ​ൽ​ജ​സീ​റ കോ​ള​മി​സ്​റ്റും ഫ​ല​സ്തീ​ൻ വി​മോ​ച​ന പോ​രാ​ളി​യു​മാ​ണ്. ലോ​കം കാ​ണു​ന്ന ക​ണ്ണീ​ര​നു​ഭ​വ​ങ്ങ​ളെ​ക്കു​റി​ച്ച്, ഗ​സ്സയി​ലെ അ​തി​ജീ​വ​ന പോ​രാ​ട്ട​ങ്ങ​ളെ​ക്കു​റി​ച്ച് ഈ 26​കാ​രി പ​റ​യു​ന്നു. 

കൂ​ട്ടി​ച്ചേ​ർ​ക്ക​ലിന്‍റെ വി​വാ​ഹം; വേ​ർ​പെടു​ത്ത​ലിന്‍റെ​യും
ഓ​രോ വി​വാ​ഹ​വും ര​ണ്ട് വ്യ​ക്തി​ക​ൾ​ക്ക​പ്പു​റം ര​ണ്ട് കു​ടും​ബ​ങ്ങ​ളു​ടെ​യും കൂ​ടി​ച്ചേ​ര​ലാ​ണ്. എ​ന്നാ​ൽ ഗ​സ്സയി​ൽ 17 വ​ർ​ഷ​ങ്ങ​ൾ​ക്കു​മു​മ്പ് ന​ട​ന്ന ഒ​രു വി​വാ​ഹം ഒ​രു പെ​ൺ​കു​ട്ടി​യെ സ്വ​ന്തം കു​ടും​ബ​ത്തി​ൽനി​ന്ന് അ​തി​നി​ർ​ദ​യം വേ​ർ​പെടു​ത്തു​ക​യാ​യി​രു​ന്നു. മ​ഫാ​സിന്‍റെ മൂ​ത്ത സ​ഹോ​ദ​രി ഷി​റാ​സിന്‍റെ​താ​യി​രു​ന്നു ആ ​വി​വാ​ഹം. വെ​സ്​റ്റ്​ ബാ​ങ്കി​ലാ​യി​രു​ന്നു വ​ര​​​​​​​​​​െൻറ കു​ടും​ബം. അ​വ​ളു​ടെ വി​വാ​ഹം ക​ഴി​ഞ്ഞ് ഒ​രാ​ഴ്ച​ക്ക​കം ര​ണ്ടാം ഇ​ൻ​തി​ഫാ​ദ (ഫ​ല​സ്തീ​നി​ലെ ഇ​സ്ര​ായേ​ൽ അ​ധി​നി​വേ​ശ​ത്തിെ​ന​തി​രെ ഈ ​ ജ​ന​ത ന​ട​ത്തു​ന്ന പോ​രാ​ട്ട​വും ഉ​യ​ിർ​ത്തെ​ഴു​ന്നേ​ൽ​പു​മാ​ണ് ഇ​ൻ​തി​ഫാ​ദ) അ​ര​ങ്ങേ​റി. അ​ന്ന് ഇ​സ്ര​ായേ​ൽ സൈ​ന്യം ഗ​സ്സക്കും വെ​സ്​റ്റ്​ ബാ​ങ്കി​​നും ഇ​ട​യി​ൽ വി​ഭ​ജ​ന​ത്തിന്‍റെ മ​തി​ൽ പ​ണി​തു. ര​ണ്ടു പ​ട്ട​ണ​ങ്ങ​ളി​ലെ​യും ആ​യി​ര​ക്ക​ണ​ക്കി​നാ​ളു​ക​ളെ​പ്പോ​ലെ ആ ​മ​തി​ൽ ഭൗ​തി​ക​മാ​യി വി​ഭ​ജി​ച്ച​ത് ഷി​റാ​സി​നെ​യും അ​വ​ളു​ടെ കു​ടും​ബ​ത്തെ​യു​മാ​ണ്. ഗ​സ്സയി​ൽനി​ന്ന് വെ​സ്​റ്റ്​ ബാ​ങ്കി​​ലേ​ക്കോ, തി​രി​ച്ചോ യാ​ത്ര ചെ​യ്യാ​ൻ സൈ​ന്യം ആ​രെ​യും അ​നു​വ​ദി​ച്ചി​ല്ല. അ​വ​ൾ​ക്ക് ഗ​സ്സയി​ലെ കു​ടും​ബ​ത്തി​ലേ​ക്ക് വ​ര​ണ​മെ​ങ്കി​ൽ വെ​സ്​റ്റ്​ ബാ​ങ്കി​​ൽനി​ന്ന് ജോ​ർ​ഡനി​ലേ​ക്കും, ജോ​ർ​ഡനി​ൽ നി​ന്ന് ഈ​ജി​പ്തി​ലേ​ക്കും വ​ര​ണം. ഈ​ജി​പ്തി​ൽ ഗ​സ്സയി​ലേ​ക്കു​ള്ള അ​തി​ർ​ത്തി​ക​വാ​ടം തു​റ​ക്കു​ന്ന​തു​വ​രെ കാ​ത്തി​രി​ക്ക​ണം. ചി​ല​പ്പോ​ൾ മാ​സ​ങ്ങ​ളൊ​ക്കെ  കാ​ത്തി​രി​ക്കേ​ണ്ടി​വ​രും. നേ​രി​ട്ട് യാ​ത്ര ചെ​യ്യു​മ്പോ​ൾ അ​ര​മ​ണി​ക്കൂ​ർ ദൂ​ര​മു​ള്ളി​ട​ത്താ​ണ് ചു​റ്റി​വ​ള​ഞ്ഞ് വ​രു​മ്പോ​ൾ ഒ​ന്ന​ര​ദി​വ​സം എ​ടു​ക്കു​ന്ന​ത്, അ​തും അ​തി​ർ​ത്തി തു​റ​ന്നു​കി​ട​ക്കു​ന്നു​ണ്ടെ​ങ്കി​ൽ മാ​ത്രം. 

ഒ​രി​ക്ക​ൽ ഷി​റാ​സ് ക​ടു​ത്ത അ​സു​ഖ​വു​മാ​യി ശ​യ്യാ​വ​ലം​ബി​യാ​യി കി​ട​ക്കു​മ്പോ​ൾ സ​ന്ദ​ർ​ശി​ക്കാ​നാ​യി ശ്ര​മി​ച്ച മ​ഫാ​സിന്‍റെ മാ​താ​വ് മെ​ഹ​ദി​യ​ക്ക് ആ​റു​മാ​സ​മാ​ണ് അ​നാ​വ​ശ്യ​മാ​യ ന​ട​പ​ടിക്ര​മ‍‍ങ്ങ​ൾ പൂ​ർ​ത്തി​യാ​ക്കാ​നെ​ടു​ത്ത​ത്. 17 വ​ർ​ഷ​ത്തി​നി​ട​ക്ക് ഒ​രി​ക്ക​ൽ മാ​ത്ര​മാ​ണ് ഷി​റാ​സി​ന് ഗ​സ്സയി​ലെ സ്വ​ന്തം വീ​ട്ടി​ലെ​ത്താ​ൻ ക​ഴി​ഞ്ഞ​ത്. ര​ക്ത​ബ​ന്ധു​ക്ക​ളെ ഏ​റെക്കാ​ലം പി​രി​ഞ്ഞി​രി​ക്കു​ന്ന​തിന്‍റെ വേ​ദ​ന ആ ​യു​വ​തി​യെ മാ​ന​സി​ക​മാ​യി ഏ​റെ ത​ള​ർ​ത്തി. ക​ടു​ത്ത വി​ഷാ​ദ​വും മോ​ഹ​ഭം​ഗ​വും അ​വ​ളെ പെ​ട്ടെ​ന്നൊ​രു ദി​വ​സം മ​ര​ണ​ത്തി​ലേ​ക്ക് ന​യി​ച്ചു. ഈ ​വ​ർ​ഷ​മാ​യി​രു​ന്നു അ​ത്. ഇ​ന്ത്യ​യി​ലാ​യി​രു​ന്ന മ​ഫാ​സ് വെ​സ്​റ്റ്​ ബാ​ങ്കി​ലേ​ക്ക് പോ​വാ​ൻ ഒ​ട്ടേ​റെ പ​രി​ശ്ര​മ​ങ്ങ​ൾ ന​ട​ത്തി​യെ​ങ്കി​ലും നി​രാ​ശ​യാ​യി​രു​ന്നു ഫ​ലം. മെ​ഹ്ദി​യ​ക്കു​പോ​ലും അ​വ​ളെ അ​വ​സാ​ന​മാ​യി കാ​ണാ​നാ​യി​ല്ല. അ​വ​ർ ക​ര​ഞ്ഞ് കാ​ലു​പി​ടി​ച്ച് പ​റ​ഞ്ഞെ​ങ്കി​ലും ഇ​സ്ര​ായേ​ലി അ​ധി​കൃ​ത​ർ അ​തൊ​ന്നും ചെ​വി​കൊ​ണ്ടി​ല്ല. ഹ​മാ​സ് നേ​താ​വാ​യ ഡോ.​ അ​ഹ​മ​ദി​നോ​ടു​ള്ള പ​ക​യും വൈ​കാ​രി​ക​മാ​യി ത​ക​ർ​ന്നുനി​ൽ​ക്കു​ന്ന ആ ​കു​ടും​ബ​ത്തി​നു​മേ​ൽ പ്ര​യോ​ഗി​ക്കു​ക​യാ​യി​രു​ന്നു സൈ​ന്യം. അ​ന്ത്യ​ക​ർ​മ​ങ്ങ​ൾ പൂ​ർ​ത്തി​യാ​യി പി​ന്നെ​യും ദി​വ​സ​ങ്ങ​ൾ ക​ഴി​ഞ്ഞാ​ണ് ആ ​മാ​താ​വി​ന് വെ​സ്​റ്റ്​ ബാ​ങ്കി​ലെ​ത്താ​നാ​യ​ത്. ദി​വ​സ​ങ്ങ​ൾ​ക്കു​ശേ​ഷം വെ​സ്​റ്റ്​ ബാ​ങ്കി​ലെ​ത്തി​യ മെ​ഹ്ദി​യ​ക്ക് കാ​ണാ​നാ​യ​ത് ഷി​റാ​സിന്‍റെ വി​യോ​ഗ​ത്തി​ൽ ക​ര​ഞ്ഞു​ത​ള​ർ​ന്നി​രി​ക്കു​ന്ന നാ​ലു മ​ക്ക​ളെ​യാ​ണ്. അ​തി​ൽ ഇ​ള​യ ര​ണ്ടു​കു​ട്ടി​ക​ളെ ത​​​​​​​​​​െൻറ കൂ​ടെ വ​ള​ർ​ത്താ​നാ​ഗ്ര​ഹി​ച്ച് വീ​ട്ടി​ലേ​ക്ക് കൊ​ണ്ടു​വ​രാ​ൻ ശ്ര​മി​ച്ചെ​ങ്കി​ലും അ​വി​ടെ​യും നി​രാ​ശ​യാ​യി​രു​ന്നു ഫ​ലം. അ​തി​ൽ ഇ​ള​യ ര​ണ്ടു​മ​ക്ക​ളെ കാ​ണാ​ൻ പോ​ലും മ​ഫാ​സി​നു ക​ഴി​ഞ്ഞി​ല്ല. 

പോ​രാ​ട്ടം ത​ന്നെ​യാ​ണ് ജീ​വി​തം
കൊ​ള​റാ​ഡോ സ​ർ​വ​ക​ലാ​ശാ​ല​യി​ൽ നി​ന്ന് ഡോ​ക്ട​റേ​റ്റ് നേ​ടി​യ ഡോ.​ അ​ഹ​മ​ദ് യൂ​സ​ഫ് ഹ​മാ​സിന്‍റെ സ​ജീ​വ പ്ര​വ​ർ​ത്ത​ക​നും അ​ക്കാ​ദ​മീ​ഷ്യ​നും എ​ഴു​ത്തു​കാ​ര​നു​മാ​ണ്. ഗ​സ്സയി​ലെ രാ​ഷ്​​ട്രീയ വി​ഷ​യ​ങ്ങ​ളെ​ക്കു​റി​ച്ചും അ​തി​ജീ​വ​ന ​പോ​രാ​ട്ട​ങ്ങ​ളെ​ക്കു​റി​ച്ചും ഹ​മാ​സി​നെ​ക്കു​റി​ച്ചും തു​ർ​ക്കി നേ​താ​വ് ഉ​ർ​ദു​ഗാ​നെ​ക്കു​റി​ച്ചും 35ലേ​റെ പു​സ്ത​ക​ങ്ങ​ൾ അ​ദ്ദേ​ഹം എ​ഴു​തിയി​ട്ടു​ണ്ട്. ഇ​സ്ര​ായേ​ൽ വി​ല​ക്കി​നെ​ത്തു​ട​ർ​ന്ന് ഡോ.​ അ​ഹ​മ​ദ് യൂ​സ​ഫി​ന് 17 വ​ർ​ഷ​മാ​ണ് യു.​എ​സി​ൽ ക​ഴി​യേ​ണ്ടി​വ​ന്ന​ത്. ഷി​റാ​സ്, ത​സ്നീം, അ​രീ​ജ്, ഇ​ഷ്റാ​ഖ് എ​ന്നി​ങ്ങ​നെ നാ​ല് സ​ഹോ​ദ​രി​മാ​രും അ​ഹ​മ​ദ്, യ​ഖീ​ൻ, ഇ​സു​ദ്ദീ​ൻ എ​ന്നി​ങ്ങ​നെ മൂ​ന്ന് സ​ഹോ​ദ​ര​ങ്ങ​ളും അ​ട​ങ്ങു​ന്ന​താ​ണ് മ​ഫാ​സിന്‍റെ കു​ടും​ബം. മ​ഫാ​സും ര​ണ്ട് സ​ഹോ​ദ​ര​ങ്ങ​ളും ജ​നി​ച്ച​ത് യു.​എ​സി​ലാ​ണ്. 2005ൽ ​ഗ​സ്സ അ​ധി​നി​വേ​ശ​ക്കാ​രി​ൽനി​ന്ന് സ്വ​ത​ന്ത്ര​മാ​വു​ക​യും 2006ൽ ​തെ​ര​ഞ്ഞെ​ടു​പ്പി​ൽ ഹ​മാ​സ് വി​ജ​യി​ക്കു​ക​യും ചെ​യ്ത​പ്പോ​ൾ ഡോ.​ അ​ഹ​മ​ദ് ഗ​സ്സയി​ൽ തി​രി​ച്ചെ​ത്തി.

പ്ര​ധാ​ന​മ​ന്ത്രി ഇ​സ്മ​യി​ൽ ഹ​നി​യ്യയു​ടെ രാ​ഷ്​ട്രീ​യ​കാ​ര്യ ഉ​പ​ദേ​ഷ്​ടാവാ​യാ​ണ് ഡോ.​ അ​ഹ​മ​ദ് ഫ​ല​സ്തീ​നി​ലെ​ത്തി​യ​ത്. വി​ദേ​ശ​കാ​ര്യ ഡെ​പ്യൂ​ട്ടി ഡ​യ​റ​ക്ട​ർ കൂ​ടി​യാ​യ അ​ദ്ദേ​ഹ​ത്തി​നാ​ണ് ഗ​സ്സക്ക് ഐ​ക്യ​ദാ​ർ​ഢ്യ​വു​മാ​യി എ​ത്തി​ച്ചേ​രു​ന്ന ഏ​ഷ്യ​യി​ൽ​നി​ന്നും മ​റ്റു​മു​ള്ള പ്ര​തി​നി​ധി സം​ഘ​ത്തെ സ്വീ​ക​രി​ക്കു​ന്ന ചു​മ​ത​ല​യു​ണ്ടാ​യി​രു​ന്ന​ത്. അ​ക്കാ​ല​ത്ത് വി​ദേ​ശ​കാ​ര്യ മ​ന്ത്രാ​ല​യ​ത്തി​നു​കീ​ഴി​ലെ മാ​ധ്യ​മ​പ്ര​വ​ർ​ത്ത​ക​യാ​യ മ​ഫാ​സി​ന് ഇ​ന്ത്യ​ക്കാ​രു​ൾ​​െപ്പ​ടെ​യു​ള്ള നി​ര​വ​ധി വി​ദേ​ശി​ക​ളു​മാ​യി പ​രി​ച​യ​പ്പെ​ടാ​നും ബ​ന്ധം സ്ഥാ​പി​ക്കാ​നും ക​ഴി​ഞ്ഞു. 2011ൽ ​ഏ​ഷ്യ-​ഗസ്സ കാ​ര​വനി​ലെ​ത്തി​യ ഇ​ന്ത്യ​ക്കാ​ര​നാ​യ ബ​ദ​ർ ഖാ​ൻ സൂ​രി​യെ​യാ​ണ് മ​ഫാ​സ് ജീ​വി​ത​പ​ങ്കാ​ളി​യാ​ക്കി​യ​ത്. യു.​പി​യി​ലെ സ​ഹാ​റ​ൻ​പുർ സ്വ​ദേ​ശി​യാ​യ അ​ദ്ദേ​ഹം ജാ​മി​അ മി​ല്ലി​യ​യി​ൽ പീ​സ് ആ​ൻ​ഡ് കോ​ൺ​ഫ്ലി​ക്ടി​ൽ മാ​സ്​റ്റർ ബി​രു​ദം ചെ​യ്തു​കൊ​ണ്ടി​രി​ക്കു​മ്പോ​ഴാ​ണ് ഗ​സ്സയി​ലെ​ത്തി​യ​ത്. ഒ​രു​മി​ച്ച് ഫ​ല​സ്തീ​ൻ വി​മോ​ച​ന പ്ര​വ​ർ​ത്ത​ന​ങ്ങ​ൾ ന​ട​ത്തി​ക്കൊ​ണ്ടി​രി​ക്കു​ന്ന​തി​നി​ടെ 2012ലാ​യി​രു​ന്നു വി​വാ​ഹം. ഒ​ന്ന​ര​വ​യ​സ്സുള്ള മ​ക​ന് വി​മോ​ച​ന​പോ​രാ​ട്ട​ത്തിന്‍റെ പ്ര​തീ​ക​മാ​യ യാ​സിർ അ​റ​ഫാ​ത്തിന്‍റെ ഓ​ർ​മ​ക്കാ​യി അ​റ​ഫാ​ത്ത് എ​ന്ന പേ​രാ​ണ് ന​ൽ​കി​യ​ത്.

Mafas Yusuf Salih
മ​ഫാ​സ് യൂ​സ​ഫ് സാ​ലി​ഹ്​ കുഞ്ഞിനൊപ്പം
 


മ​ഫാ​സിന്‍റെ കു​ടും​ബ​ത്തി​നു​മാ​ത്ര​മ​ല്ല ഗ​സ്സയി​ൽ ജീ​വി​ക്കു​ന്ന ഓ​രോ കു​ടും​ബ​ങ്ങ​ൾ​ക്കും വി​ഭ​ജ​ന​ത്തിന്‍റെ​യും ക​ണ്ണീ​രിന്‍റെ​യും ക​ഥ​ക​ൾ പ​റ​യാ​നു​ണ്ട്. ഗ​സ്സക്കും വെ​സ്​റ്റ്​ ബാ​ങ്കി​​നും ഇ​ട​യി​ലെ എ​രീ​സ് ബോ​ർ​ഡ​ർ കൂ​ടാ​തെ ഗ​സ്സക്കും ഈ​ജി​പ്തി​നും ഇ​ട​യി​ൽ ഒ​രു അ​തി​ർ​ത്തി​യു​ണ്ട്. റ​ഫാ എ​ന്ന ഈ ​അ​തി​ർ​ത്തി​ക​വാ​ടം ക​ഴി​ഞ്ഞ അ​ഞ്ചു​മാ​സ​മാ​യി അ​ട​ച്ചി​ട്ടി​രി​ക്കു​ക​യാ​ണ്. എ​രീസ് അ​തി​ർ​ത്തി​യി​ലൂ​ടെ ഫ​ല​സ്തീ​നി​ക​ൾ​ക്ക് യാ​ത്ര ചെ​യ്യാ​നാ​വി​ല്ല. ഈ​ജി​പ്ത് ബോ​ർ​ഡ​ർ വ​ള​രെ കു​റ​ച്ചു​നാ​ളു​ക​ൾ​ക്കു മാ​ത്ര​മേ തു​റ​ന്നു​കൊ​ടു​ക്കു​ക​യു​ള്ളൂ. ഹ​ജ്ജ് പോ​ലു​ള്ള ആ​വ​ശ്യ​ങ്ങ​ൾ​ക്കു​മാ​ത്ര​മാ​ണ് അ​തി​ലൂെ​ട നി​യ​ന്ത്ര​ണ​മി​ല്ലാ​തെ ക​ട​ത്തി​വി​ടു​ന്ന​ത്. ബാ​ക്കി കാ​ല​ങ്ങ​ളി​ലെ​ല്ലാം മാ​സ​ങ്ങ​ളോ​ളം ക​വാ​ടം തു​റ​ക്കു​ന്ന​തി​നാ​യി കാ​ത്തി​രി​ക്കേ​ണ്ടി​വ​രും. 2012ലെ ​യു​ദ്ധ​ത്തി​നു​ശേ​ഷം കു​ടും​ബ​ത്തെ സ​ന്ദ​ർ​ശി​ച്ചു മ​ട​ങ്ങാ​നൊ​രു​ങ്ങി​യ മ​ഫാ​സ് മാ​സ​ങ്ങ​ളാ​ണ് ഈ​ജി​പ്ത് അ​തി​ർ​ത്തി​യി​ൽ കു​ടു​ങ്ങി​ക്കി​ട​ന്ന​ത്. പെ​രു​ന്നാ​ളി​ന് നാ​ട്ടി​ലേ​ക്ക് പോ​വാ​നാ​ഗ്ര​ഹി​ച്ച മ​ഫാ​സി​നെ അ​തി​ർ​ത്തി പ്ര​ശ്നം പ്ര​തി​രോ​ധ​ത്തി​ലാ​ക്കു​ക​യാ​യി​രു​ന്നു. അ​വ​രു​ടെ വ​ലി​യ കു​ടും​ബ​ത്തി​ൽ വ​ള​രെ​കു​റ​ച്ചു​പേ​ർ മാ​ത്ര​മാ​ണ് ഗ​സ്സയി​ൽ ജീ​വി​ക്കു​ന്ന​ത്. ര​ണ്ട് സ​ഹോ​ദ​രി​മാ​രും ഒ​രു സ​ഹോ​ദ​ര​നും കു​ടും​ബ​മാ​യി ഗ​സ്സയി​ൽ താ​മ​സി​ക്കു​ന്നു. 
 
ഹൃ​ദ​യ​ത്തി​ൽ മു​റിേ​വ​റ്റ് മൂ​ന്നു​നാ​ളു​ക​ൾ...
ചെ​റു​പ്പ​ത്തി​ൽ ഇ​സ്രാ​യേ​ലി സൈ​ന്യം ത​ങ്ങ​ളോ​ടു കാ​ണി​ച്ച ക്രൂ​ര​മാ​യ ഒ​രു അ​നു​ഭ​വം മ​ഫാ​സ് ഓ​ർ​ക്കു​ന്നു. ‘‘ഒ​രേ സ​മ​യം മൂ​ന്ന് റോ​ഡു​ക​ൾ വ്യ​ക്ത​മാ​യി ദൃ​ശ്യ​മാ​വു​ന്ന ത​ര​ത്തി​ലു​ള്ള കെ​ട്ടി​ട​മാ​യി​രു​ന്നു ഗ​സ്സയി​ലെ ഞ​ങ്ങ​ളു​ടെ വീ​ട്. 2004ൽ ​റ​ഫ അ​ധി​നി​വേ​ശ​കാ​ല​ത്ത് വീ​ട് സൈ​ന്യം വ​ള​ഞ്ഞു. യു​ദ്ധ ടാ​ങ്കു​ക​ളും തോ​ക്കു​ക​ളും മ​റ്റു​മാ​യാ​ണ് അ​വ​ർ ഇ​ടി​ച്ചു​കേ​റി​യ​ത്. 30ലേ​റെ ആ​ളു​ക​ളു​ണ്ടാ​യി​രു​ന്നു.  വ​ള​രെ ചെ​റി​യ കു​ട്ടി​യാ​യി​രു​ന്നു ഞാ​ന​ന്ന്. 24 പേ​രു​ണ്ടാ​യി​രു​ന്നു കു​ടും​ബ​ത്തി​ൽ. ഞ​ങ്ങ​ളെ​ല്ലാ​വ​രെ​യും അ​വ​ർ ഒ​രു ഇ​ടു​ങ്ങി​യ ബാ​ത്ത്റൂ​മി​ലേ​ക്ക് ത​ള്ളി​യി​ട്ട് വാ​തി​ല​ട​ച്ചു. ഒ​ന്നാ​ലോ​ചി​ച്ചു​നോ​ക്കൂ, 24 പേ​ർ ഒ​ട്ടും വ​ലുപ്പ​മി​ല്ലാ​ത്ത ഒ​രു ബാ​ത്ത്റൂ​മി​ൽ എ​ങ്ങ​നെ ക​ഴി​യാ​നാ​ണ്. ഭ​ക്ഷ​ണ​മി​ല്ല, വെ​ള്ള​മി​ല്ല. ഞാ​നു​ൾ​​െപ്പ​ടെ ഒ​രു​പാ​ട് കു​ട്ടി​ക​ൾ കൂ​ട്ട​ത്തി​ലു​ണ്ട്. എ​ന്നേ​ക്കാ‍ളി​ള​യ​വ​ർ ക​ര​യാ​ൻ തു​ട​ങ്ങി. അ​വ​ർ ഞ​ങ്ങ​ളു​ടെ അ​മ്മാ​വ​നു നേ​രെ തോ​ക്ക് പി​ടി​ച്ച് വീ​ടി​ന​കം മു​ഴു​വ​ൻ പ​രി​ശോ​ധ​ന തു​ട​ങ്ങി. ഞ​ങ്ങ​ളാ​രെ​ങ്കി​ലും വീ​ട്ടി​ൽ ആ​രെ​യെ​ങ്കി​ലും ഒ​ളി​പ്പി​ച്ചു താ​മ​സി​പ്പി​ക്കു​ന്നു​ണ്ടോ എ​ന്നാ​യി​രു​ന്നു അ​വ​ർ​ക്ക​റി​യേ​ണ്ട​ത്. ആ ​ഭാ​ഗ​ത്ത് വി​മ​ത​രാ​യ കു​റെ പേ​ർ പ്ര​വ​ർ​ത്തി​ക്കു​ന്നു​ണ്ടാ​യി​രു​ന്നു. ആ​രെ​യും കാ​ണാ​ത്ത​തി​നാ​ൽ അ​വ​ർ ഞ​ങ്ങ​ളു​ടെ കൂ​ട്ട​ത്തി​ലെ ആ​ൺ​കു​ട്ടി​ക​ളെ വി​ളി​പ്പി​ച്ച് എ​ല്ലാ​വ​രു​ടെ​യും മു​ന്നി​ൽ വെ​ച്ച് വ​സ്ത്ര​മ​ഴി​ക്കാ​ൻ ആ​വ​ശ്യ​പ്പെ​ട്ടു.

ചെ​റി​യ കു​ട്ടി​ക​ൾ മാ​ത്ര​മ​ല്ല, എ​​​​​​​​​​െൻറ അ​മ്മാ​വ​നോ​ടു​ പോ​ലും അ​വ​ർ ആ​ജ്ഞാ​പി​ച്ചു. ക​ടു​ത്ത അ​പ​മാ​ന​മാ​യി​രു​ന്നു അ​ത്. ഇ​ത് മൂ​ന്നു​ദി​വ​സം തു​ട​ർ​ന്നു. കു​ട്ടി​ക​ൾ വി​ശ​ന്ന് പാ​ലി​നും ഭ​ക്ഷ​ണ​ത്തി​നും വേ​ണ്ടി ക​ര​ഞ്ഞു. മൂ​ന്നു​നി​ല​ക​ളു​ള്ള വീ​ടിന്‍റെ താ​ഴെ നി​ല​യി​ലും മൂ​ന്നാം​നി​ല​യി​ലും അ​വ​ർ നി​ല​യു​റ​പ്പി​ച്ചു. ര​ണ്ടാം നി​ല​യി​ൽ അ​വ​രു​ടെ കൂ​ട്ട​ത്തി​ലെ അ​ഞ്ചു​പേ​ർ ഞ​ങ്ങ​ൾ​ക്കു ചു​റ്റും തോ​ക്കു​ക​ളു​മാ​യി നി​ന്നു. ര​ണ്ടാം ദി​വ​സം ഞ​ങ്ങ​ളെ മു​റി​ക​ളി​ലേ​ക്ക് തി​രി​ച്ചു​ കൊ​ണ്ടു​വ​ന്നു. എ​ല്ലാ മു​റി​ക​ളു​ടെ​യും ചു​മ​രു​ക​ളി​ൽ വ​ലി​യ ദ്വാ​ര​ങ്ങ​ളു​ണ്ടാ​ക്കി അ​വ​ർ ഞ​ങ്ങ​ളു​ടെ അ​യ​ൽ​വാ​സി​ക​ളെ വെ​ടി​വെ​ച്ചു​കൊ​ണ്ടി​രു​ന്നു. 17 പേ​രെ​യാ​ണ് അ​വ​ർ വെ​ടി​വെ​ച്ചു​വീ​ഴ്ത്തി​യ​ത്. അ​തി​ൽ ചി​ല​ർ കൊ​ല്ല​പ്പെ​ട്ടു. ര​ണ്ട് അ​യ​ൽ​വീ​ടു​ക​ൾ പൂ​ർ​ണ​മാ​യും തീ​വെ​ച്ച് ന​ശി​ക്ക​പ്പെ​ട്ടു. ഞ​ങ്ങ​ളു​ടെ സോ​ഫ, ക​ട്ടി​ലു​ക​ൾ, ടി.​വി തു​ട​ങ്ങി​യ​വ​യെ​ല്ലാം വെ​ടി​വെ​ച്ച് ന​ശി​പ്പി​ച്ചു. ഞ​ങ്ങ​ളു​ടെ ആ​ഭ​ര​ണ​ങ്ങ​ൾ, വി​ല​പ്പെ​ട്ട വ​സ്തു​ക്ക​ൾ തു​ട​ങ്ങി​യ​വ​യെ​ല്ലാം അ​വ​ർ ക​വ​ർ​ന്നെ​ടു​ത്തു. മൂ​ന്നാം​ദി​വ​സം അ​വ​ർ​ ഞ‍ങ്ങ​ൾ​ക്ക് പൂ​പ്പ​ൽ പി​ടി​ച്ച, പ​ഴ​കി​യ ഭ​ക്ഷ​ണം ത​ന്നു, അ​ത് ക​ഴി​ക്കാ​ൻ നി​ർ​ബ​ന്ധി​ച്ചു​കൊ​ണ്ടി​രു​ന്നു. യു​ദ്ധം നി​ർ​ത്ത​ൽ പ്ര​ഖ്യാ​പ​ന​ത്തെ​ത്തു​ട​ർ​ന്ന് അ​വ​ർ പി​ൻ​വ​ലി​ഞ്ഞു. ഞ​ങ്ങ​ളു​ടെ കു​ടും​ബ​ത്തി​ലാ​ർ​ക്കും പ​രി​ക്കേ​റ്റി​ല്ലെ​ങ്കി​ലും അ​വ​ർ അ​ന്ന് ഞ​ങ്ങ​ളു​ടെ ഹൃ​ദ​യ​ങ്ങ​ളി​ലേ​ൽ​പിച്ച മു​റി​വു​ക​ൾ ഒ​രി​ക്ക​ലും മ​റ​ക്കാ​നാ​വാ​ത്ത​താ​ണ്.’’

പ്രാ​യ​മാ​യ​വ​ർ മ​രി​ക്കും, യു​വാ​ക്ക​ൾ മ​റ​ക്കി​ല്ല...
ചെ​റു​പ്പ​ത്തി​ൽ ഉ​മ്മൂ​മ്മ സ​ഫി​യ​യു​ടെ കൈ​പി​ടി​ച്ച് അ​വ​രു​ടെ ഓ​ർ​മ​ക​ളി​ലൂ​ടെ ഗ​സ്സയു​ടെ ഗ്രാ​മീ​ണ​വ​ഴി​ക​ളി​ലൂ​ടെ ന​ട​ക്കു​മാ​യി​രു​ന്നു കു​ഞ്ഞു​ മ​ഫാ​സ്. പോ​രാ​ട്ട​ത്തിന്‍റെ​യും പ്ര​തി​രോ​ധ​ത്തിന്‍റെ​യും പ്ര​തീ​ക​മാ​യി​രു​ന്നു അ​വ​ർ. മ​രി​ക്കു​ന്ന​തി​നു​മു​മ്പ് അ​വ​ർ മ​ഫാ​സി​നോ​ട് പ​റ​യു​മാ​യി​രു​ന്നു; ജ​ന്മ​നാ​ട്ടി​ലേ​ക്ക് തി​രി​ച്ചെ​ത്തും​മു​മ്പ് ഞാ​ൻ മ​രി​ച്ചു​പോ​യാ​ൽ നീ ​ഫല​സ്തീ​നി​ലെ ഒ​രുപി​ടി മ​ണ്ണെ​ടു​ത്ത് എ​​​​​​​​​​െൻറ കു​ടീ​ര​ത്തി​നു​മു​ക​ളി​ൽ വി​ത​റ​ണം. എ​നി​ക്ക് ആ ​മ​ണ്ണിന്‍റെ മ​ണം ആ​സ്വ​ദി​ക്കാ​നാ​ണ്.’’ ഇ​തു​കേ​ട്ട് ചി​രി​ച്ചു​കൊ​ണ്ട് മ​ഫാ​സ് ചോ​ദി​ച്ചു ‘‘മ​രി​ച്ചു​ പോ​യാ​ൽ  നി​ങ്ങ​ളെ​ങ്ങ​നെ​യാ​ണ് ഉ​മ്മൂ​മ്മാ മ​ണം ആ​സ്വ​ദി​ക്കു​ക’’. അ​വ​ർ ശാ​ന്ത​മാ​യി മ​റു​പ​ടി പ​റ​ഞ്ഞു ‘‘മ​ഫാ​സ്, എ​​​​​​​​​​െൻറ പ്രി​യ​പ്പെ​ട്ട കു​ട്ടീ, ആ​ത്മാ​വ് ഒ​രി​ക്ക​ലും മ​രി​ക്കി​ല്ല’’. സ്വ​ന്തം നാ​ട് തി​രി​ച്ചു​പി​ടി​ക്കാ​നു​ള്ള പോ​രാ​ട്ട​ത്തി​ൽ ഓ​രോ​രു​ത്ത​ർ​ക്കും പ്ര​ചോ​ദ​ന​മാ​വു​ന്ന​ത് ഇ​തു​പോ​ലു​ള്ള മു​ൻ​ത​ല​മു​റ​യാ​ണ്, അ​വ​രു​ടെ വാ​ക്കു​ക​ളാ​ണ്. സ​ഫി​യ മാ​ത്ര​മ​ല്ല, ആ ​ത​ല​മു​റ​യി​ലെ ഓ​രോ വ​ല്യു​മ്മ​മാ​രും വ​ല്യു​പ്പ​മാ​രും ചെ​റു​മ​ക്ക​ളെ പ​റ​ഞ്ഞു​പ​ഠി​പ്പി​ക്കു​ന്ന​ത് പ്ര​തി​രോ​ധ​ത്തിന്‍റെ ആ​വേ​ശ​മു​ണ​ർ​ത്തു​ന്ന പാ​ഠ​ങ്ങ​ളാ​ണ്. 

ഇ​സ്രാ​യേ​ലിന്‍റെ ആ​ദ്യ പ്ര​ധാ​ന​മ​ന്ത്രി ഡേ​വി​ഡ് ബെ​ൻ​ഗു​രി​യ​ൻ ഒ​രി​ക്ക​ൽ പ​റ​ഞ്ഞ​ത് ‘‘പ്രാ​യ​മാ​യ​വ​ർ മ​രി​ക്കും, യു​വാ​ക്ക​ൾ മ​റ​ക്കും’’ എ​ന്നാ​ണ്. ഫല​സ്തീ​നി​ലെ വ​രും​ത​ല​മു​റ ത​ങ്ങ​ളു​ടെ പോ​രാ​ട്ട​വീ​ര്യ​ത്തെ വ​ഴി​യി​ലു​പേ​ക്ഷി​ക്കു​മെ​ന്നാ​ണ് അ​ദ്ദേ​ഹം ക​ണ​ക്കു​കൂ​ട്ടി​യ​ത്. എ​ന്നാ​ൽ മ​രി​ച്ചു​പോ​യ മു​ൻ​ത​ല​മു​റ​യു​ടെ സ്നേ​ഹ​വും ഓ​ർ​മ​ക​ളും വാ​ക്കു​ക​ളു​മാ​ണ് ഫ​ല​സ്തീ​നി​ലെ ഓ​രോ പു​തി​യ കു​ട്ടി​ക്കും ഊ​ർ​ജം പ​ക​രു​ന്ന​ത്. ഗ​സ്സയി​ലെ ഒ​ലീവു തോ​ട്ട​ങ്ങ​ൾ​ക്കും ഓ​റ​ഞ്ച് തോ​ട്ട​ങ്ങ​ൾ​ക്കു​മി​ട​യി​ൽ ക​ളി​ക്കു​ന്ന ബാ​ല്യ​ത്തെ​ക്കു​റി​ച്ചോ​ർ​ത്ത് ഗൃ​ഹാ​തു​ര​പ്പെ​ടു​ന്ന, ത​ങ്ങ​ളു​ടെ മ​ക്ക​ൾ അ​വി​ടെ സ്വ​ത​ന്ത്രമാ​യി ക​ളി​ച്ചു​വ​ള​രു​ന്ന​തി​നെ​ക്കു​റി​ച്ച് സ്വ​പ്നം കാ​ണു​ന്ന മ​ഫാ​സിെ​ന​പ്പോ​ലു​ള്ള ആ​യി​ര​ക്ക​ണ​ക്കി​ന് ആ​ളു​ക​ളു​ടെ ത​ക​ർ​ക്കാ​നാ​വാ​ത്ത മ​നോ​ധൈ​ര്യം ത​ന്നെ​യാ​ണ് ആ ​ജ​ന​ത​ക്ക് ഇ​ന്നും പ്ര​തീ​ക്ഷ​യു​ടെ വെ​ളി​ച്ചം പ​ക​രു​ന്ന​ത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:hamasmafas yusuf salihPalestien Freedom FighterAlJazeera ColumnistAcadamacianDr. Ahmed YusufLifestyle News
News Summary - Palestien Freedom Fighter and AlJazeera Columnist Mafas Yusuf Salih -Lifestyle News
Next Story