തി​രി​യാ​യ് എ​രി​യു​ന്നു ഈ ​പാ​തി​രി

വയനാട്ടിലെ അത്രമേല്‍ പിന്നാക്കമായ നാട്ടിന്‍പുറത്തു നിന്നുള്ള ഒരു വൈദികന്‍ കരുണയുടെ വലിയ പാഠങ്ങള്‍ ലോകത്തിനു മുമ്പാകെ പകര്‍ന്നുനല്‍കുന്നത് കേവലം പ്രസംഗത്തിലൂടെ മാത്രമല്ല, മരണത്തിലേക്ക് നീങ്ങിക്കൊണ്ടിരിക്കുന്ന സാധുസ്ത്രീക്ക് തന്‍റെ ഒരു വൃക്ക നല്‍കിയുമാണ്...

പാ​തി​തി​രി​ഞ്ഞാ​ൽ പോ​ര​ല്ലോ
പാ​തി​യി​ൽ​നി​ന്നും തി​രി​യേ​ണം
പോ​രാ പോ​രാ പാ​തി​രി​യാ​വാ​ൻ
തി​രി​യാ​യ് ക​ത്തി​യെ​രി​യേ​ണം 
-കു​ഞ്ഞു​ണ്ണി മാ​ഷ്

തി​ര തീ​ര​ത്തേ​ക്ക് അ​ടി​ച്ചു​ക​യ​റ്റു​ന്ന മീ​ൻ​കു​ഞ്ഞു​ങ്ങ​ളെ പെ​റു​ക്കി​യെ​ടു​ത്ത് ക​ട​ലി​ലേ​ക്കെ​റി​യു​ക​യാ​യി​രു​ന്നു ഒ​രു കു​ട്ടി. അ​പ്പോ​ൾ അ​തു​വ​ഴി വ​ന്ന ഒ​രു വ​ഴി​പോ​ക്ക​ൻ അ​വ​നോ​ട് പ​റ​ഞ്ഞു: ‘‘ലോ​ക​ത്താ​ക​മാ​നം എ​ത്ര​യോ മീ​ൻ​കു​ഞ്ഞു​ങ്ങ​ൾ തീ​ര​ത്ത​ടി​യു​ന്നു​ണ്ട്. അ​വ​യി​ൽ ഒ​ന്നോ ര​ണ്ടോ എ​ണ്ണ​ത്തി​നെ മാ​ത്രം ര​ക്ഷി​ച്ചി​ട്ടെ​ന്തു കാ​ര്യം.’’ അ​തി​നു കു​ട്ടി​യു​ടെ മ​റു​പ​ടി ഇ​താ​യി​രു​ന്നു: ‘‘വ​ലി​യ കാ​ര്യ​മൊ​ന്നു​മ​ല്ല ഞാ​ൻ ചെ​യ്യു​ന്ന​തെ​ന്ന​റി​യാം. എ​ന്നാ​ൽ, ജീ​വ​ൻ തി​രി​കെ​ക്കി​ട്ടു​ന്ന മീ​ൻ​കു​ഞ്ഞു​ങ്ങ​ൾ​ക്ക് അ​ത് വ​ലി​യ കാ​ര്യംത​ന്നെ​യാ​ണ്.’’

●●●

ആ​ശ്വാ​സ​ത്തിന്‍റെ ആ​ൾ​രൂ​പ​മാ​യി മാ​റു​മ്പോ​ഴാ​ണ് ആ​ചാ​ര്യ​ത്വ​ശു​ശ്രൂ​ഷ അ​ർ​ഥ​പൂ​ർ​ണ​മാ​വു​ന്ന​തെ​ന്ന് പ​റ​യു​ന്ന ഫാ. ​ഷി​ബു കു​റ്റി​പ​റി​ച്ചേ​ൽ മീ​ൻ​കു​ഞ്ഞു​ങ്ങ​ൾ​ക്ക് തി​രി​കെ ക​ട​ലി​ലേ​ക്ക് വ​ഴി​കാ​ട്ടു​ന്ന ഈ ​കു​ഞ്ഞിന്‍റെ ന​ന്മ​ക​ളെ​യാ​ണ് മു​റു​കെ​പ്പി​ടി​ക്കു​ന്ന​ത്. വ​യ​നാ​ട്ടി​ലെ  അ​ത്ര​മേ​ൽ പി​ന്നാ​ക്ക​മാ​യ നാ​ട്ടി​ൻ​പു​റ​ത്തു​നി​ന്ന് ഈ ​വൈ​ദി​ക​ൻ ക​രു​ണ​യു​ടെ വ​ലി​യ പാ​ഠ​ങ്ങ​ൾ ലോ​ക​ത്തി​നു മു​മ്പാ​കെ പ​ക​ർ​ന്നു​ന​ൽ​കു​ന്ന​ത് കേ​വ​ലം പ്ര​സം​ഗ​ത്തി​ലൂ​ടെ മാ​ത്ര​മ​ല്ല. 40ാം വ​യ​സ്സിന്‍റെ ചെ​റു​പ്പ​ത്തി​ൽ തന്‍റെ വൃ​ക്ക​ക​ളി​ലൊ​ന്ന് അ​ന്യ​മ​ത​സ്​​ഥ​യാ​യ ഒ​രു​പാ​വം സ്​​ത്രീ​ക്ക് ദാ​നം​ന​ൽ​കു​ന്ന​ത​ട​ക്ക​മു​ള്ള മ​ഹാ​കൃ​ത്യ​ങ്ങ​ളി​ലൂ​ടെ, പ​റ​യു​ന്ന​ത് അ​ക്ഷ​രാ​ർ​ഥ​ത്തി​ൽ പ്ര​വ​ർ​ത്തി​ച്ചു കാ​ട്ടു​ക​യാ​ണ് ദു​രി​ത​ങ്ങ​ളു​ടെ ചു​ര​ത്തി​നു മു​ക​ളി​ൽ ക​നി​വിന്‍റെ പ്ര​തീ​ക​മാ​യി മാ​റി​യ ഈ ​വി​കാ​രി. 

‘‘വൈ​ദി​കവൃ​ത്തി​ക്കി​ട​യി​ൽ ഒ​രു​പാ​ടാ​ളു​ക​ൾ ഒ​ട്ടേ​റെ ബു​ദ്ധി​മു​ട്ടു​ക​ളു​ക​ളു​മാ​യി ഞ​ങ്ങ​ളെ വ​ന്നു കാ​ണാ​റു​ണ്ട്. അ​വ​രോ​ടെ​ല്ലാം, സാ​ര​മി​ല്ലെ​ന്നും പ്രാ​ർ​ഥി​ക്കാ​മെ​ന്നു​മൊ​ക്കെ പ​റ​ഞ്ഞ് വി​ടാ​നേ ഞ​ങ്ങ​ൾ​ക്ക് ക​ഴി​യാ​റു​ള്ളൂ. പ​ക്ഷേ, അ​തു​കൊ​ണ്ടു​മാ​ത്രം ചി​ല സ​മ​യ​ത്ത് മ​തി​യാ​കാ​തെ​വ​രും. കാ​ശു​ള്ള പ​ല​രും ന​മ്മ​ളു​മാ​യി സ​ഹ​ക​രി​ക്കാ​ൻ ഒ​രു​ക്ക​മാ​ണുതാ​നും. അ​ങ്ങ​നെ​യാ​ണ് കാ​രു​ണ്യ​പ്ര​വൃ​ത്തി​ക​ൾ ഏ​റ്റെ​ടു​ത്തു ന​ട​ത്താ​ൻ ഒ​രു​ങ്ങി​യ​ത്. ആ​ളു​ക​ൾ​ക്ക് ന​ന്മ​ചെ​യ്യാ​നു​ള്ള വ​ഴി​യൊ​രു​ങ്ങു​മെ​ന്ന​തും സ​ഹാ​യം ആ​വ​ശ്യ​മു​ള്ള​വ​ർ​ക്ക് അ​തു കി​ട്ടു​മെ​ന്ന​തും ഇ​തിന്‍റെ ഗു​ണ​ങ്ങ​ളാ​ണ്. സ​ഹാ​യമ​ന​സ്​​ക​രാ​യ ഒ​രു​പാ​ടാ​ളു​ക​ൾ ന​മു​ക്കു ചു​റ്റി​ലു​മു​ണ്ട്. ചെ​ല​വ​ഴി​ക്കു​ന്ന ധ​നം, യ​ഥാ​ർ​ഥ അ​വ​കാ​ശി​ക​ൾ​ക്ക് ല​ഭി​ക്കു​മെ​ന്ന് ഉ​റ​പ്പു​ണ്ടെ​ങ്കി​ൽ അ​വ​ര​ത് ന​ൽ​കാ​ൻ ഒ​രു​ക്ക​മാ​ണ്. യാ​ക്കോ​ബാ​യ സു​റി​യാ​നി സ​ഭ​യി​ൽ മ​ല​ബാ​ർ ഭ​ദ്രാ​സ​ന​ത്തി​നു കീ​ഴി​ലെ ചീ​ങ്ങേ​രി പ​ള്ളി​യി​ലാ​ണ് സ​ഹാ​യപ്ര​വ​ർ​ത്ത​ന​ങ്ങ​ൾ​ക്ക് വ്യ​വ​സ്​​ഥാ​പി​ത​മാ​യ തു​ട​ക്ക​മി​ട്ട​ത്. വി​വാ​ഹധ​ന​സ​ഹാ​യം സ്വ​രൂ​പി​ച്ചാ​യി​രു​ന്നു തു​ട​ക്കം. സാ​ധാ​ര​ണ​ക്കാ​ർ തി​ങ്ങി​പ്പാ​ർ​ക്കു​ന്ന പ്ര​ദേ​ശ​ത്തു​നി​ന്ന് 17 ല​ക്ഷം രൂ​പ ഈ ​ആ​വ​ശ്യ​ത്തി​ന് സ​മാ​ഹ​രി​ക്കാ​ൻ ക​ഴി​ഞ്ഞ​ത് മു​ന്നോ​ട്ടു​ള്ള പ്ര​വ​ർ​ത്ത​ന​ങ്ങ​ൾ​ക്ക് ഏ​റെ പ്ര​ചോ​ദ​നം പ​ക​ർ​ന്നു.

14 വ​ർ​ഷ​ത്തെ വൈ​ദി​ക പ്ര​വ​ർ​ത്ത​ന​ത്തി​ൽ ക​ഴി​ഞ്ഞ മൂ​ന്നു വ​ർ​ഷം ചീ​ങ്ങേ​രി​യി​ലാ​യി​രു​ന്നു. പി​ന്നീ​ട് അ​ർ​ബു​​ദരോ​ഗി​ക​ളു​ടെ ചി​കി​ത്സസ​ഹാ​യാ​ർ​ഥ​മു​ള്ള ധ​ന​സ​മാ​ഹ​ര​ണ​ത്തി​നും ആ​ളു​ക​ൾ അ​ഭൂ​ത​പൂ​ർ​വ​മാ​യ പി​ന്തു​ണ ന​ൽ​കി. തൃ​ശൂ​രി​ലെ കി​ഡ്നി ഫെ​ഡ​റേ​ഷ​ൻ ഓ​ഫ് ഇ​ന്ത്യ​യു​ടെ ചെ​യ​ർ​മാ​നാ​യ ഫാ. ​ഡേ​വി​സ്​ ചി​റ​മ്മേ​ലു​മാ​യു​ള്ള സൗ​ഹൃ​ദ​മാ​ണ് വൃ​ക്ക​രോ​ഗി​ക​ളു​ടെ ദു​രി​ത​ങ്ങ​ളി​ലേ​ക്ക് ശ്ര​ദ്ധ​യൂ​ന്നാ​ൻ േപ്ര​ര​ണ​യാ​യ​ത്. ചി​റ​മ്മേ​ല​ച്ച​ൻ തന്‍റെ വൃ​ക്ക ദാ​നം​ചെ​യ്​​ത​പ്പോ​ൾ ഒ​രു വൃ​ക്ക മ​റ്റാ​ർ​ക്കെ​ങ്കി​ലും ദാ​നം​ചെ​യ്യു​ന്ന​തു​കൊ​ണ്ട് ഒ​രു ബു​ദ്ധി​മു​ട്ടു​മു​ണ്ടാ​വി​ല്ലെ​ന്ന് എ​നി​ക്ക് മ​ന​സ്സി​ലാ​യി. അ​ങ്ങ​നെ​യാ​ണ് പാ​വ​പ്പെ​ട്ട രോ​ഗി​ക്ക് വൃ​ക്ക ന​ൽ​ക​ണ​മെ​ന്ന ആ​ഗ്ര​ഹ​മു​ണ്ടാ​യ​ത്. ഈ ​ഭൂ​മി​യി​ൽ നാ​ലു പ​തി​റ്റാ​ണ്ട് ജീ​വി​ക്കാ​ൻ ഭാ​ഗ്യംകി​ട്ടി​യ എ​നി​ക്ക് ഒ​രി​ക്ക​ൽ​പോ​ലും കാ​ര്യ​മാ​യ അ​സു​ഖം വ​രു​ക​യോ ആ​ശു​പ​ത്രി​യി​ൽ കി​ട​ക്കേ​ണ്ടി​വ​രു​ക​യോ ചെ​യ്തി​ട്ടി​ല്ല. അ​പ്പോ​ൾ എന്‍റെ വൃ​ക്ക​ക​ളി​ൽ ഒ​ന്ന് ഒ​രാ​ൾ​ക്ക് പ്ര​യോ​ജ​ന​പ്പെ​ടു​ക​യാ​ണെ​ങ്കി​ൽ ന​ല്ല​താ​ണ​ല്ലോ എ​ന്ന് മ​ന​സ്സി​ൽ തോ​ന്നി. ര​ണ്ടു കി​ഡ്നി​യും നൂ​റു ശ​ത​മാ​നം പ്ര​വ​ർ​ത്ത​ന​നി​ര​ത​മാ​ണെ​ന്ന​ത​ട​ക്ക​മു​ള്ള സാ​ഹ​ച​ര്യ​ങ്ങ​ൾ അ​നു​കൂ​ല​മാ​യ​തോ​ടെ അ​തു​മാ​യി മു​ന്നോ​ട്ടു​പോ​കാ​ൻ തീ​രു​മാ​നി​ക്കു​ക​യാ​യി​രു​ന്നു. അ​നു​വാ​ദം കി​ട്ടേ​ണ്ടി​ട​ത്തു​നി​ന്നൊ​ക്കെ അ​തു ല​ഭി​ച്ച​തോ​ടെ കാ​ര്യ​ങ്ങ​ൾ എ​ളു​പ്പ​മാ​യി. 

തൃ​ശൂ​ർ ചാ​വ​ക്കാ​ട്ടു​ള്ള ഹൈ​റു​ന്നി​സ എ​ന്ന യു​വ​തി​യാ​ണ് വൃ​ക്ക സ്വീ​ക​രി​ച്ച​ത്. അ​വ​യ​വം ദാ​നം​ചെ​യ്യ​ണ​മെ​ന്ന ആ​ഗ്ര​ഹം മാ​ത്ര​മേ മ​ന​സ്സി​ലു​ണ്ടാ​യി​രു​ന്നു​ള്ളൂ. അ​ത് ആ​ർ​ക്കാ​ണ് കൊ​ടു​ക്കേ​ണ്ട​തെ​ന്ന് ഞാ​ൻ തീ​രു​മാ​നി​ച്ചു​റ​പ്പി​ച്ച​ത​ല്ല. കി​ഡ്നി ഫെ​ഡ​റേ​ഷ​നി​ൽ ര​ജി​സ്​​റ്റ​ർ ചെ​യ്ത​വ​രി​ൽ 25കാ​രി​യാ​യ ഹൈ​റു​ന്നി​സ​യു​ടെ ഉൗ​ഴ​മാ​യി​രു​ന്നു അ​പ്പോ​ൾ. ര​ണ്ടു വൃ​ക്ക​ക​ളും ന​ഷ്​​ട​പ്പെ​ട്ട് ര​ണ്ടു വ​ർ​ഷ​മാ​യി ഡ​യാ​ലി​സി​സ്​ ന​ട​ത്തി​വ​ന്ന അ​വ​രു​ടെ കാ​ര്യം ചി​റ​മ്മേ​ൽ അ​ച്ച​നാ​ണ് എ​ന്നോ​ട് പ​റ​ഞ്ഞ​ത്. മൂ​ന്നു വ​യ​സ്സു മാ​ത്രം പ്രാ​യ​മാ​യ മ​ക​ളും അ​പ​ക​ട​ത്തി​ൽ​പെ​ട്ട് ശ​രീ​രം ത​ള​ർ​ന്ന് കി​ട​പ്പി​ലാ​യ ഭ​ർ​ത്താ​വു​മ​ട​ങ്ങു​ന്ന തീ​ർ​ത്തും നി​ർ​ധ​ന കു​ടും​ബ​മാ​യി​രു​ന്നു അ​വ​രു​ടേ​ത്. ഒ​ന്നൊ​ന്നാ​യി ദു​ര​ന്ത​ങ്ങ​ൾ കീ​ഴ്പ്പെ​ടു​ത്തി​ക്ക​ള​ഞ്ഞ കു​ടും​ബം. ര​ക്ത​ഗ്രൂ​പ്പും മ​റ്റു പ​രി​ശോ​ധ​ന​ക​ളും ഒ​ത്തു​വ​ന്ന​തി​നാ​ൽ അ​വ​ർ​ക്ക് വൃ​ക്ക ന​ൽ​കാ​ൻ ക​ഴി​ഞ്ഞ​ത് ദൈ​വാ​നു​ഗ്ര​ഹ​മാ​യി ക​രു​തു​ക​യാ​ണു ഞാ​ൻ. കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ൽ 2016 ഡി​സം​ബ​ർ 21നാ​യി​രു​ന്നു ശ​സ്​​ത്ര​ക്രി​യ. ഞാ​ൻ തീ​രു​മാ​നി​ച്ചു​റ​പ്പി​ച്ച​ത​ല്ലെ​ങ്കി​ൽപോ​ലും തീ​ർ​ത്തും അ​ർ​ഹ​രാ​യ കു​ടും​ബ​ത്തി​നു​ത​ന്നെ വൃ​ക്ക ദാ​നം​ചെ​യ്യാ​ൻ ക​ഴി​ഞ്ഞു എ​ന്ന ചാ​രി​താ​ർ​ഥ്യ​മാ​ണ് എ​നി​ക്കി​പ്പോ​ഴും. സ​ത്യ​ത്തി​ൽ ദൈ​വ​മാ​ണ് എ​നി​ക്ക​വ​രെ കാ​ണി​ച്ചു​ത​ന്ന​ത്.’’

അ​വ​യ​വം കൊ​ടു​ക്കു​ന്ന​തി​നും സ്വീ​ക​രി​ക്കു​ന്ന​തി​നു​മൊ​ന്നും ഏ​ത് മ​ത​ത്തി​ൽ വി​ശ്വ​സി​ക്കു​ന്നു എ​ന്ന​തി​ന് ഒ​രു പ്ര​സ​ക്തി​യു​മി​ല്ല. മ​നു​ഷ്യ​നാ​ണ് എ​ന്ന​താ​ണ് മ​ർ​മ​പ്ര​ധാ​ന കാ​ര്യം. ചാ​രി​റ്റി പ്ര​വ​ർ​ത്ത​ന​ത്തി​ൽ ജാ​തി​യും മ​ത​വും ഒ​രി​ക്ക​ലും മാ​ന​ദ​ണ്ഡ​മാ​വാ​റി​ല്ല. ക്രി​സ്​​തു​വി​നെ കു​രി​ശി​നോ​ടു ചേ​ർ​ത്തു​നി​ർ​ത്തി​യ​ത് കാ​രി​രു​മ്പാ​ണി​ക​ള​ല്ല, മ​നു​ഷ്യ​നോ​ടു​ള്ള അ​പാ​ര​മാ​യ സ്​​നേ​ഹ​മാ​യി​രു​ന്നു. ‘ജാ​തി നോ​ക്കു​ന്ന​വ​രോ​ട് കൂ​ട്ടു​കൂ​ട​രു​ത്, കൂ​ട്ടു​കൂ​ടി​യ​വ​രു​ടെ ജാ​തി നോ​ക്ക​രു​ത്’ എ​ന്ന​ത് എ​ത്ര​യോ ശ​രി​യാ​ണെ​ന്നും അ​ച്ച​ൻ പ​റ​യു​ന്നു. ശ​സ്​​ത്ര​ക്രി​യ​യെ​ല്ലാം ക​ഴി​ഞ്ഞ​ശേ​ഷം ഹൈ​റു​ന്നി​സ ആ​ദ്യം അ​ന്വേ​ഷി​ച്ച​ത് അ​ച്ച​ന് എ​ങ്ങ​നെ​യു​ണ്ട് എ​ന്നാ​യി​രു​ന്നു. അ​വ​രു​ടെ ഭ​ർ​തൃ​പി​താ​വ് ഉ​സ്​​മാ​ൻ പ​റ​ഞ്ഞ​ത് ‘‘അ​ച്ച​ൻ ഞ​ങ്ങ​ൾ​ക്ക് വെ​റു​മൊ​രു വൃ​ക്ക​ദാ​താ​വ് മാ​ത്ര​മ​ല്ല, ഞ​ങ്ങ​ളു​ടെ എ​ല്ലാ​മാ​ണ്’’ എ​ന്നാ​യി​രു​ന്നു. വ​ലി​യ വാ​ക്കു​ക​ൾ​കൊ​ണ്ട് വാ​ചാ​ല​ത​യൊ​ന്നും സൃ​ഷ്​​ടി​ക്കാ​തെ, മ​ന​സ്സു​നി​റ​ഞ്ഞ ന​ന്ദി​യോ​ടെ​യു​ള്ള അ​വ​രു​ടെ പെ​രു​മാ​റ്റ​വും മു​ഖ​ഭാ​വ​ങ്ങ​ളും മ​തി ഒ​രാ​യു​സ്സു മു​ഴു​വ​ൻ ജീ​വി​ക്കാ​നു​ള്ള ഉൗ​ർ​ജം ല​ഭി​ക്കാ​നെ​ന്ന് ഷി​ബു​വ​ച്ച​ൻ സാ​ക്ഷ്യ​പ്പെ​ടു​ത്തു​ന്നു. 

‘‘ഒ​രു​പാ​ടു പേ​ർ സ​ഹാ​യി​ച്ചാ​ണ് ഹൈ​റു​ന്നി​സ​യു​ടെ ശ​സ്​​ത്ര​ക്രി​യ​ക്കു​ള്ള പ​ണം കു​ടും​ബം സ്വ​രൂ​പി​ച്ച​ത്. ശ​സ്​​ത്ര​ക്രി​യ​യു​ടെ സ​മ​യ​ത്താ​ണ് നോ​ട്ടു​നി​രോ​ധ​നം വ​ന്ന​ത്. അ​വ​ർ​ക്ക് ആ​ശു​പ​ത്രി​യി​ൽ ന​ൽ​കാ​നു​ള്ള പ​ണം കി​ട്ടി​യി​ല്ല. അ​വ​രു​ടെ ഭ​ർ​ത്താ​വ് വി​ളി​ച്ച് ഡേ​റ്റ് നീ​ട്ടി​വെ​ക്കാ​മോ എ​ന്നു ചോ​ദി​ച്ചു. ഞാ​നാ​ണെ​ങ്കി​ൽ അ​വ​ധി​യെ​ടു​ത്ത് ആ​ശു​പ​ത്രി​യി​ൽ അ​ഡ്മി​റ്റാ​യി​രു​ന്നു. പ​ണ​മി​ല്ലാ​ത്ത​തി​നാ​ൽ ശ​സ്​​ത്ര​ക്രി​യ മു​ട​ങ്ങു​മെ​ന്ന അ​വ​സ്​​ഥ വ​ന്ന​തോ​ടെ ആ ​കു​ട്ടി ഭ​യ​ങ്ക​ര ക​ര​ച്ചി​ലാ​യി. ഒ​രു മാ​സം ക​ഴി​ഞ്ഞാ​ൽ ഞാ​ൻ പി​ന്മാ​റു​മോ എ​ന്ന ആ​ധി​യും അ​വ​ർ​ക്കു​ണ്ടാ​യി​രു​ന്നു. ഒ​ടു​വി​ൽ ഞാ​ൻത​ന്നെ മു​ൻ​കൈ​യെ​ടു​ത്ത് 5.25 ല​ക്ഷം രൂ​പ പൊ​ടു​ന്ന​നെ പി​രി​ച്ചെ​ടു​ത്ത് കൃ​ത്യ​സ​മ​യ​ത്തു​ത​ന്നെ ശ​സ്​​ത്ര​ക്രി​യ ന​ട​ത്തു​ക​യാ​യി​രു​ന്നു.’’

വ​യ​നാ​ട് നെ​ന്മേ​നി പ​ഞ്ചാ​യ​ത്തി​ലെ മാ​ട​ക്ക​ര​യി​ൽ പാ​ലാ​ക്കു​നി ഗ്രാ​മ​ത്തി​ൽ കു​റ്റി​പ​റി​ച്ചേ​ൽ കെ.​സി. യോ​ഹ​ന്നാന്‍റെ​യും അ​ന്ന​മ്മ​യു​ടെ​യും നാ​ലാ​മ​ത്തെ മ​ക​നാ​യാ​ണ് ജ​ന​നം. സൂ​സ​ൻ, ഷാ​ജി, കു​ര്യാ​ച്ച​ൻ എ​ന്നി​വ​രാ​ണ് സ​ഹോ​ദ​ര​ങ്ങ​ൾ. കോ​ളി​യാ​ടി എ.​യു.​പി സ്​​കൂ​ൾ, സു​ൽ​ത്താ​ൻ ബ​ത്തേ​രി ഗ​വ. വൊ​ക്കേ​ഷ​ന​ൽ ഹ​യ​ർ സെ​ക്ക​ൻ​ഡ​റി സ്​​കൂ​ൾ, അ​മ്പ​ല​വ​യ​ൽ വൊ​ക്കേ​ഷ​ന​ൽ ഹ​യ​ർ സെ​ക്ക​ൻ​ഡ​റി സ്​​കൂ​ൾ, ബ​ത്തേ​രി സെ​ൻ​റ് മേ​രീ​സ്​ കോ​ള​ജ് എ​ന്നി​വി​ട​ങ്ങ​ളി​ലാ​യി​രു​ന്നു വി​ദ്യാ​ഭ്യാ​സം. വൈ​ദി​ക പ​ഠ​നം എ​റ​ണാ​കു​ളം, ബം​ഗ​ളൂ​രു, ജ​ർ​മ​നി എ​ന്നി​വി​ട​ങ്ങ​ളി​ലാ​യി​രു​ന്നു. സ​ന്യാ​സവൈ​ദി​ക​നാ​യ അ​ച്ച​ൻ ഇ​പ്പോ​ൾ പു​തു​ശ്ശേ​രി​ക്ക​ട​വ് സെ​ൻ​റ് ജോ​ർ​ജ് യാ​ക്കോ​ബാ​യ സു​റി​യാ​നി പ​ള്ളി​യി​ൽ വി​കാ​രി​യാ​ണ്. 

മി​ക​ച്ച പ്ര​സം​ഗ​ക​ൻ കൂ​ടി​യാ​യ അ​ച്ച​ൻ അ​ഞ്ചു പു​സ്​​ത​ക​ങ്ങ​ളും എ​ഴു​തി​യി​ട്ടു​ണ്ട്. വി​ശു​ദ്ധ വി​ചാ​ര​ങ്ങ​ൾ, ഉ​ൾ​ക്കാ​ഴ്ച​യു​ടെ ഉ​റ​വി​ടം, മ​ഴ​നീ​രും മി​ഴി​നീ​രും, തി​രി​ച്ച​റി​വിന്‍റെ തി​രി​നാ​ള​ങ്ങ​ൾ, ചി​രി​യു​ടെ ചി​രാ​തു​ക​ൾ എ​ന്നി​വ പു​റ​ത്തി​റ​ക്കി​യ​ത് മ​ല​ബാ​ർ ഭ​ദ്രാ​സ​ന​ത്തി​ന് കീ​ഴി​ലു​ള്ള വാ​ത്സ​ല്യം പ​ബ്ലി​ക്കേ​ഷ​ൻ​സാ​ണ്. ഈ ​പു​സ്​​ത​ക​വി​ൽ​പ​ന​യി​ൽ​നി​ന്നു​ള്ള ലാ​ഭ​വും അ​ച്ച​ൻ കാ​രു​ണ്യ​പ്ര​വ​ർ​ത്ത​ന​ങ്ങ​ൾ​ക്ക് നീ​ക്കി​വെ​ക്കു​ന്നു. ശ​സ്​​ത്ര​ക്രി​യ​ക്കു​ശേ​ഷം ഡ​യാ​ലി​സി​സ്​ ചെ​യ്യു​ന്ന വൃ​ക്ക​രോ​ഗി​ക​ൾ​ക്ക് സാ​മ്പ​ത്തി​കസ​ഹാ​യം ന​ൽ​കു​ന്ന പ​ദ്ധ​തി അ​ച്ചന്‍റെ നേ​തൃ​ത്വ​ത്തി​ൽ ആ​വി​ഷ്ക​രി​ച്ചി​ട്ടു​ണ്ട്. ആ​യി​രം കി​ഡ്നി രോ​ഗി​ക​ൾ​ക്ക് 5000 രൂ​പ വീ​തം ന​ൽ​കു​ന്ന പ​ദ്ധ​തി​യാ​ണ​ത്. നാ​ലു മാ​സം​കൊ​ണ്ട് 50 ല​ക്ഷം രൂ​പ​യു​ടെ പ​ദ്ധ​തി ക​ഴി​ഞ്ഞു. ഇ​പ്പോ​ഴും ആ​ളു​ക​ൾ സ​ഹാ​യ​ത്തി​നാ​യി വ​ന്നു​കൊ​ണ്ടി​രി​ക്കു​ക​യാ​ണ്. 50 ല​ക്ഷം രൂ​പ​യി​ൽ സിം​ഹ​ഭാ​ഗ​വും അ​ച്ചന്‍റെ അ​ടു​ക്ക​ൽ ആ​ളു​ക​ൾ കൊ​ണ്ടെ​ത്തി​ക്കു​ക​യാ​യി​രു​ന്നു. ഇ​തി​ൽ ഒ​രു രൂ​പപോ​ലും ആ​രോ​ടും അ​ങ്ങോ​ട്ട് ചോ​ദി​ക്കേ​ണ്ടി​വ​ന്നി​ല്ലെ​ന്ന് അ​ദ്ദേ​ഹം പ​റ​യു​ന്നു.

സാ​ധു​ജ​ന സം​ര​ക്ഷ​ണ​ത്തി​നും ജ​ന​ക്ഷേ​മ​പ​ര​മാ​യ പ്ര​വ​ർ​ത്ത​ന​ങ്ങ​ൾ​ക്കു​മു​ള്ള ജീ​വ​കാ​രു​ണ്യ പ്ര​സ്​​ഥാ​ന​മാ​യി അ​ച്ചന്‍റെ നേ​തൃ​ത്വ​ത്തി​ൽ ‘കൂ​ട്’ എ​ന്ന ഹ്യു​മാ​നി​റ്റേ​റി​യ​ൻ സന്‍റെ​റി​നും തു​ട​ക്ക​മാ​യി. ഡ​യാ​ലി​സി​സ്​ സന്‍റെ​ർ, അ​ക്ഷ​ര​ക്കൂ​ട്, ആ​ശ്ര​മ​ക്കൂ​ട്, ക​ളി​ക്കൂ​ട്, വി​ശ്ര​മ​ക്കൂ​ട്, സം​ഗീ​ത​ക്കൂ​ട് തു​ട​ങ്ങി​യ ഒ​രു​പാ​ടു കൂ​ടു​ക​ളാ​ണ് അ​ച്ചന്‍റെ മ​ന​സ്സി​ലു​ള്ള​ത്. ഇ​തി​ൽ പാ​വ​ങ്ങ​ൾ​ക്ക് അ​ന്നം ന​ൽ​കാ​നു​ള്ള അ​പ്പ​ക്കൂ​ടി​ന് തു​ട​ക്ക​മി​ട്ടു​ക​ഴി​ഞ്ഞു. ജാ​തി​മ​ത​ഭേ​ദ​മി​ല്ലാ​തെ വ​യ​നാ​ട്ടി​ലെ ജ​ന​ങ്ങ​ളും സം​ഘ​ട​ന​ക​ളും സ്​​ഥാ​പ​ന​ങ്ങ​ളു​മൊ​ക്കെ അ​ച്ചന്‍റെ പ്ര​വ​ർ​ത്ത​ന​ങ്ങ​ളെ അ​ക​മ​ഴി​ഞ്ഞ് പി​ന്തു​ണ​ക്കു​ന്നു. മു​സ്​​ലിം ലീ​ഗ്, സി.​പി.​ഐ, അ​യ്യ​പ്പ​സേ​വ സം​ഘം, ഓ​ർ​ത്ത​ഡോ​ക്സ്​ പ​ള്ളി, വ​യ​നാ​ട് മു​സ്​​ലിം ഓ​ർ​ഫ​നേ​ജ് തു​ട​ങ്ങി​യ ഒ​രു​പാ​ട് സം​ഘ​ട​ന​ക​ളും സ്​​ഥാ​പ​ന​ങ്ങ​ളും ശ​സ്​​ത്ര​ക്രി​യ ക​ഴി​ഞ്ഞ് തി​രി​ച്ചെ​ത്തി​യ ഷി​ബു​വ​ച്ച​ന് സ്വീ​ക​ര​ണം ന​ൽ​കി​യി​രു​ന്നു. സ്​​നേ​ഹ​ത്തി​നും കാ​രു​ണ്യ​ത്തി​നും ജാ​തി​യും മ​ത​വു​മൊ​ന്നു​മി​ല്ലെ​ന്ന​തിന്‍റെ സാ​ക്ഷ്യ​പ​ത്ര​മാ​ണ് ആ​ളു​ക​ൾ ത​ന്നോ​ടുകാ​ട്ടു​ന്ന താ​ൽ​പ​ര്യ​മെ​ന്ന് അ​ച്ച​ൻ അ​ടി​വ​ര​യി​ടു​ന്നു. 

അ​വ​യ​വ​ദാ​ന​ത്തെ​ക്കാ​ൾ വ​ലു​ത് അ​വ​യ​വ സം​ര​ക്ഷ​ണ​മാ​ണെ​ന്ന് അ​ച്ച​ൻ പ​റ​യു​ന്നു. ആ​രു​ടെ​യും അ​വ​യ​വം സ്വീ​ക​രി​ക്കേ​ണ്ടു​ന്ന അ​വ​സ്​​ഥ​യി​ലേ​ക്ക് ന​മ്മു​ടെ ആ​രോ​ഗ്യ​ത്തെ കൈ​വി​ട്ടു​ക​ള​യാ​തെ ന​ല്ല​തു മാ​ത്രം ആ​ഹ​രി​ക്കാ​നും വി​ഷ​ര​ഹി​ത​മാ​യ​തി​നെ മാ​ത്രം വി​ഭ​വ​ങ്ങ​ളാ​ക്കി മാ​റ്റാ​നും ന​മു​ക്ക് ക​ഴി​യ​ണം. മ​നു​ഷ്യ​നൊ​പ്പം പ്ര​കൃ​തി​യെ​യും മ​ന​സ്സു​നി​റ​ഞ്ഞു സ്​​നേ​ഹി​ക്കു​ന്ന ഷി​ബു​വ​ച്ച​ൻ കീ​ട​നാ​ശി​നി​ക​ൾ നി​റ​ഞ്ഞ നാ​ട്ടി​ൽ വി​ഷ​ര​ഹി​ത കാ​ർ​ഷി​ക​ക്കൂ​ടൊ​രു​ക്കാ​നു​മു​ള്ള പ്ര​വ​ർ​ത്ത​ന​ങ്ങ​ളി​ലും വ്യാ​പൃ​ത​നാ​ണ്.