ദേശക്കളിപ്പന്തലിലെ ആചാര്യന്‍

ഒരു​ത​രം രേ​ഖ​പ്പെ​ടു​ത്ത​ലി​ലും പെ​ടാ​തെ മ​ണ്മ​റ​യേ​ണ്ടി​വ​ന്ന ക​ലാ​കാ​ര​ന്മാർ അ​ന​വ​ധി​യാ​ണ്.​ ത​ങ്ങ​ളു​ടെ ഹ്ര​സ്വ​ ജീ​വി​ത​കാ​ല​ത്തി​ൽ ക​ല​യെ ആ​ത്മാ​ർ​ഥ​മാ​യി സ്നേ​ഹി​ച്ച്‌ പ​രി​പോ​ഷി​പ്പി​ച്ചു​വ​ന്നെ​ങ്കി​ലും അവ മു​ഖ്യ​ധാ​ര​യി​ലേ​ക്കോ ജ​ന​ശ്ര​ദ്ധ​യി​ലേ​ക്കോ കൊ​ണ്ടു​വ​രാൻ കഴിയാതെ പോയവർ. ക്ലാ​സിക്​ കലാരൂപങ്ങളെ അ​പേ​ക്ഷി​ച്ച്‌ ദേ​ശ സം​സ്കാ​ര​ത്തി​​ന്‍റെ അ​ടി​വേ​രു​ക​ളാ​യ നാ​ട​ൻ​ക​ല​ക​ൾ​ക്കും ക​ലാ​കാ​ര​ന്മാ​ർ​ക്കു​മാ​ണ് ഈ ​അ​വ​സ്ഥ കൂ​ടു​ത​ൽ ഭ​വി​ക്കു​ന്ന​ത്.​ പ്രാ​ദേ​ശി​ക അ​ടി​സ്ഥാ​ന​ത്തി​ൽ ആ​ച​രി​ക്ക​പ്പെടു​ന്ന ഇ​ത്ത​രം ക​ല​ക​ളു​ടെ​യും ഈ ​വി​ഭാ​ഗ​ത്തി​ലെ ക​ലാ​ക​ാര​ന്മാ​രു​ടെ​യും കേ​ളി, ആ നാട്ടതി​ർ​ത്തി​ക്ക​പ്പു​റം മു​ഴ​ങ്ങി​യി​ല്ല.​ 

ഫോ​ക്​ലോർ പ​ഠ​ന​ങ്ങ​ളും ഗ​വേ​ഷ​ണ​ങ്ങ​ളും ഇ​ന്നാ​ട്ടി​ൽ ശ​ക്ത​മാ​യി തു​ട​ങ്ങി​യ​തി​നു ശേ​ഷംത​ന്നെ​യാ​ണ് തെ​ക്കു​ള്ള പ​ട​യ​ണി​യും വ​ട​ക്കു​ള്ള തെ​യ്യ​വും മ​ധ്യ​കേ​ര​ള​ത്തി​ലെ കു​മ്മാ​ട്ടി​യും ക​ണ്യാ​റു​മെ​ല്ലാം ‘കേ​ര​ള​ദേ​ശ​ത്ത്’ കു​റ​ച്ചെ​ങ്കി​ലും കേ​ട്ടു​തു​ട​ങ്ങി​യ​ത്. വി​ല്ലു​പാ​ട്ടി​​ന്‍റെ യും പാ​ണ​ർ​പാ​ട്ടി​​ന്‍റെ​യും കോ​ത​മ്മൂ​രി പാ​ട്ടി​​ന്‍റെ​യു​മെ​ല്ലാം വ​ശ്യ​മാ​യ ‘നാ​ടോ​ടി ഗീ​ത-​വാ​ദ്യ’ ത​ല​ങ്ങ​ളെ, ഫോ​ക്‌​ലോ​ർ പ​ഠ​ന​ങ്ങ​ളു​ടെ വ​ര​വോ​ടെ മ​ല​യാ​ളി കൂ​ടു​ത​ലാ​യി അ​നു​ഭ​വി​ച്ചു​തു​ട​ങ്ങി. കേ​വ​ലം ആ ​പ്രാ​ദേ​ശി​ക ക​ല​ക​ളു​ടെ നാ​ഥ​ന്മാ​രാ​യി ഒ​തു​ങ്ങിക്കൂടി​യ​വ​രെ സ​മൂ​ഹം അ​റി​ഞ്ഞാദ​രി​ക്കാ​നും പ്രോ​ത്സാ​ഹ​നം ന​ൽ​കാ​നും തു​ട​ങ്ങി​.

പാ​ല​ക്കാ​ട് ജി​ല്ല​യു​ടെ പ്രാ​ദേ​ശി​ക ​സ്വ​ത്താ​യി മാ​ത്രം ഒ​തു​ങ്ങിയി​രു​ന്ന ‘ക​ണ്യാ​ർ​ക​ളി’ ഇ​ന്ന് കു​റ​ച്ചെ​ങ്കി​ലും പ്ര​ചാ​രം ല​ഭി​ച്ച​തി​ൽ ഫോ​ക്‌​ലോ​ർ പ​ഠ​ന​ങ്ങ​ളു​ടെ​യും അ​ക്കാ​ദ​മി​യു​ടെ​യും പ​ങ്ക് ഏ​റെ വ​ലു​താ​ണ്.​ ക​ണ്യാ​ർ​ക​ളി രം​ഗ​ത്തു നി​ന്ന്​ മ​ഹാ​ന്മാ​രാ​യ ആ​ശാ​ന്മാ​ർ​ക്ക് അ​വാ​ർ​ഡു​ക​ളും ഫെ​ലോ​ഷി​പ്പു​ക​ളും മ​റ്റും കി​ട്ടാ​ൻ തു​ട​ങ്ങി​യ​ത് സം​സ്ഥാ​ന ത​ല​ത്തി​ൽ ഈ ​ക​ല​ക്ക് കി​ട്ടു​ന്ന വ​ലി​യ അം​ഗീ​കാ​ര​ങ്ങ​ൾത​ന്നെ​യാ​ണെ​ന്ന് ക​ണ്യാ​ർക​ളി​യാ​ശാ​ന്മാ​ർ സ​മ്മ​തി​ക്കു​ന്നു.​

ഇത്തവണ ഫോ​ക്‌​ലോ​ർ അ​ക്കാദ​മി​യു​ടെ പു​ര​സ്‌​കാ​ര പ​ട്ടി​ക​യി​ൽ ക​ണ്യാ​ർ​ക​ളി മേ​ഖ​ല​യി​ൽനി​ന്ന്​ ഇ​ടം​നേ​ടി​യ സു​ന്ദ​രേ​ശ്വ​ര​ൻ നാ​യ​ർ എ​ന്ന ‘സ്വാ​മി​യാ​ശാ​ൻ’ ഇൗ രം​ഗ​ത്തെ ഒ​ഴി​ച്ചു​കൂ​ടാ​നാ​വാ​ത്ത വ്യക്തി​ത്വ​മാ​ണ്. 80നോ​ട​ടു​ക്കു​ന്ന വേ​ള​യി​ലാ​ണ് ഈ ​അം​ഗീ​കാ​രം ആ​ശാ​ന് ല​ഭി​ക്കു​ന്ന​ത്. ആ​ശാ​നേ​ക്കാ​ൾ എ​ത്ര​യോ പ്ര​ായ​ക്കു​റ​വും വൈ​ദ​ഗ്ധ്യ​ത്തി​ലും പ്ര​വൃത്തി​പ​രി​ച​യ​ത്തി​ലും​ വ​ള​രെ പി​ന്നി​ലു​മുള്ള  പ​ല​ർ​ക്കും പു​ര​സ്‌​കാ​ര​ങ്ങ​ൾ ല​ഭി​ക്കു​മ്പോ​ൾ ആ​ശാ​​ന്‍റെ വി​ല​യേ​റി​യ പ്ര​വ​ർ​ത്ത​ന​ങ്ങ​ൾ നി​സ്സാ​ര​പ്പെ​ട്ടു​പോ​വു​ക​യാ​യി​രു​ന്നു. 

സു​ന്ദ​രേ​ശ്വ​ര​ൻ നാ​യ​ർ ക​ണ്യാ​ർ​ക​ളിക്കിടെ

 

കൗ​മാ​ര​പ്രാ​യ​ത്തി​ലാ​ണ് സ്വ​ന്തം ത​ട്ട​ക​മാ​യ ആ​ല​ത്തൂ​ർ താ​ലൂ​ക്കി​ലെ ‘ചേ​രാ​മം​ഗ​ലം’ ദേ​ശ​ക്ക​ളി​യി​ൽ ആ​ശാ​ൻ സാ​ന്നി​ധ്യ​മു​റ​പ്പി​ക്കു​ന്ന​ത്.​ ക​ളി​യി​ട​ത്തി​ൽ അ​മ്പതാ​ണ്ടി​ല​ധി​കമുള്ള പ്ര​വ​ർ​ത്ത​ന ​പ​രി​ച​യം ആ​ശാ​ന്​ മു​ത​ൽ​ക്കൂ​ട്ടാ​ണ്. വി​ട്ടു​വീ​ഴ്ച​യി​ല്ലാ​ത്ത അ​ഭ്യാ​സ​ത്തി​നു ശേ​ഷം വ​ർ​ഷം​തോ​റു​മു​യ​രു​ന്ന ‘ദേ​ശ​ക്ക​ളി​പ്പ​ന്ത​ലി​ൽ ‘ആ​ചാ​ര്യ​ൻ’ എ​ന്ന പ​ദ​ത്തി​ന് ആ​കാ​ര​ത്തി​ലും പ്ര​കാ​ര​ത്തി​ലും അ​നു​യോ​ജ്യ​നാ​യി ആ​ശാ​ൻ വാ​ണ​രു​ളു​ന്നു.​ ആ​ശീ​തി​യോ​ട​ടു​ക്കു​ന്ന ഈ ​നാ​ളു​ക​ളി​ലും ആ ‘​ചി​ട്ട’​ക​ൾ​ക്ക് ഒ​രു കോ​ട്ട​വും ത​ട്ടി​യി​ട്ടി​ല്ല.​ ഉ​ച്ച​ത്തി​ലു​ള്ള നാ​ടോ​ടി​പ്പാ​ട്ടു​ക​ൾ​ക്ക് കൂ​ട്ടാ​യി കൈ​ക​ളി​ലി​ണ​ങ്ങു​ന്ന ‘ഓ​ട്ടി​ല​ത്താ​ള’​ത്തി​​ന്‍റെ ‘താ​ള’​മാ​ധു​രി​യും ആ​ശാ​​ന്‍റെ അ​ര​ങ്ങു​ക​ളെ ആ​സ്വാ​ദ​ന​മേ​റി​യ​വ​യാ​ക്കു​ന്നു.​ 

പാ​ടിപ്പാ​ടി നാ​വു​കു​ഴ​യു​മ്പോ​ഴും ചെ​ണ്ട​യു​ടെ അ​സു​രാ​സു​ര നാ​ദ​ത്തി​നും ചേ​ങ്ങി​ല​യു​ടെ​യും ഇ​ല​ത്താ​ള​ത്തി​​ന്‍റെയു​മെ​ല്ലാം മു​ഴ​ക്ക​ത്തി​നും മേ​ലാ​യി ആ​ശാ​​ന്‍റെ ‘ശാ​രീ​രം’ ഉ​യ​ർ​ന്നു​കേ​ൾ​ക്കാം. പ​ല കാ​ല​ങ്ങ​ളി​ലു​മാ​യി ക​ണ്യാ​ർ​ക​ളി​യി​ൽ നി​ര​വ​ധി ശി​ഷ്യ​ർ​ക്ക് ഗു​രു​നാ​ഥനാ​യി വി​ള​ങ്ങി​യ സ്വാ​മി​യാ​ശാ​ൻ ക​ണ്യാ​ർക​ളി​യി​ൽ ഇ​ന്ന് അ​ന്യം​നി​ന്നുപോ​കു​ന്ന അ​റു​പ​തോ​ളം ചു​വ​ടു​ക​ളു​ടെ സം​ര​ക്ഷ​ക​ൻ കൂ​ടി​യാ​ണ്.​ വ​രും ത​ല​മു​റ​ക​ളി​ലേ​ക്ക് ആ ​വി​ജ്ഞാ​ന​ത്തെ മ​ടി​യേ​തു​മില്ലാ​തെ അദ്ദേഹം പ​ക​ർ​ന്നു​കൊ​ടു​ക്കു​ന്നു.​ കാ​ഴ്ച​യി​ൽ നി​സാര​മെ​ന്നു തോ​ന്നി​ക്കു​ന്ന ക​ണ്യാ​ർ​ക​ളി​യി​ലെ പ​ല ചു​വ​ടു​ക​ളു​ടെ​യും കാ​ഠി​ന്യം അ​ഭ്യാ​സ​ത്തോ​ട​ടു​ക്കു​മ്പോ​ൾ മാ​ത്ര​മേ മ​ന​സ്സി​ലാ​ക്കാ​ൻ ക​ഴി​യൂ.​ ക​ള​രി​പ്പ​യ​റ്റി​നോ​ടും തി ​രു​വാ​തി​ര​ക്കളി​യോ​ടും ക​ണ്യാ​ർ​ക​ളി​യി​ലെ പ​ല ചു​വ​ടു​ക​ളും സാ​ദൃ​ശ്യ​പ്പെട്ടു​നി​ൽ​ക്കു​ന്നു. 

ക​ണ്യാ​ർ​ക​ളി​യു​ടെ അ​നു​ഷ്​ഠാ​നാം​ശ​മാ​യ വ​ട്ട​ക്ക​ളി​ ശ്ലോ​ക​ങ്ങ​ളെ കൂ​ടാ​ത നാ​ൽപ​തി​ലേ​റെ പൊ​റാ​ട്ട്, വേ​ഷ​ങ്ങ​ളു​ടെ പാ​ട്ട്, വാ​ണാ​ക്ക്, ചു​വ​ടു​ക​ൾ എ​ന്നി​വ​യെ​ല്ലാം സ്വാ​മി​യാ​ശാ​​ന്‍റെ ജ്ഞാ​ന​പ​രി​ധി​യി​ൽ പെ​ടു​ന്ന വി​ഭ​വ​ങ്ങ​ളാ​ണ്.​ പ​ല്ല​ശ്ശേ​ന മ​ഠ​ത്തി​ൽ ശി​വ​ശ​ങ്ക​ര​ൻ നാ​യ​ർ, കു​നി​ശ്ശേ​രി അ​ച്യു​ത​ൻ നാ​യ​ർ തു​ട​ങ്ങി​യ ക​ണ്യാ​ർ​ക​ളി​യു​ടെ എ​ക്കാ​ല​ത്തെ​യും ആ​ദ​ര​ണീ​യ​രാ​യ ഗു​രു​ക്ക​ന്മാ​രി​ൽ നി​ന്നു​മാ​ണ് ‘ക​ളി​വി​ത്തു​ക​ൾ’ സ്വാ​മി​യാ​ശാ​ൻ ത​ന്‍റെ ക​ലാ​മ​ണ്ഡ​ലത്തി​ൽ പാ​കി​യ​ത്.​ പ്രാ​യ​ത്തി​​ന്‍റെ അ​വ​ശ​ത​ക​ൾ ശാ​രീ​രി​ക​മാ​യി ത​ള​ർ​ത്തു​ന്നു​ണ്ടെ​ങ്കി​ലും ഇ​ന്നും നാ​ട്ടു​ക​ളി​പ്പ​ന്ത​ലി​ലെ ‘ക​ളി​വെ​ട്ട’​ത്ത് ആ​ശാ​ൻ ഊ​ർ​ജ​സ്വ​ല​നാ​ണ്.