കൈ​യടി​ക്ക്... ക​ത്രീ​ന​ച്ചേച്ചി​ക്ക് 

  • 58 വ​ർ​ഷ​മാ​യി കെ​ട്ടി​ട​നി​ർ​മാ​ണ ജോ​ലി ചെയ്യുന്ന 89കാ​രി​ ക​ത്രീ​ന​ച്ചേച്ചി തന്‍റെ ജീവിത ക‍ഥ പറയുന്നു...

12:20 PM
28/12/2017
kathrina-chechi
കോൺക്രീറ്റിന് മുന്നോടിയായി കമ്പി കെട്ടുന്ന കത്രീന (ചിത്രങ്ങൾ: അഷ്​കർ ഒരുമനയൂർ)

അ​മ്പ​താം വ​യ​സ്സി​ൽ അ​ല്ല​റ ചി​ല്ല​റ അ​വ​ശ​ത​ക​ളു​ടെ പേ​രു പ​റ​ഞ്ഞ് ത്രേ​സ്യാ​മ്മ ജോ​ലി​യി​ൽ നി​ന്ന് സ്വ​യം റി​ട്ട​യ​ർ ചെ​യ്ത് പോ​യ​പ്പോ​ൾ ക​ത്രീ​ന ആ​വു​ന്ന​തും പ​റ​ഞ്ഞു നോ​ക്കി, ‘‘ത്രേ​സ്യേ, നീ ​ജോ​ലി ഉ​പേ​ക്ഷി​ക്ക​രു​ത്. ഉ​ള്ള വ​രു​മാ​നം ക​ള​യാ​ണ്ട്, തി​രി​ച്ചു ജോ​ലി​യി​ൽ ക​യ​റ്’’. 58ാമ​ത്തെ വ​യ​സിൽ ജോ​ലി നി​ർ​ത്തി​യ സി​ലു​വി​നോ​ടും ഇ​തു​ത​ന്നെ​യാ​ണ് ക​ത്രീ​ന പ​റ​ഞ്ഞ​ത്. സ​ർ​ക്കാ​ർ സ​ർ​വി​സി​ൽ നി​ന്നോ ഏ​തെ​ങ്കി​ലും അ​ന്താ​രാ​ഷ്​​ട്ര ഐ.​ടി ക​മ്പ​നി​യി​ൽ നി​ന്നോ ഉ​ള്ള റി​ട്ട​യ​ർ​മെ​ൻ​റ് ച​ർ​ച്ച​യ​ല്ലി​ത്. കെ​ട്ടി​ട​നി​ർ​മാ​ണ ജോ​ലി അ​വ​സാ​നി​പ്പി​ച്ച് സ​ഹ​പ്ര​വ​ർ​ത്ത​ക​ർ പോ​യ​പ്പോ​ൾ 89കാ​രി​യാ​യ ക​ത്രീ​ന പ​റ​ഞ്ഞ, ക​മ്പി​ കൊ​ണ്ട് കെ​ട്ടി​യ ക​രു​ത്തു​റ്റ വാ​ക്കു​ക​ളാ​ണി​ത്. ആ​രാ​ണ് ഇൗ ​ക​ത്രീ​ന​യെ​ന്ന​ല്ലേ? 

kathrina-chechi

മുതിര്‍ന്നവര്‍ക്ക് ഇനി മാസംതോറും പെന്‍ഷന്‍ 

(പ്രധാന്‍മന്ത്രി വയാ വന്ദന യോജന സ്കീമില്‍ നിക്ഷേപിക്കാന്‍ സമയമായി)
60 വ​യ​സ്സ് ക​ഴി​ഞ്ഞ പൗ​ര​ന്മാ​ർ​ക്ക് 10 വ​ർ​ഷ കാ​ലാ​വ​ധി​യി​ലെ നി​ക്ഷേ​പ​ത്തി​ലൂ​ടെ പെ​ൻ​ഷ​ൻ ല​ഭി​ക്കു​ന്ന​തി​ന് ഇ​പ്പോ​ൾ അ​പേ​ക്ഷി​ക്കാം. ലൈ​ഫ് ഇ​ൻ​ഷു​റ​ൻ​സ് കോ​ർ​പ​റേ​ഷ​നു​മാ​യി (എ​ൽ.​ഐ.​സി) സ​ഹ​ക​രി​ച്ച് ന​ട​പ്പാ​ക്കു​ന്ന പെ​ൻ​ഷ​ൻ പ​ദ്ധ​തി, പ്ര​ധാ​ൻ​മ​ന്ത്രി വ​യാ വ​ന്ദ​ന യോ​ജ​ന സ്കീം ​എ​ന്ന പേ​രി​ലാ​ണ് ആ​രം​ഭി​ച്ചി​ട്ടു​ള്ള​ത്. ഏ​റ്റ​വും കു​റ​ഞ്ഞ​ത് 1000 രൂ​പ​യെ​ങ്കി​ലും പ്ര​തി​മാ​സം ല​ഭി​ക്കു​ന്ന ത​ര​ത്തി​ലാ​ണ് നി​ക്ഷേ​പം ല​ക്ഷ്യ​മി​ടു​ന്ന​ത്. ഇ​തു​വ​ഴി ല​ഭി​ക്കു​ന്ന പ​ര​മാ​വ​ധി പെ​ൻ​ഷ​ൻ ഒ​രു കു​ടും​ബ​ത്തി​ന് 5000 രൂ​പ​യാ​യി നി​ജ​പ്പെ​ടു​ത്തി​യി​ട്ടു​ണ്ട്. ഭാ​ര്യ/​ഭ​ർ​ത്താ​വ്, ആ​ശ്രി​ത​രാ​യ കു​ട്ടി​ക​ൾ എ​ന്നി​വ​രാ​ണ് കു​ടും​ബം എ​ന്ന​തു​കൊ​ണ്ട് ഉ​ദ്ദേ​ശി​ക്കു​ന്ന​ത്. പെ​ൻ​ഷ​ൻ പ്ര​തി​മാ​സ​മാ​യോ ത്രൈ​മാ​സ​മാ​യോ അ​ർ​ധ​വാ​ർ​ഷി​ക​മാ​യോ വാ​ർ​ഷി​ക​മാ​യോ കൈ​പ്പ​റ്റാം. 

നി​ക്ഷേ​പ കാ​ലാ​വ​ധി​ പൂ​ർ​ത്തി​യാ​കു​മ്പോ​ൾ പെ​ൻ​ഷ​ൻ ല​ഭ്യ​മാ​കു​ന്ന​തി​നൊ​പ്പം നി​ക്ഷേ​പി​ച്ച തു​ക മു​ഴു​വ​നാ​യി  മ​ട​ക്കി​ല​ഭി​ക്കു​മെ​ന്ന​താ​ണ് പ്രത്യേകത. ഇ​തി​നി​ടെ നി​ക്ഷേ​പ​ക​ന് മ​ര​ണം സം​ഭ​വി​ക്കു​ക​യാ​ണെ​ങ്കി​ൽ ഇൗ ​തു​ക നോ​മി​നി​ക്ക് ല​ഭി​ക്കും. മൂ​ന്നു വ​ർ​ഷ​ത്തെ നി​ക്ഷേ​പ​ത്തി​നു​ശേ​ഷം പ​ണം ആ​വ​ശ്യ​മാ​യി​വ​ന്നാ​ൽ നി​ക്ഷേ​പത്തുക​യു​ടെ പ​ര​മാ​വ​ധി 75 ശ​ത​മാ​നം ലോ​ണാ​യി ല​ഭി​ക്കും. നി​ക്ഷേ​പ​ക​നോ പ​ങ്കാ​ളി​ക്കോ മാ​ര​ക​മാ​യ രോ​ഗം വ​രു​ക​യാ​ണെ​ങ്കി​ൽ നി​ക്ഷേ​പ​ത്തുക​യു​ടെ 98 ശ​ത​മാ​നം സ​റ​ണ്ട​ർ ചെ​യ്യാ​നു​മാ​കും. 2017 മേ​യ് മാ​സ​ത്തി​ൽ നി​ല​വി​ൽ​വ​ന്ന സ്കീ​മി​ൽ 2018 മേ​യ് 18 വ​രെ ചേ​രാ​നാ​വും.

കോ​ൺ​ക്രീ​റ്റ് ജോ​ലി ജീ​വി​ത​ച​ര്യ​യാ​ക്കി 89ാം വ​യ​സ്സി​ലും ചാ​ക്ക് സി​മന്‍റും ത​ല​യി​ലേ​റ്റി കോ​ണി ക​യ​റി, പ​ക​ല​ന്തി​യോ​ളം ജോ​ലി ചെ​യ്യു​ന്ന തൃ​ശൂ​ർ പൂ​ങ്കു​ന്നം​കാ​രി തൊ​ഴി​ലാ​ളി. കൊ​ച്ചു​മ​ക്ക​ളെ​യും നോ​ക്കി വീ​ട്ടി​ലി​രി​ക്കേ​ണ്ട സ​മ​യ​ത്തും കൊ​ച്ചു​വെ​ളു​പ്പാ​ൻ​കാ​ല​ത്ത് ജോ​ലി​ക്കി​റ​ങ്ങു​ന്ന​ത് കാ​ണു​മ്പോ​ൾ  മൂ​ക്ക​ത്ത് വി​ര​ൽ​വെ​ക്കു​ന്ന​വ​രോ​ട് ക​ത്രീ​ന പ​റ​യു​ന്ന​ത് ഇ​താ​ണ് -കാ​ൽ അനക്കി നടക്കാൻ ക​ഴി​യു​ന്നി​ട​ത്തോ​ളം കാ​ലം അ​ധ്വാ​നി​ച്ച് കാ​ശു​ണ്ടാ​ക്ക​ണം. ജോ​ലി നി​ർ​ത്തി വീ​ട്ടി​ലി​രു​ന്നാ​ൽ ശ​രീ​രം തു​രു​മ്പെ​ടു​ത്ത് ന​ശി​ക്കും. മ​ര​ണ​ത്തി​ന് അ​പ്പോ​ൾ ന​മ്മ​ളെ വേ​ഗ​ത്തി​ൽ പി​ടി​കൂ​ടാനാകും. കു​ടും​ബ​ത്തി​ലെ പ​ട്ടി​ണി​മാ​റ്റാ​ൻ 30ാം വ​യ​സി​ൽ കോ​ൺ​ക്രീ​റ്റ്​ പ​ണി​ക്കി​റ​ങ്ങി​യ ക​ത്രീ​ന​ക്ക് ക​ഴി​ഞ്ഞ 58 വ​ർ​ഷ​മാ​യി ആ​രാ​ധ​ന പോ​ലെ​യാ​ണ് ഇൗ ​ജോ​ലി. ഇ​പ്പോ​ൾ 89 വ​യ​സുണ്ടെ​ങ്കി​ലും വി​ള്ള​ൽ വീ​ഴാ​ത്ത ഉ​റ​പ്പു​ണ്ട്, മ​ന​സ്സി​നും ശ​രീ​ര​ത്തി​നും. 20 വ​ർ​ഷം മു​മ്പ് ഭ​ർ​ത്താ​വ് കാ​ട്ടൂ​ക്കാ​ര​ൻ ബേ​ബി ജോ​ൺ മ​രി​ച്ച ശേ​ഷം ക​ത്രീ​ന​യാ​ണ് കു​ടും​ബ​ത്തിന്‍റെ നെ​ടു​ന്തൂ​ൺ. മ​ക്ക​ളി​ൽ വി​ൽ​സ​ണും ഫി​ലോ​മി​ന​യും കൂ​ടെ ജോ​ലി ചെ​യ്യു​ന്നു​ണ്ട്. 

kathrina-chechi
കത്രീന കെട്ടിടനിർമാണ ജോലിക്കിടയിൽ
 


പ്രാ​യം ഇ​ത്രേം ആ​യി​ല്ലേ, ഇ​നി ജോ​ലി​യൊ​ക്കെ നി​ർ​ത്തി വീ​ട്ടി​ലി​രു​ന്നൂ​ടേ എ​ന്ന ത​ര​ത്തി​ലു​ള്ള ഉ​പ​ദേ​ശ​ങ്ങ​ൾ നി​ര​വ​ധി കേ​ൾ​ക്കാ​റു​ണ്ടെ​ങ്കി​ലും ആ ​വാ​ക്കു​ക​ളെ ക​ത്രി​ക​വെ​ച്ച് മു​ന​യൊ​ടി​ക്കും ക​ത്രീ​ന. ‘‘ഉ​മ്മ​ൻ ചാ​ണ്ടി മു​ഖ്യ​മ​ന്ത്രി​യാ​യി​രു​ന്ന കാ​ല​ത്ത് ഞാ​നും​കൂ​ടി പ​ണി​ത തൃ​ശൂ​രി​ലെ കെ​ട്ടി​ടം ഉ​ദ്ഘാ​ട​നം ചെ​യ്യാ​നെ​ത്തി​യ​പ്പോ​ൾ എ​ന്നെ ആ​ദ​രി​ച്ചി​രു​ന്നു. അ​ന്ന് അ​ദ്ദേ​ഹം എ​ന്നോ​ട് ജോ​ലി നി​ർ​ത്തി വി​ശ്ര​മി​ച്ചൂ​ടെ എ​ന്ന് ചോ​ദി​ച്ച​പ്പോ​ൾ എ​നി​ക്ക് വ​ലി​യ ആ​ഘാ​ത​വും ആ​ശ​ങ്ക​യു​മാ​യി. പ്രാ​യ​മാ​യ​വ​ർ ജോ​ലി ചെ​യ്യ​രു​തെ​ന്ന വ​ല്ല നി​യ​മ​വും ഉ​ണ്ടാ​ക്കു​മോ എ​ന്നാ​യി​രു​ന്നു ആ​ശ​ങ്ക. ഞാ​ൻ ക​ര​ഞ്ഞു പ​റ​ഞ്ഞു, ജോ​ലി ചെ​യ്യാ​തി​രി​ക്കാ​ൻ എ​നി​ക്കാ​കി​ല്ലെ​ന്ന്. ഒ​ടു​വി​ൽ തേ​റ​മ്പി​ൽ രാ​മ​കൃ​ഷ്ണ​നാ​ണ് തോ​ളി​ൽ ത​ട്ടി ആ​ശ്വ​സി​പ്പി​ച്ച​ത്.’’ തൃ​ശൂ​രി​ലെ നീ​ന്ത​ൽ​ക്കുളം ഉ​ദ്ഘാ​ട​നം ചെ​യ്യാ​നെ​ത്തി​യ​പ്പോ​ൾ കെ. ​ക​രു​ണാ​ക​ര​ൻ അ​ഞ്ചു​ പ​വ​നും 5000 രൂ​പ​യും ഉ​പ​ഹാ​ര​മാ​യി ത​ന്ന​ത് ഇ​ന്ന​ലെ​യെ​ന്ന പോ​ലെ ക​ത്രീ​ന​ക്ക് ഇ​ന്നും മ​ധു​രി​ക്കു​ന്ന ഓ​ർ​മ​യാ​ണ്. 

kathrina-chechi

പു​ല​ർ​ച്ചെ നാ​ലു​മ​ണി​ക്ക് തു​ട​ങ്ങും ക​ത്രീ​ന​യു​ടെ ഒ​രു​ ദി​വ​സ​ത്തെ ജീ​വി​തം. വീ​ട്ടി​ൽ നി​ന്നി​റ​ങ്ങി​യാ​ൽ പി​ന്നെ തൃ​ശൂ​ർ ന​ഗ​ര​ത്തി​ലെ സു​ധാ​ക​ര​ന്‍റെ ചാ​യ​ക്ക​ട​യി​ൽ നി​ന്ന്​ ബ്രൂ​കാ​പ്പി കു​ടി​ക്കും. അ​തും ന​ല്ല മ​ധു​രം ചേ​ർ​ത്ത് -ഷു​ഗ​റോ കൊ​ള​സ്ട്രോ​ളോ ബാ​ധി​ച്ചി​ട്ടി​ല്ലെ​ന്ന് ക​ത്രീ​ന ഉ​റ​ക്കെ പ​റ​യും. ഏ​ഴ​ര​യാ​കു​മ്പോ​ഴേ​ക്കും സ​ഹ​ജോ​ലി​ക്കാ​ർ എ​ത്തു​ന്ന​തോ​ടെ ച​ട്ടി​യും കൈ​ക്കോ​ട്ടും എ​ടു​ത്ത് പ​ണി​സ്ഥ​ല​ത്തേ​ക്ക് പോ​കും. അ​ത് ചി​ല​പ്പോ​ൾ മ​ല​പ്പു​റം, കൊ​ച്ചി, കോ​ഴി​ക്കോ​ട് വ​രെ നീ​ണ്ടു​ പോ​കാ​റു​ണ്ട്. വൈ​കു​ന്നേ​രം ജോ​ലി ക​ഴി​ഞ്ഞെ​ത്തി​യാ​ൽ ഏ​ഴ​ര​ക്കു​ള്ള ഒ​രു സീ​രി​യ​ൽ നി​ർ​ബ​ന്ധ​മാ​ണ്, അ​തു ക​ഴി​ഞ്ഞാ​ൽ ഉ​ട​ൻ ഉ​റ​ങ്ങും. ഭ​ക്ഷ​ണം വി​ശ​ക്കു​മ്പോ​ൾ മാ​ത്രം ക​ഴി​ക്കും. ബി​രി​യാ​ണി​യും പൊ​റോ​ട്ട​യും കോ​ഴി​യി​റ​ച്ചി​യും ഇ​ഷ്​​ട​മി​ല്ല. പുറത്തു ​നിന്ന്​ വാ​ങ്ങു​ന്ന കോ​ഴി​യി​റ​ച്ചി​യാ​ണ് മ​നു​ഷ്യ​രു​ടെ ആ​രോ​ഗ്യം ന​ശി​പ്പി​ക്കു​ന്ന​ത്. ക​പ്പ​യും താ​ളും ചേ​മ്പു​മെ​ല്ലാം ഉ​ൾ​പ്പെ​ടു​ത്തി ന​ല്ല ഭ​ക്ഷ​ണം ക​ഴി​ക്കു​ക. പ്രാ​യ​ത്തെ ഭ​യ​പ്പെ​ടാ​തെ, മ​ര​ണം​വ​രെ ജോ​ലി ചെ​യ്യു​ക -പു​തി​യ ത​ല​മു​റ​യെ ക​ത്രീ​ന ഉ​പ​ദേ​ശി​ക്കു​ന്നു. 

kathrina-chechi

‘‘മ​ദ്യ​പി​ക്കു​ന്ന​വ​രെ ന​ല്ലോ​ണം ത​ല്ലും. കൂ​ടെ ജോ​ലി ചെ​യ്യു​ന്ന ചിലർ മ​ദ്യ​പി​ച്ച് മു​ന്നി​ൽ വ​രാ​റു​ണ്ട്. മ​ദ്യ​ത്തിന്‍റെ മ​ണം കി​ട്ടി​യാ​ൽ അ​വ​രെ കു​നി​ച്ചു​നി​ർ​ത്തി ഇടിക്കും. പി​ന്നീ​ട് ഉ​പ​ദേ​ശി​ക്കും. എ​ല്ലാ​വ​ർ​ക്കും എ​ന്നോ​ട് സ്നേ​ഹ​മാ​ണ്. അ​വ​ർ​ക്ക് അ​മ്മ​മ്മ​യാ​ണ് ഞാ​ൻ. കോ​ഴി​ക്കോ​ടും മ​ല​പ്പു​റ​ത്തും ജോലിക്ക് ​ചെന്നാൽ ആ​ളു​ക​ൾ​ക്ക് ന​ല്ല സ്നേ​ഹ​മാ​ണ്. ഒ​രാ​ഴ്ച​യൊ​ക്കെ പ​ണി നീ​ളു​മ്പോ​ൾ താ​മ​സ​സൗ​ക​ര്യ​വും ന​ല്ല ഭ​ക്ഷ​ണ​വും എ​ല്ലാം അ​വ​ർ ത​രും’’ -ക​ത്രീ​ന പ​റ​ഞ്ഞു. സം​സാ​രി​ക്കു​ന്ന​തി​നി​ട​യി​ലാ​ണ് ബ​ന്ധു​വീ​ട്ടി​ലെ ക​ല്യാ​ണ​ത്തെ​ക്കു​റി​ച്ച് ഓ​ർ​ത്ത​ത്. ക​ല്യാ​ണ​ത്തി​ന് പോ​കു​മോ എ​ന്നു ചോ​ദി​ച്ച​പ്പോ​ൾ പ​ണി​യു​ണ്ടെ​ങ്കി​ൽ ഒ​ന്നും ന​ട​ക്കി​ല്ല, അ​ത് ക​ല്യാ​ണ​മോ ഓ​ണ​മോ വി​ഷു​വോ എ​ന്താ​യാ​ലും -എ​ന്നാ​യി​രു​ന്നു മ​റു​പ​ടി. ഞാ​നി​ല്ലെ​ങ്കി​ൽ പ​ണി​ക്കാ​ർ​ക്കെ​ല്ലാം വ​ലി​യ നി​രാ​ശ​യാ​ണ്. വീ​ടി​ന് മു​ക​ളി​ൽ കോ​ൺ​ക്രീ​റ്റ് വീ​ഴാ​ൻ തു​ട​ങ്ങി​യ​തോ​ടെ കാ​ലി​ൽ റ​ബ​ർ ബൂ​ട്ടി​ട്ട് ക​ത്രീ​ന ഓ​ടു​മ്പോ​ൾ പ്രാ​യം പി​ന്നി​ൽ നി​ന്ന് വീ​ണ്ടും കി​ത​ച്ചു. 

COMMENTS