മഴയെ പേടിച്ച ചിത്രകാരി

ദൂ​രെ പാ​ട​വ​ര​മ്പി​ലൂ​ടെ അ​ച്ഛ​ൻ ചി​ദം​ബ​രം ഉ​ൾ​പ്പെ​ടെ ഒ​രു​കൂ​ട്ട​മാ​ളു​ക​ൾ പാ​ർ​ട്ടി കൊ​ടി​യു​മേ​ന്തി ന​ട​ന്നു​നീ​ങ്ങു​ന്ന​ത് വീ​ട്ടി​ലി​രു​ന്നാ​ൽ കാ​ണാം. പാ​ട​ത്തെ വെ​ള്ള​ത്തി​ൽ പ​തി​ച്ച ചോ​ര​നി​റ​മു​ള്ള കൊ​ടി​യു​ടെ പ്ര​തി​ബിം​ബം ആ ​നാ​ലു​വ​യ​സ്സു​കാ​രി​യു​ടെ മ​ന​സ്സി​ൽ ഒ​രു അ​മൂ​ർ​ത്ത (Abstract) ചി​ത്ര​മാ​യി രൂ​പാ​ന്ത​ര​പ്പെ​ടാ​റു​ണ്ട്. വീ​ടി​നു ചു​റ്റു​മു​ള്ള പ​ച്ച​വി​രി​ച്ച  പാ​ട​വും പു​ഴ​യി​ൽ മീ​ൻ​പി​ടി​ക്കു​ന്ന വ​ഞ്ചി​ക്കൂ​ട്ട​ങ്ങ​ളും കാ​ള​വ​ണ്ടി​യും ക​ർ​ഷ​ക​രു​മെ​ല്ലാം ആ ​സ​ങ്ക​ൽ​പചി​ത്ര​ത്തി​നു മാ​റ്റു​കൂ​ട്ടി. നി​ത്യേ​ന കാ​ണു​ന്ന ഗ്രാ​മ​ഭം​ഗി ആ ​കു​ഞ്ഞു​മ​ന​സ്സി​ലെ ചി​ത്ര​കാ​രി​യെ പ​തി​യെ ചി​ട്ട​പ്പെ​ടു​ത്തു​ക​യാ​യി​രു​ന്നു, രൂ​പംകൊ​ടു​ക്കു​ക​യാ​യി​രു​ന്നു. ഇ​ത് കോ​ഴി​ക്കോ​ട് ജി​ല്ല​യി​ലെ ക​ല്ലാ​യി​യി​ലു​ള്ള ചി​ത്ര​കാ​രി ചീ​നി​ക്ക​ൽ വീ​ട്ടി​ൽ ശാ​ന്ത.

കു​ഞ്ഞു​നാ​ൾ മു​ത​ൽ ന​ന്നാ​യി ചി​ത്രം വ​ര​ക്കു​മെ​ങ്കി​ലും സ​മൂ​ഹം അം​ഗീ​ക​രി​ക്കാ​ൻ അ​റു​പ​ത് വ​യ​സ്സു​വ​രെ കാ​ത്തി​രി​ക്കേ​ണ്ടിവ​ന്ന ക​ലാ​കാ​രി. ച​രി​ത്രം ഈ ചി​ത്ര​കാ​രി​യോ​ടു ചെ​യ്ത ദ്രോ​ഹ​ത്തി​ന് കാ​ലം കാ​ത്തു​വെ​ച്ച​ത് മ​ധു​ര ​പ്ര​തി​കാ​ര​മാ​യി​രു​ന്നു. ഗു​ഡ് എ​ർ​ത്തും ഐ.​ഐ.​എ (Indian Institute of Architects)യും​ ചേ​ർ​ന്ന്, ​അവ​ർ​ക്ക് വ​ര​ച്ച ചി​ത്ര​ങ്ങ​ൾ സു​ര​ക്ഷി​ത​മാ​യി സൂ​ക്ഷി​ക്കാ​നും പ്ര​ദ​ർ​ശി​പ്പി​ക്കാ​നും സ്വ​ന്തം വ​ള​പ്പി​ൽ ആ​ർ​ട്ട് ഗാ​ല​റി​യും അ​തി​നോ​ടു ചേ​ർ​ന്ന് മ​നോ​ഹ​ര​മാ​യ വീ​ടും നി​ർ​മി​ച്ചുന​ൽ​കി​യ​ത് ഈ​യി​ടെ​യാ​ണ്. സ​മൂ​ഹം ഇ​ന്ന്​ ഇ​വ​രെ ക​ലാ​കാ​രി​യെ​ന്ന നി​ല​യി​ൽ ആ​ദ​രി​ക്കു​ക​യും ബ​ഹു​മാ​നി​ക്കു​ക​യും ചെ​യ്യു​ന്നു. 

ശാ​ന്ത ചിത്രരചനയിൽ

 

മ​ര​പ്പ​ണി ക​ഴി​ഞ്ഞ് വീ​ട്ടി​ലെ​ത്തു​ന്ന അ​ച്ഛ​ൻ ചെ​വി​ക്കി​ട​യി​ൽ​ നി​ന്ന് മേ​ശ​മേ​ൽ വെ​ക്കു​ന്ന ഭൂ​രി​ഭാ​ഗ​വും തേ​ഞ്ഞ ക​ള​ർ​ചോ​ക്കാ​യി​രു​ന്നു (​മ​രം അ​ള​ക്കു​മ്പോ​ൾ ഉ​പ​യോ​ഗി​ക്കു​ന്ന ചോ​ക്ക്) കു​ട്ടി​ക്കാ​ല​ത്ത് ശാ​ന്ത വ​ര​ക്കാ​നു​പ​യോ​ഗി​ച്ചി​രു​ന്ന ‘മീ​ഡി​യം’. വ​ര​യു​ടെ ബാ​ല്യ​കാ​ലം പി​ന്നി​ട്ട​പ്പോ​ഴേ​ക്കും കാ​ല​ത്തെ അ​തി​ശ​യി​പ്പി​ക്കു​ന്ന ക​ലാ​സൃ​ഷ്​​ടി​ക​ളാ​ണ് പി​ന്നീ​ട് ആ ​വി​ര​ൽ​ത്തു​മ്പി​ൽ വി​ട​ർ​ന്ന​ത്. ഇ​തി​നി​ടെ കോ​ഴി​ക്കോ​ട്ടും മ​റ്റു ജി​ല്ല​ക​ളി​ലു​മാ​യി നി​ര​വ​ധി ചി​ത്ര​പ്ര​ദ​ർ​ശ​ന​ങ്ങ​ൾ ന​ട​ത്തി. മ​ൺ​ക​ട്ട​കൊ​ണ്ട് കെ​ട്ടി​യ ആ ​പ​ഴ​യ​വീ​ട്ടി​ൽ പ​ക്ഷേ, അ​ന്നും ദാ​രി​ദ്ര്യം ഒ​രു ‘റി​യ​ലി​സ്​​റ്റി​ക് ചി​ത്ര’​മാ​യി ആ ​കു​ടും​ബ​ത്തെ തു​റി​ച്ചു​ നോ​ക്കു​ക​യാ​യി​രു​ന്നു.

‘‘അ​മ്മ ദേ​വ​കി​യും ഞാ​നും ചേ​ച്ചി പ​ത്മാ​വ​തി​യും ര​ണ്ടു സ​ഹോ​ദ​ര​ങ്ങ​ളും അ​ട​ങ്ങി​യ കു​ടും​ബ​ത്തി​ന് അ​ച്ഛന്‍റെ വ​രു​മാ​ന​മാ​യി​രു​ന്നു ഏ​ക ആ​ശ്വാ​സം. രോ​ഗം​വ​ന്ന മ​ക്ക​ളെ ആ​ശു​പ​ത്രി​യി​ലേ​ക്ക് ഒ​ക്ക​ത്തു​വെ​ച്ച് പാ​യു​ന്ന, അ​ടു​ക്ക​ള​യി​ൽ വി​ശ്ര​മ​മി​ല്ലാ​തെ പ​ണി​യെ​ടു​ക്കു​ന്ന ചി​ത്ര​മാ​ണ് അ​മ്മ​യെ ഓ​ർ​ക്കു​മ്പോ​ൾ മ​ന​സ്സി​ലേ​ക്കെ​ത്തു​ന്ന ദൃ​ശ്യം. എ​ട്ടാം ക്ലാ​സു​വ​രെ​യേ ഞാ​ൻ പ​ഠി​ച്ചി​ട്ടു​ള്ളൂ. എെ​ൻ​റ ക​ഴി​വി​ൽ അ​ച്ഛ​ന് ബോ​ധ്യ​മു​ണ്ടാ​യി​രു​ന്നെ​ങ്കി​ലും പ്രോ​ത്സാ​ഹി​പ്പി​ച്ചി​ല്ല. കാ​ര​ണം, ചി​ത്ര​ര​ച​ന​ക്കാ​വ​ശ്യ​മാ​യ അ​ടി​സ്ഥാ​ന സൗ​ക​ര്യ​ങ്ങ​ളൊ​രു​ക്കി ത​രാ​ൻ അ​ച്ഛന്‍റെ കൈ​യി​ൽ പ​ണ​മി​ല്ലാ​യി​രു​ന്നു’’– ക​ണ്ണീ​രിെ​ൻ​റ ന​ന​വു​ള്ള ചി​ത്രം ശാ​ന്ത​യു​ടെ ഓ​ർ​മ​ക​ളു​ടെ കാ​ൻ​വാ​സി​ൽ മാ​യാ​തെ നി​ൽ​പു​ണ്ട്.

ശാ​ന്ത വീടിനു മുന്നിൽ

 

ദാ​രി​ദ്ര്യ​ത്തോ​ടൊ​പ്പം കൗ​മാ​ര​ത്തി​ൽ പി​ടി​കൂ​ടി​യ മ​ഞ്ഞ​പ്പി​ത്തം ശാ​ന്ത​യു​ടെ ജീ​വി​ത​ത്തെ ത​ക​ർ​ത്തു. ഏ​റെ​നാ​ൾ രോ​ഗ​ക്കി​ട​ക്ക​യി​ലാ​യ​തോ​ടെ വി​വാ​ഹം​പോ​ലും ക​ഴി​ക്കാ​നാ​യി​ല്ല. ഇ​ന്ന​ത്തെ​പ്പോ​ലെ മ​രു​ന്നു​ക​ളൊ​ന്നും ഇ​ല്ലാ​ത്ത ആ ​കാ​ല​ത്ത് ജീ​വ​ൻ തി​രി​ച്ചു​ കി​ട്ടി​യ​തു ​ത​ന്നെ ഭാ​ഗ്യ​മാ​യി ക​രു​തു​ന്നു ശാ​ന്ത. ദു​രി​തം വി​ടാ​തെ ശാ​ന്ത​യെ വേ​ട്ട​യാ​ടി. മാ​താ​പി​താ​ക്ക​ൾ മ​രി​ച്ചു. സ​ഹോ​ദ​ര​ങ്ങ​ൾ വി​വാ​ഹം ക​ഴി​ച്ച് സ്വ​ന്ത​മാ​യി വീ​ടു​വെ​ച്ച് താ​മ​സം മാ​റി. അ​വി​വാ​ഹി​ത​രാ​യ ശാ​ന്ത​യും ചേ​ച്ചി പ​ത്മാ​വ​തി​യും ആ ​കു​ഞ്ഞു​വീ​ട്ടി​ൽ ത​നി​ച്ചാ​യി. പ്രാ​യം വാ​ർ​ധ​ക്യ​ത്തി​ലേ​ക്ക് ക​ട​ന്നു. വായ്​പയെടുത്ത്​ പ​ശു​വി​നെ​യും കോ​ഴി​ക​ളെ​യും വാ​ങ്ങി. പാ​ലും മു​ട്ട​യും വി​റ്റാ​യി​രു​ന്നു അ​ന്ന​ത്തി​നു​ള്ള വ​ക ക​ണ്ടെ​ത്തി​യി​രു​ന്ന​ത്. ചി​ത്ര​ങ്ങ​ൾ ഒ​രു​പാ​ട് വ​ര​ച്ചു​വെ​ച്ചി​രു​ന്നെ​ങ്കി​ലും പേ​രും പ്ര​സി​ദ്ധി​യു​മി​ല്ലാ​ത്ത ചി​ത്ര​കാ​രി​യു​ടെ ചി​ത്ര​ങ്ങ​ൾ ആ​രു വാ​ങ്ങും? ആര്​ അം​ഗീ​ക​രി​ക്കും? ഇ​ന്നി​പ്പോ​ൾ പ​ശു​ക്ക​ളും കോ​ഴി​ക​ളു​മൊ​ന്നു​മി​ല്ല. ഇ​രു​വ​ർ​ക്കും ല​ഭി​ക്കു​ന്ന അ​വി​വാ​ഹി​ത​ർ​ക്കു​ള്ള പെ​ൻ​ഷ​ൻ മാ​ത്ര​മാ​ണ് ഏ​ക വ​രു​മാ​നം. 

‘‘കു​ട്ടി​ക്കാ​ല​ത്ത് എെ​ൻ​റ വീ​ടി​ന​ടു​ത്ത് അ​ധി​കം വീ​ടു​ക​ളൊ​ന്നു​മി​ല്ല. ദൂ​രെ​യു​ള്ള പാ​ല​വും പാ​ട​വും എ​ല്ലാം ത​ട​സ്സ​മി​ല്ലാ​തെ കാ​ണാം. എെ​ൻ​റ​യു​ള്ളി​ലെ ക​ലാ​കാ​രി​യെ സൃ​ഷ്​ടിക്കു​ന്ന​തി​ൽ ആ ​കാ​ഴ്ച​ക​ൾ​ക്ക് മു​ഖ്യ​പ​ങ്കു​ണ്ട്. ധാ​രാ​ളം ചി​ത്ര​ങ്ങ​ൾ വ​ര​ച്ചി​ട്ടു​ണ്ട്. ക​ല വ​രേ​ണ്യ​വ​ർ​ഗം കൈ​യ​ട​ക്കി​യ കാ​ല​മാ​യി​രു​ന്നു അ​ത്. ഇ​ന്ന​ത്തെപ്പോ​ലെ ക​ലാ​കാ​രി​ക​ളെ പ്രോ​ത്സാ​ഹി​പ്പി​ക്കു​ന്ന ഒ​രു കാ​ല​മാ​യി​രു​ന്നി​ല്ല അ​ത്. നി​രു​ത്സാ​ഹ​പ്പെ​ടു​ത്തു​ന്ന നി​ര​വ​ധി ഘ​ട​ക​ങ്ങ​ളു​ണ്ടാ​യി​ട്ടും ആ​രും അം​ഗീ​ക​രി​ക്കാ​തി​രു​ന്നി​ട്ടും അ​തി​നെ​യെ​ല്ലാം അ​വ​ഗ​ണി​ച്ച് ഞാ​ൻ ചി​ത്ര​ങ്ങ​ൾ വ​ര​ച്ചു.  വ​ര​ച്ച ചി​ത്ര​ങ്ങ​ളെ​ല്ലാം സൂ​ക്ഷി​ക്കാ​ൻ വീ​ട്ടി​ൽ പ്ര​ത്യേ​ക സ്ഥ​ല​മി​ല്ലാ​ത്ത​തി​നാ​ൽ അ​ല​മാ​ര​ക്കു​ള്ളി​ലും അ​തി​ന് മു​ക​ളി​ലു​മൊ​ക്കെ​യാ​ണ് വെ​ച്ചി​രു​ന്ന​ത്. ഒ​രു ദി​വ​സം രാ​ത്രി കി​ട​ന്നു​റ​ങ്ങു​ക​യാ​യി​രു​ന്നു.

സ്വ​ന്തം വീട്ടുവ​ള​പ്പി​ലെ ആ​ർ​ട്ട് ഗാ​ല​റി​യിൽ ശാ​ന്ത

 

ന​ല്ല മ​ഴ​യു​ണ്ട്. നി​ല​ത്തു​വി​രി​ച്ച പാ​യ​യി​ൽ ഒ​രു ന​ന​വ് അ​നു​ഭ​വ​പ്പെ​ട്ട​പ്പോ​ൾ ചാ​ടി എ​ണീ​റ്റു. നോ​ക്കു​മ്പോ​ൾ മു​റ്റ​ത്തു​ നി​ന്ന് വെ​ള്ളം അ​ക​ത്തേ​ക്ക് ക​യ​റു​ക​യാ​ണ്. മു​റി​യി​ൽ വെ​ള്ളം ഉ​യ​രാ​ൻ തു​ട​ങ്ങി. ഇ​നി​യും വെ​ള്ളം കൂ​ടി​യാ​ൽ അ​ല​മാ​ര​യി​ലെ ചി​ത്ര​ങ്ങ​ളെ​ല്ലാം ന​ന​യും. എ​ന്തു​ചെ​യ്യ​ണ​മെ​ന്ന​റി​യാ​തെ ഞാ​നും ചേ​ച്ചി​യും നി​ൽ​ക്ക​വെ പെ​ട്ടെ​ന്ന് മ​ഴ തോ​ർ​ന്നു. പു​തി​യ വീ​ട് വെ​ച്ചു​ത​ന്ന​തോ​ടെ വ​ലി​യ ദു​രി​ത​മാ​ണ് ഇ​ല്ലാ​താ​യ​ത്. വ​ലി​യ സ​ഹാ​യ​മാ​ണ് അ​വ​ർ ചെ​യ്ത​ത്. ത​ല​ചാ​യ്ക്കാ​ൻ വെ​ള്ളം ക​യ​റാ​ത്ത വീ​ടും ചി​ത്ര​ങ്ങ​ൾ സൂ​ക്ഷി​ക്കാ​ൻ ആ​ർ​ട്ട് ഗാ​ല​റി​യും ഒ​രു​ക്കി​ത്ത​ന്ന​ല്ലോ. ഈ ​ഉ​പ​കാ​രം ഒ​രി​ക്ക​ലും മ​റ​ക്കി​ല്ല’’ –​ശാ​ന്ത പ​റ​യു​ന്നു. ശാ​ന്ത​യു​ടെ ആ​ദ്യ ചി​ത്ര​പ്ര​ദ​ർ​ശ​ന​ത്തി​നി​ടെ​യാ​ണ് ഗു​ഡ് എ​ർ​ത്തിെ​ൻ​റ ചീ​ഫ് ആ​ർ​ക്കി​ടെ​ക്റ്റ് വി​നോ​ദ് സി​റി​യ​ക് അ​വ​രെ പ​രി​ച​യ​പ്പെ​ടു​ന്ന​ത്. ആ ​ക​ലാ​കാ​രി​യു​ടെ ദു​ര​വ​സ്ഥ തി​രി​ച്ച​റി​ഞ്ഞാ​ണ് അ​ദ്ദേ​ഹം വീ​ടു​വെ​ച്ചുന​ൽ​കാ​ൻ തീ​രു​മാ​നി​ച്ച​ത്. 

ആ​ർ​ട്ട് ഗാ​ല​റി​യി​ൽ ക​ണ്ട ദൈ​ന്യ​ത​യാ​ർ​ന്ന സ്ത്രീ​യു​ടെ പെ​യി​ൻ​റി​ങ്ങി​ലേ​ക്ക് നോ​ക്കി ​നി​ന്ന​പ്പോ​ൾ ശാ​ന്ത പ​റ​ഞ്ഞു: ‘‘എെ​ൻ​റ അ​മ്മ​യെ മ​ന​സ്സി​ൽ ക​രു​തി വ​ര​ച്ച ചി​ത്ര​മാ​ണി​ത്. മ​രി​ക്കു​ന്ന​തി​ന് ത​ലേ​ദി​വ​സം ഭ​ക്ഷ​ണ​മൊ​ന്നും അ​മ്മ​ക്ക് ക​ഴി​ക്കാ​ൻ ക​ഴി​ഞ്ഞി​രു​ന്നി​ല്ല. ഭ​യ​ങ്ക​ര ഛർ​ദി​യും ഉ​ണ്ടാ​യി​രു​ന്നു. ഞാ​ൻ ബി​സ്ക​റ്റ് വാ​യി​ൽ​വെ​ച്ച് കൊ​ടു​ത്തെ​ങ്കി​ലും അ​തും ഛർ​ദി​ച്ചു. മ​ര​ണ​ക്കി​ട​ക്ക​യി​ലു​ള്ള അ​മ്മ​യു​ടെ ചി​ത്ര​മാ​ണി​ത്.’’ മ​നു​ഷ്യന്‍റെ അ​ട​ങ്ങാ​ത്ത ആ​സ​ക്തി​യും പ്ര​കൃ​തി ചൂ​ഷ​ണ​വും മൃ​ഗ​ങ്ങ​ളും എ​ല്ലാം ആ​ർ​ട്ട് ഗാ​ല​റി​യി​ലെ പെ​യി​ൻ​റി​ങ്ങു​ക​ളി​ൽ ഇ​ടംപി​ടി​ച്ചി​ട്ടു​ണ്ട്. പു​റ​ത്ത് മ​ഴ തി​മ​ിർ​ത്തു പെ​യ്യു​ക​യാ​ണ്. വീ​ടി​ന​ക​ത്തേ​ക്ക് വെ​ള്ളം ക​യ​റു​മെ​ന്നോ പെ​യി​ൻ​റി​ങ്ങു​ക​ൾ ന​ശി​ക്കു​മെ​ന്നോ ഉ​ള്ള ഭ​യം തെ​ല്ലു​മി​ല്ലാ​തെ ശാ​ന്ത ജീ​വി​തം പ​റ​യു​ക​യാ​ണ്...