ചായക്കട പകരുന്ന സൗഹാര്‍ദങ്ങള്‍

Karimalickal Sunny Tea Shop
സണ്ണിച്ചേട്ടൻ ചായവിതരണത്തിൽ (ചിത്രം: അഷ്​കർ ഒരുമനയൂർ)

കയ്പമംഗലത്തിനടുത്ത് കുമ്പളപറമ്പ് സെന്‍ററിലുള്ള കരിമാലിക്കല്‍ സണ്ണിയുടെ ചായക്കടയില്‍ എത്ര വിവാദമായ കാര്യം ചര്‍ച്ചയില്‍ വന്നാലും വഴി വിട്ടു പോകില്ല. അത്രക്ക് ഇഴയടുപ്പമാണ് ഇവിടെ സൗഹൃദങ്ങള്‍ക്ക്...

‘‘പ​ത്തു മി​നി​റ്റ് വൈ​കി​യ​ല്ലോ ശ​ശീ?’’- എ​ല്ലാ ദി​വ​സ​വും ആ​ദ്യം ചാ​യ കു​ടി​ക്കാ​നെ​ത്തു​ന്ന ടൗ​ണി​ലെ പാ​റാ​വു​കാ​ര​ൻ ശി​വ​നോ​ട്, ക​ട തു​റ​ക്കു​ന്ന​തി​നി​ട​യി​ൽ സ​ണ്ണി​ച്ചേ​ട്ട​ൻ പ​റ​ഞ്ഞ​പ്പോ​ഴേ​ക്കും പ​ത്ര​ക്കാ​രന്‍റെ സൈ​ക്കി​ൾ ശ​ബ്​​ദം ദൂ​രെ​നി​ന്നു കേ​ട്ടു. ‘‘നി​ങ്ങ​ൾ​ക്ക് ക​ട സ​മ​യ​ത്തി​ന് തു​റ​ക്കാ​ൻ പ​റ്റി​ല്ലെ​ങ്കി​ൽ താ​ക്കോ​ലി​ങ്ങ് ത​ന്നേ​ക്ക്. ഇ​നി​മു​ത​ൽ ഞാ​ൻ തു​റ​ക്കാം. ഞ​ങ്ങ​ൾ വ​ന്നാ​ൽ എ​ല്ലാം ശ​രി​യാ​ക്കാ​മെ​ന്ന് പ​റ​ഞ്ഞി​ട്ടു​ണ്ടെ​ങ്കി​ൽ ഈ ​ചാ​യ​ക്ക​ട ശ​രി​യാ​ക്കാ​ൻ വ​ല്യ ബു​ദ്ധി​മു​ട്ടു​ള്ള കാ​ര്യ​മ​ല്ല’’- ത​മാ​ശ​യി​ലാ​ണെ​ങ്കി​ലും മ​ധു​രം കൂ​ട്ടാ​തെ ശ​ശി ക​ടു​പ്പ​ത്തി​ല​ങ്ങ് പ​റ​ഞ്ഞു. 

തൃ​ശൂ​ർ ജി​ല്ല​യി​ൽ കയ്​പമം​ഗ​ല​ത്തി​ന​ടു​ത്ത് കു​മ്പ​ള​പ​റ​മ്പ് സെ​ൻ​റ​റി​ലു​ള്ള ക​രി​മാ​ലി​ക്ക​ൽ സ​ണ്ണി​യു​ടെ ചാ​യ​ക്ക​ട​യാ​ണി​ത്. പി​താ​വി​ന് അ​സു​ഖ​മാ​യ​തോ​ടെ പ​ന്ത്ര​ണ്ടാം വ​യ​സ്സു​മു​ത​ൽ നാ​ട്ടു​കാ​ർ​ക്ക് ചാ​യ പ​ക​ർ​ന്നു​ കൊ​ടു​ക്കാ​ൻ തു​ട​ങ്ങി​യ​താ​ണ്. ഇ​പ്പോ​ൾ വ​യ​സ്സ് അ​മ്പ​ത്തി​യാ​റ്. കെ​ട്ടി​ട​ത്തി​ന് വാ​ർ​ധ​ക്യം തെ​ളി​ഞ്ഞു കാ​ണാം. തേ​ക്കാ​ത്ത മ​ൺ​ക​ട്ട​ച്ചു​മ​ര്, ശ്വാ​സം നി​ല​ക്കാ​റാ​യ ഫാ​ൻ. നി​റ​ഞ്ഞുനി​ൽ​ക്കു​ന്ന മാ​റാ​ല​യാ​ണ് മേ​ൽ​ക്കൂ​ര​യെ താ​ങ്ങിനി​ർ​ത്തു​ന്ന​തെ​ന്ന് തോ​ന്നും. പ​ഴ​മ​യു​ടെ പെ​രു​ങ്ക​ളി​യാ​ട്ട​ത്തി​നി​ടെ ചു​മ​രി​ൽ തൂ​ങ്ങി​നി​ൽ​ക്കു​ന്ന ഫോ​ട്ടോ​യി​ലെ യേ​ശു​വിെ​ൻ​റ ചി​രി​ക്ക് മാ​ത്രം കാ​ഴ്ച​യി​ൽ വ​ലി​യ പ​ഴ​ക്ക​മി​ല്ല. എ​ല്ലാ​റ്റി​നും മൂ​കസാ​ക്ഷി​യാ​യി ചു​മ​രി​ൽ​ചാ​രിനി​ൽ​ക്കു​ന്നു​ണ്ട് തു​രു​മ്പു​പി​ടി​ച്ച ത​പാ​ൽ​പെ​ട്ടി. ഇ​വി​ടെ എ​ത്തി​യാ​ൽ അ​ക്ഷ​രാ​ർ​ഥ​ത്തി​ൽ കാ​ലം പി​റ​കി​ലേ​ക്ക് ന​ട​ക്കു​ന്ന​താ​യി തോ​ന്നും. 

സ​ണ്ണി​യും ശ​ശി​യും സം​സാ​രി​ച്ചു​നി​ൽ​ക്കു​ന്ന​തി​നി​ടെ​യാ​ണ് തൊ​ണ്ണൂ​റു പി​ന്നി​ട്ട സു​ബ്ര​ഹ്മ​ണ്യ​ൻ ആ​ശാ​രി വ​രു​ന്ന​ത്. വാ​ർ​ധ​ക്യം സു​ബ്ര​ഹ്മ​ണ്യ​നെ​ക്കൊ​ണ്ട് ഊ​ന്നു​വ​ടി എ​ടു​പ്പി​ച്ചി​രു​ന്നു. പു​റ​മെ ത​ണു​പ്പി​നെ അ​ക​റ്റാ​ൻ സ്വെ​റ്റ​റും ഷാ​ളും. ‘‘നാ​ലു​ മാ​സ​ത്തെ പെ​ൻ​ഷ​ൻ ഉ​ട​ൻ കി​ട്ടും​ കേ​ട്ടോ’’ -ചെ​വി ന​ന്നേ പ​തു​ക്കെ​യാ​യ ആ​ശാ​രി​യോ​ട് കക്ഷത്തിൽനി​ന്ന് പാ​ർ​ട്ടി പ​ത്ര​മെ​ടു​ത്ത് നി​വ​ർ​ത്തി​ക്കാ​ട്ടി ശ​ശി ഉ​ച്ച​ത്തി​ൽ വി​ളി​ച്ചു പ​റ​ഞ്ഞു. കു​മ്പ​ള​പ്പ​റ​മ്പ് സെ​ൻ​റ​റി​ലു​ള്ള മു​ഴു​വ​ൻ പേ​രും അ​ത് കേ​ട്ടു​കാ​ണും. 

പൊ​ടി അ​ൽ​പം കൂ​ട്ടി​യി​ട്ടു​ള്ള ചാ​യ ഇ​രു​വ​ർ​ക്കും കൊ​ടു​ത്ത ശേ​ഷം സ​ണ്ണി ധിറുതി​യി​ൽ അ​ക​ത്തേ​ക്ക് പോ​യി. ക​ണ്ണ​ട ബെ​ഞ്ചി​ൽ ഊ​രി​വെ​ച്ച് ചൂ​ടു​ചാ​യ കു​ടി​ക്കു​ന്ന​തി​നി​ടെ സു​ബ്ര​ഹ്മ​ണ്യ​ൻ, ശ​ശി​യോ​ട് മ​റു​പ​ടി പ​റ​ഞ്ഞു. ‘‘ഈ ​സ​ർ​ക്കാ​ർ വ​ന്ന​പ്പോ​ൾ തു​ട​ക്ക​ത്തി​ൽ പെ​ൻ​ഷ​ൻ സ​മ​യ​ത്തി​ന് കി​ട്ടി​യി​രു​ന്നു. പി​ന്നെ ക​ണ​ക്കാ..​. എ​പ്പോ​ഴെ​ങ്കി​ലും കി​ട്ട്യാ​ലാ​യി. പ​ത്ര​ത്തി​ൽ വാ​ർ​ത്ത​കൊ​ടു​ത്തി​ട്ടെ​ന്താ കാ​ര്യം, കൈ‍യി​ൽ പൈ​സ എ​ത്ത​ണ്ടേ...’’- നാ​ട്ടി​ലെ ത​ല​മൂ​ത്ത കോ​ൺ​ഗ്ര​സു​കാ​ര​ൻ​കൂ​ടി​യാ​യ സു​ബ്ര​ഹ്മ​ണ്യന്‍റെ സ​ർ​ക്കാ​റി​നെ​ കു​റി​ച്ചു​ള്ള വി​മ​ർ​ശ​നം ശ​ശി​ക്ക് അ​ത്ര ദ​ഹി​ച്ചി​​​െല്ലങ്കിലും മറുപടി പറഞ്ഞില്ല. 

‘‘അ​പ്പ​ച്ച​ന് എ​ങ്ങ​നു​ണ്ട് കു​റ​വു​ണ്ടോ?’’ തൂ​ക്കു​പാ​ത്ര​വു​മാ​യി ചാ​യ​വാ​ങ്ങാ​നെ​ത്തി​യ പ്ല​സ് വ​ണ്ണി​ന് പ​ഠി​ക്കു​ന്ന ആ​ൽ​ബി​നോ​ട് സ​ണ്ണി​ച്ചേ​ട്ട​ൻ ചോ​ദി​ച്ചു. ‘‘ചെ​റി​യ ആ​ശ്വാ​സ​മു​ണ്ട്’’-ബ​ഞ്ചി​ലി​രു​ന്ന് പ​ത്ര​ത്തി​ലെ സ്പോ​ർട്സ് പേ​ജ് പ​ര​തു​ന്ന​തി​നി​ടെ അ​വ​ൻ മ​റു​പ​ടി പ​റ​ഞ്ഞു. ചാ​യ​യൊ​ഴി​ച്ച് സ​ണ്ണി തൂ​ക്കു​പാ​ത്രം കൊ​ടു​ത്ത ഉ​ട​ൻ ആ​ൽ​ബി​ൻ വീ​ട്ടി​ലേ​ക്കോ​ടി. ഇതിനിടയിലാണ്​, പൊ​തു​വെ മി​ത​ഭാ​ഷി​യും ശാ​ന്തസ്വ​ഭാ​വ​ക്കാ​ര​നു​മാ​യ റി​ട്ട. അ​ധ്യാ​പ​ക​ൻ അ​ജി​ത​ൻ ക​യ​റി​വ​ന്ന​ത്. തൊ​ട്ടു​പി​റ​കി​ൽ കൂ​ലി​പ്പ​ണി​ക്കാ​ര​നാ​യ ലി​ജീ​ഷും ഉ​ണ്ടാ​യി​രു​ന്നു. 

ചാ​യ​കു​ടി​ക്കാ​നാ​യി ആ​ളു​ക​ൾ എ​ത്തി​ക്കൊ​ണ്ടേ​യി​രി​ക്കു​ന്നു. അ​ടു​ക്ക​ള​യി​ൽ​നി​ന്ന് ചാ​യ​ക്ക​ലം തി​ള​ക്കു​ന്ന ശ​ബ്​​ദം പു​റ​ത്തേ​ക്ക് കേ​ൾ​ക്കാ​ൻ തു​ട​ങ്ങി​പ്പോ​ൾ പു​റ​ത്ത് ച​ർ​ച്ച​ക്ക് തീ​പി​ടി​ച്ച ഘ​ട്ട​മാ​യി​രു​ന്നു. ‘‘ആ​റ​ര വ​ർ​ഷം ഭ​രി​ച്ച് ഗാ​ന്ധി​യു​ടെ സ്വ​പ്നം പൂ​വ​ണി​യി​പ്പി​ക്കാ​ൻ നി​ങ്ങ​ൾ​ക്കാ​യോ ’’ -സി.പി.​എ​മ്മു​കാ​ര​നാ​യ 78കാ​ര​ൻ ധ​ർ​മന്‍റെ ആ ​ചോ​ദ്യം കോ​ൺ​ഗ്ര​സി​ൽ അ​ടി​യു​റ​ച്ച് വി​ശ്വ​സി​ക്കു​ന്ന ഭാ​സി ഐ​നി​ക്കാ​ടി​ന് ദ​ഹി​ച്ചി​ല്ല. ഗ്ലാ​സി​ലെ ചാ​യ പ​കു​തി​യോ​ളം ഒ​റ്റ​വ​ലി​ക്ക് കു​ടി​ച്ച ഭാ​സി പ​ഴ​കി​ത്തു​ട​ങ്ങി​യ കു​ർ​ത്ത​യു​ടെ കോ​ള​ർ ഒ​ന്നു​ശ​രി​യാ​ക്കി നെ​ടു​നീ​ള​ൻ മ​റു​പ​ടി പ​റ​ഞ്ഞുതു​ട​ങ്ങി.

Karimalickal Sunny
ചായയുമായി സണ്ണിച്ചേട്ടൻ
 


‘‘രാ​ജ്യ​ത്ത് കോ​ൺ​ഗ്ര​സ് നേ​രി​ടു​ന്ന പ്ര​തി​സ​ന്ധി ഞ​ങ്ങ​ൾ അം​ഗീ​ക​രി​ക്കു​ന്നു. എ​ന്നാ​ൽ, ഇ​പ്പോ​ൾ എ​ന്താ​ണ് അ​വ​സ്ഥ. ഗാ​ന്ധി ക​ണ്ട സ്വ​പ്ന​മാ​ണോ ഇ​പ്പോ​ൾ ഇ​ന്ത്യ​യി​ൽ ന​ട​ക്കു​ന്ന​ത്. ജനങ്ങളെ ത​മ്മി​ത്ത​ല്ലി​ക്ക​ല്ലേ. ഉ​പ്പു​തൊ​ട്ട്​ ക​ർ​പ്പൂ​രം വ​രെ വി​ല​കൂ​ടി. സി.​പി.​എ​മ്മിെ​ൻ​റ ദേ​ശീ​യ​നേ​താ​വി​നെ വ​രെ പാ​ർ​ട്ടി ആ​പ്പീ​സി​ൽ ക​യ​റി ആ​ക്ര​മി​ച്ചി​ല്ലേ’’ -സ​മ​കാ​ലി​ക രാ​ഷ്​​ട്രീ​യ​ത്തെ​ക്കു​റി​ച്ച് ഇ​രു​കൈ​ക​ളു​മു​യ​ർ​ത്തി പ്ര​സം​ഗ​ശൈ​ലി​യി​ൽ പ​റ​യു​ന്ന​തി​നി​ടെ വ​ല​തു​കൈ​യി​ലെ പ​ഴം​പൊ​രി ഉ​റ​ക്കം​വി​ട്ട് ആ​വേ​ശ​ത്തോ​ടെ എ​ണീ​റ്റു​നി​ന്നു. അ​തി​നി​ട​യി​ലാ​ണ് നോ​ട്ട് നി​രോ​ധ​ന​വും ജി.​എ​സ്.​ടി​യും ഭാ​സി​യെ പി​ന്താ​ങ്ങി​ക്കൊ​ണ്ട് പ്ര​ത്യേ​കി​ച്ച് രാ​ഷ്​​ട്രീ​യ​മൊ​ന്നു​മി​ല്ലാ​ത്ത ഇ​പ്പൂ​ട്ടി​യും രം​ഗ​ത്തു​വ​ന്ന​ത്. 

കു​മ്പ​ള​പ്പ​റ​മ്പ് സെ​ൻ​റ​റി​ലെ ജ​ന​ങ്ങ​ൾ ഒ​രു​മി​ച്ചി​രു​ന്ന് കൂ​ടു​ന്ന ചാ​യ​ക്ക​ട​യാ​ണി​ത്. ഗ്രാ​മീ​ണ നി​ഷ്ക​ള​ങ്ക​ത ഈ ​ചെ​റി​യ ക​ട​യി​ൽ പ്ര​ക​ടം. കേ​ര​ള​വും കേ​ന്ദ്ര​വും കോ​ൺ​ഗ്ര​സും ബി.​ജെ.​പി​യും ഇ​ട​തു​പ​ക്ഷ​വും ഇ​വി​ടെ വി​ചാ​ര​ണ ചെ​യ്യ​പ്പെ​ടും. സ​ർ​ക്കാ​റുക​ളു​ടെ നി​ല​പാ​ടു​ക​ൾ ഇ​ഴ​കീ​റി പ​രി​ശോ​ധി​ക്കും. ഓ​രോ ദി​വ​സ​വും ഈ ​നാ​ട്ടി​ൽ ന​ട​ക്കു​ന്ന പ​രി​പാ​ടി​ക​ൾ ക​ട​യി​ലെ ചു​മ​രി​ലു​ള്ള നോ​ട്ടീ​സ് ബോ​ർ​ഡി​ൽ എ​ഴു​തി ഒ​ട്ടി​ക്കു​മെ​ന്ന് സ​ണ്ണി പ​റ​യു​ന്നു. പു​റ​ത്തു​നി​ന്ന് ആ​രെ​ങ്കി​ലും വ​ന്നാ​ൽ അ​വ​ർ​ക്ക് പോ​കേ​ണ്ട വീ​ടിെ​ൻ​റ അ​ഡ്ര​സ് കൃ​ത്യ​മാ​യി പ​റ​ഞ്ഞു​കൊ​ടു​ക്കും. ഇ​ത്ത​ര​ത്തി​ൽ ഈ നാ​ട്ടി​ലെ ഒ​രു ഇ​ൻ​ഫ​ർ​മേ​ഷ​ൻ സെന്‍റ​ർ​കൂ​ടി​യാ​ണ് തന്‍റെ ക​ട​യെ​ന്ന് ചാ​യ​ഗ്ലാ​സ് ഓ​രോ​ന്നാ​യി ക​ഴു​കിവെ​ക്കു​ന്ന​തി​നി​ടെ സ​ണ്ണി പ​റ​ഞ്ഞു.  

ചാ​യ​കു​ടി​ച്ച് പ​ല​രും പ​ണം കൊ​ടു​ക്കു​ന്നി​ല്ലെ​ന്ന് മാ​ത്ര​മ​ല്ല, ഒ​ന്നും മി​ണ്ടാ​തെയു​മാ​ണ് ഇ​റ​ങ്ങിപ്പോ​കു​ന്ന​ത്. ഇ​തുക​ണ്ട് അ​ത്ഭു​ത​ത്തോ​ടെ ചോ​ദി​ച്ച​പ്പോ​ൾ സ​ണ്ണി​യേ​ട്ടന്‍റെ മ​റു​പ​ടി: ‘‘എ​നി​ക്ക​റി​യാം ആ​രെ​ല്ലാം ചാ​യ​കു​ടി​ച്ചി​ട്ടു​ണ്ടെ​ന്ന്. പി​ന്നെ ആ​രും പ​ണം ത​രാ​തെ പ​റ്റി​ക്കു​ക​യൊ​ന്നു​മി​ല്ല. വൈ​കു​ന്നേ​ര​മാ​കു​മ്പോ​ൾ പ​ല​രും പ​ണം ത​രും. അ​ല്ലാ​ത്ത​വ​രു​ടെ പേ​ര്  ബു​ക്കി​ൽ എ​ഴു​തി​വെ​ക്കും.’’

ഞ​ങ്ങ​ൾ മ​ട​ങ്ങാ​നി​രി​ക്കെ​യാ​ണ് തൊ​ണ്ണൂ​റി​ലേ​റെ വ​യ​സ്സ് തോ​ന്നി​ക്കു​ന്ന ഒ​രു അ​മ്മൂ​മ്മ ക​ട​യി​ലേ​ക്ക് ക​യ​റിവ​ന്ന​ത്. അ​വ​ർ വ​ന്ന​പാ​ടെ ​െബ​ഞ്ചിന്‍റെ മൂ​ല​യി​ൽ നി​ന്ന് ദേ​വ​ദാ​സ് എ​ഴു​ന്നേ​റ്റു​കൊ​ടു​ത്തു. അ​മ്മാ​മ്മ​യു​ടെ സീ​റ്റ് ഇ​താ​ണെ​ന്ന് ദേ​വ​ദാ​സ് ഞ​ങ്ങ​ളോ​ട് പ​റ​ഞ്ഞു. വ​ർ​ഷ​ങ്ങ​ളാ​യി ഇ​വി​ടെ ചാ​യ​കു​ടി​ക്കാ​ൻ വ​രാ​റു​ണ്ട് ഇ​വ​രെ​ന്നും പേ​ര് അ​യ്യ​പ്പെ​ണ്ണാ​ണെ​ന്നും സ​ണ്ണി​ച്ചേ​ട്ട​ൻ പ​റ​ഞ്ഞ​പ്പോ​ൾ ഞ​ങ്ങ​ളോ​ട് ഒ​രു ചി​രി​ക്കു​ക​ പോ​ലും ചെ​യ്യാ​തെ മോ​ണ​ കൊ​ണ്ട് നെ​യ്യ​പ്പം ക​ടി​ച്ചു​പ​റി​ക്കു​ക​യാ​യി​രു​ന്നു അ​വ​ർ. മ​നു​ഷ്യ​രെ ഭി​ന്നി​പ്പി​ച്ച് രാ​ഷ്​ട്രീയ​ലാ​ഭം കൊ​യ്യു​ന്ന സ​മ​കാ​ലി​ക ഇ​ന്ത്യ​ൻ സാ​ഹ​ച​ര്യ​ത്തി​ൽ ജാ​തി​മ​ത പ്രാ​യ​ഭേ​ദ​മ​ന്യേ ജ​ന​ങ്ങ​ൾ ഒ​രു മേ​ശ​ക്കു​ചു​റ്റും ഇ​രു​ന്ന് സം​സാ​രി​ക്കു​മ്പോ​ഴു​ള്ള ജ​നാ​ധി​പ​ത്യ​ബോ​ധ​വും അ​ഭി​പ്രാ​യ​സ്വാ​ത​ന്ത്ര്യ​ത്തി​ന്‍റെ മ​നോ​ഹാ​രി​ത​യും വേ​ണ്ടു​വോ​ളം ഈ ​ചാ​യ​ക്ക​ട​യി​ൽ ക​ണ്ടു.

COMMENTS