കപ്ലങ്ങ (പപ്പായ) വട

ചേരുവകൾ:

• പപ്പായ (ഇടത്തരം) -ഒന്ന് (പൊടിയായി അരിഞ്ഞത്)
• കടലമാവ് -മുക്കാല്‍ കപ്പ്
• അരിപ്പൊടി -മൂന്ന് ടേബ്ള്‍ സ്പൂണ്‍
• സവാള (ഇടത്തരം) -ഒന്ന് ചെറുതായി അരിഞ്ഞത്
• ഇഞ്ചി പൊടിയായി അരിഞ്ഞത് -ഒരു ടീസ്പൂണ്‍
• പച്ചമുളക് -മൂന്ന് എണ്ണം (വട്ടത്തില്‍ അരിഞ്ഞത്)
• മുളകുപൊടി -ഒരു ടേബ്ള്‍ സ്പൂണ്‍
• കായപ്പൊടി -അര ടീസ്പൂണ്‍
• ഉപ്പ് -പാകത്തിന്
• എണ്ണ -ഒരു കപ്പ്

തയാറാക്കുന്ന വിധം:

ഒന്നുമുതല്‍ ഒമ്പതുവരെയുള്ള ചേരുവകള്‍ വെള്ളമൊഴിച്ച് വടയുടെ പാകത്തിന് കുഴക്കുക. ചെറിയ വടകളാക്കി എണ്ണ തിളക്കുമ്പോള്‍ വറുത്ത് കോരുക. നാലുമണി ചായക്കൊപ്പം ഉപയോഗിക്കാം.