മസാല ബ്രഡ് റോസ്റ്റ്

ചേരുവകൾ:

1. ബ്രഡ് -ഒരു പാക്കറ്റ്
2. ഉരുളക്കിഴങ്ങ് പുഴുങ്ങി തൊലി കളഞ്ഞത് -രണ്ട് എണ്ണം
3. പച്ചമുളക് -നാല് എണ്ണം
4. ചെറുനാരങ്ങ -ഒന്നിന്‍റെ പകുതി
5. മഞ്ഞള്‍ -ഒരു ടീസ്പൂണ്‍,
6. ഗരം മസാലപ്പൊടി -അര ടീസ്പൂണ്‍
7. കറിവേപ്പില ചെറുതായി അരിഞ്ഞത് -2 കതിര്‍പ്പ്
8. ഉപ്പ് -പാകത്തിന്

തയാറാക്കുന്ന വിധം:

ഉരുളക്കിഴങ്ങ് നന്നായി പൊടിച്ചു വെച്ച് അതില്‍ ചെറുതായി അരിഞ്ഞ പച്ചമുളക്, ചെറുനാരങ്ങ നീര്, മഞ്ഞള്‍പ്പൊടി, ഗരം മസാലപ്പൊടി, കറിവേപ്പില ചേര്‍ത്ത് കുഴച്ചുവെക്കുക. ബ്രഡിന് മുകളില്‍ ഈ മിശ്രിതം വെക്കുക. അതിന് മുകളില്‍ ഒരു ബ്രഡ് വെച്ച് അരിക് വിരലു കൊണ്ടമര്‍ത്തി എണ്ണയില്‍ വറുത്തു കോരുക. ചൂടോടെ ഉപയോഗിക്കാം.

തയാറാക്കിയത്: സാബിറ ഹമീദ്