കുമരകം രുചികള്
text_fieldsകായല് ജീവിതവും രുചികളും ഒന്നിക്കുന്ന ചില തകര്പ്പന് വിഭവങ്ങള്...
1. മണലില് ചുട്ട കായല്മീന്
തെങ്ങിന്റെ ഭാഗങ്ങൾ മാത്രം ഉപയോഗിച്ച് പുഴക്കരയിലെ മണലിൽവെച്ച് പാചകം ചെയ്തെടുക്കുന്ന മത്സ്യവിഭവമാണിത്. മണലിൽ കുഴിയുണ്ടാക്കി അതിൽ മീൻ വെച്ച് മണലുകൊണ്ടുതന്നെ മൂടിയാണ് ഇത് തയാറാക്കുന്നത്. തെങ്ങിന്റെ ഉണങ്ങിയ െകാതുമ്പും ചിരട്ടയും തയറാക്കി വെക്കണം. ഇതുപയോഗിച്ചാണ് പാകം ചെയ്യുന്നത്.
ചേരുവ:
വലിയ കായൽമീൻ മുഴുവൻ ചെതുമ്പലോടെ -ഒന്ന് (2-3 കിലോ)
പാചകം ചെയ്യുന്ന വിധം:
- വയർഭാഗം വൃത്തിയായി കഴുകിയ മുഴുമീൻ (ചെതുമ്പൽ കളയരുത്) കൊതുമ്പുകൊണ്ട് നന്നായി പൊതിഞ്ഞ് കെട്ടുക. ശേഷം സിൽവർ ഫോയിൽകൊണ്ട് പൊതിയുകയും വേണം.
- പാചകത്തിന് ഉപയോഗിക്കുന്ന മണലിനു മുകളിൽ ചകിരിയും ചിരട്ടയും കൂട്ടിയിട്ട് 45 മിനിറ്റ് നന്നായി കത്തിക്കുക. ശേഷം ചിരട്ടയും ചകിരിയും വകഞ്ഞുമാറ്റി, അടിയിലെ മണലിൽ കുഴിയുണ്ടാക്കുക. പൊതിഞ്ഞുവെച്ച മീൻ വെച്ച് മൂടാൻ പാകത്തിനാവണം കുഴി. ഇൗ കുഴിയിൽ മീൻപൊതി വെച്ച് മൂടുക. ശേഷം ചിരട്ട-ചകിരി കനലുകൾ അതിനു മുകളിൽ ഇട്ട് വീണ്ടും ഒന്നര മണിക്കൂർ കത്തിക്കുക.
- പതുക്കെ കുഴി തുറന്ന് മീൻപൊതി എടുത്ത് ഫോയിലും കൊതുമ്പും നീക്കുക. മീൻ മണലുമായി ചേരാതിരിക്കാൻ ശ്രദ്ധിക്കണം.
- ശേഷം ഒരു കത്തി ഉപയോഗിച്ച് ശ്രദ്ധയോടെ ചെതുമ്പലുകൾ കളഞ്ഞ് ഫില്ലറ്റ് പരുവത്തിൽ മുറിക്കുക.
- കാന്താരി ചട്ട്ണി, മോളി എന്നിവക്കൊപ്പം ചൂടോടെ വിളമ്പിയാൽ യഥാർഥ കായൽമീനിന്റെ ചൂരും രുചിയും അറിയാം.
2. സ്റ്റാര് ഫ്രൂട്ട് ഓലന്
ചേരുവകള്:
- സ്റ്റാർ ഫ്രൂട്ട് -250 ഗ്രാം
- നീളൻ പയർ -100 ഗ്രാം (1/2 ഇഞ്ച് നീളത്തിൽ മുറിച്ചത്)
- പച്ചമുളക് -15 ഗ്രാം
- ഇഞ്ചി -1/2 ടീസ്പൂൺ
- കറിവേപ്പില -2 തണ്ട്
- തേങ്ങാപ്പാൽ - ഒരു തേങ്ങയുടെ ഒന്നാം പാലും രണ്ടാം പാലും
- വെളിച്ചെണ്ണ -30 ഗ്രാം
പാചകം ചെയ്യുന്ന വിധം:
- സ്റ്റാർ ഫ്രൂട്ട് കട്ടിയായി മുറിക്കുക.
- പയർ, പച്ചമുളക്, കറിവേപ്പില, ഇഞ്ചി, ആവശ്യത്തിന് ഉപ്പ്, രണ്ടാം പാൽ ചേർത്ത് മുക്കാൽ ഭാഗം വേവാകുേമ്പാൾ ഇലിമ്പിക്ക ചേർത്ത് വേവിക്കുക.
- ഒന്നാം പാൽ ചേർത്ത് ചൂടാകുേമ്പാൾ വെളിച്ചെണ്ണ ചേർത്ത് വാങ്ങുക.
3. ലെമണ് റൈസ് & കരിമീന് നാരങ്ങ മസാല
ചേരുവകള്:
- വേവിച്ച ബസ്മതി അരി -1 കപ്പ്
- ഒായിൽ -2 ടീസ്പൂൺ
- കടുക്-1/4 ടീസ്പൂൺ
- വറ്റൽമുളക്- 1
- കറിവേപ്പില-1 തണ്ട്
- നിലക്കടല- 1 ടേബ്ൾ സ്പൂൺ
- കായപ്പൊടി-1/4 ടീസ്പൂൺ
- മഞ്ഞൾപ്പൊടി-1/2 ടീസ്പൂൺ
- നാരങ്ങനീര്-1 ടീസ്പൂൺ
തയാറാക്കുന്ന വിധം:
- ഒരു പാത്രം ചൂടായാൽ ഒായിൽ ഒഴിക്കുക. കടുക് ഇട്ട് പൊട്ടിയാൽ വറ്റൽമുളക്, കറിവേപ്പില, നിലക്കടല എന്നിവ ചേർത്ത് വഴറ്റുക.
- തീ കുറച്ചുവെച്ച് മഞ്ഞൾപ്പൊടി, കായപ്പൊടി എന്നിവ ചേർക്കുക.
- ഇതിലേക്ക് വേവിച്ചുവെച്ച അരി, നാരങ്ങനീര് എന്നിവ ചേർത്ത് യോജിപ്പിച്ച് വാങ്ങുക (ആവശ്യത്തിന് ഉപ്പ് ചേർത്തിരിക്കണം).
പ്ലേറ്റിങ് ചെയ്യുന്ന വിധം:
വിളമ്പുന്ന പാത്രത്തിൽ ഒരു കഷണം മീൻ വെക്കുക. അതിന്റെ മുകളിൽ തയാറാക്കിയ ലെമൺ റൈസ് ഇട്ട് ബാക്കിയുള്ള മീൻ വെക്കുക. തണ്ടോടു കൂടിയ കറിവേപ്പില, പപ്പടം, റൈത്ത ചേർത്ത് വിളമ്പുക.
4. കരിമീന് നാരങ്ങ മസാല
ചേരുവകള്:
- കരിമീൻ ഫില്ലറ്റ് -1 (മീനിന്റെ എല്ല് എടുത്തുമാറ്റിയത്)
- മഞ്ഞൾപ്പൊടി -1/2 ടീസ്പൂൺ
- മുളകുപൊടി -2 ടീസ്പൂൺ
- ഇഞ്ചി നുറുക്കിയത് -1 ടീസ്പൂൺ
- വെളുത്തുള്ളി നുറുക്കിയത്-1 ടീസ്പൂൺ
- നാരങ്ങനീര് -1 ടീസ്പൂൺ
- കറിവേപ്പില -1 തണ്ട്
- ഉപ്പ് -ആവശ്യത്തിന്
- വെളിച്ചെണ്ണ- വറുക്കാൻ ആവശ്യത്തിന്
തയാറാക്കുന്ന വിധം:
മുകളിൽ പറഞ്ഞ ചേരുവകൾ ചേർത്ത് മീനിൽ യോജിപ്പിച്ച് 10 മിനിറ്റ് വെക്കുക. ഒരു പാനിൽ ഒായിൽ ഒഴിച്ച് ചൂടായാൽ പുരട്ടിവെച്ചിരിക്കുന്ന മീൻ ചേർത്ത് വറുത്ത് കോരുക.
മീൻ മസാലക്ക് വേണ്ട ചേരുവകൾ:
- സവാള നീളത്തിൽ മുറിച്ചത് -250 ഗ്രാം
- പച്ചമുളക് നുറുക്കിയത് -1 ടീസ്പൂൺ
- പൈനാപ്പിൾ നുറുക്കിയത് -50 ഗ്രാം
- പുതിനയില നുറുക്കിയത് -15 ഗ്രാം
- മല്ലിയില നുറുക്കിയത് -10 ഗ്രാം
- മഞ്ഞൾപ്പൊടി -1/2 ടീസ്പൂൺ
- മുളകുെപാടി-1/2 ടീസ്പൂൺ
- മല്ലിപ്പൊടി-2 ടീസ്പൂൺ
- ഉപ്പ് -ആവശ്യത്തിന്
- പെരുംജീരകം പൊടിച്ചത് -1/2 ടീസ്പൂൺ
- അണ്ടിപ്പരിപ്പ് അരച്ചത്-3 ടീ സ്പൂൺ
തയാറാക്കുന്ന വിധം:
- പാനിൽ ഒരു ടേബ്ൾ സ്പൂൺ ഒായിൽ ഒഴിച്ച് ചൂടായാൽ സവാള, പച്ചമുളക് എന്നിവ ചേർത്ത് വഴറ്റുക. ഇതിലേക്ക് പൈനാപ്പിൾ, പുതിനയില, മല്ലിയില എന്നിവ ചേർത്ത് വീണ്ടും വഴറ്റുക.
- ഇതിലേക്ക് മഞ്ഞൾപ്പൊടി, മുളകുപൊടി, ജീരകപ്പൊടി, മല്ലിപ്പൊടി എന്നിവ ചേർത്ത് വഴറ്റുക.
- ഇതിലേക്ക് അണ്ടിപ്പരിപ്പ് അരച്ചത് ചേർത്ത് എണ്ണ തെളിയുംവരെ വഴറ്റി യോജിപ്പിക്കുക.
- ഇൗ കൂട്ടിലേക്ക് വറുത്തമീൻ ചേർത്ത് യോജിപ്പിക്കുക.
5. ഇടിച്ച താറാവ് മസാല
ചേരുവകള്:
- വേവിച്ച താറാവ് -2 കപ്പ് (എല്ലിൽനിന്ന് മാറ്റിയത്)
- ചെറിയുള്ളി-2 ടേബ്ൾ സ്പൂൺ
- പച്ചമുളക്- 1 ടീസ്പൂൺ
- വറ്റൽമുളക്-1
- മല്ലി -1 ടീസ്പൂൺ
- കുരുമുളക്-1 ടീസ്പൂൺ
- ഇഞ്ചി നുറുക്കിയത്-1 ടീസ്പൂൺ
- വെളുത്തുള്ളി നുറുക്കിയത്-1 ടീസ്പൂൺ
- പെരുംജീരകം-1 ടീസ്പൂൺ
- കറിവേപ്പില - 1 തണ്ട്
- ഉപ്പ് -ആവശ്യത്തിന്
- തേങ്ങാപ്പാൽ-100 മില്ലി
- വെളിച്ചെണ്ണ -2 ടേബ്ൾ സ്പൂൺ
തയാറാക്കുന്ന വിധം:
- പാനിൽ ഒരു ടേബ്ൾ സ്പൂൺ വെളിച്ചെണ്ണ ഒഴിച്ച് ചൂടായാൽ ചെറിയുള്ളി, ഇഞ്ചി, വെളുത്തുള്ളി, മല്ലി, കുരുമുളക്, വറ്റൽമുളക്, പച്ചമുളക്, പെരുംജീരകം എന്നിവ ചേർത്ത് നാലു മിനിറ്റ് വഴറ്റുക.
- അടുപ്പിൽനിന്ന് വാങ്ങുക. തണുത്തതിനുശേഷം മിക്സിയിൽ ഇട്ട് തരുതരുപ്പായി അരക്കുക. അതേ പാനിൽ ഒരു ടേബ്ൾ സ്പൂൺ എണ്ണ ചേർത്ത് അരച്ച മസാല ചേർത്ത് ഇളം ബ്രൗൺനിറം ആവുേമ്പാൾ താറാവിറച്ചി ചേർത്ത് നന്നായി ഉടച്ച് യോജിപ്പിക്കുക.
- തേങ്ങാപ്പാൽ ചേർത്ത് കുറുകുേമ്പാൾ വാങ്ങുക.
- പാലപ്പത്തിനൊപ്പം വിളമ്പാം.
6. കക്കയിറച്ചി കട് ലറ്റ്
ചേരുവകള്:
- കക്കയിറച്ചി -1 കപ്പ്
- സവാള നുറുക്കിയത് -1 ടീസ്പൂൺ
- പച്ചമുളക് നുറുക്കിയത് - ഒരെണ്ണം
- വെളുത്തുള്ളി നുറുക്കിയത് -1 ടീസ്പൂൺ
- ഇഞ്ചി നുറുക്കിയത് -1 ടീസ്പൂൺ
- കറിവേപ്പില -1 തണ്ട്
- ഉരുളക്കിഴങ്ങ് വേവിച്ച് ഉടച്ചത് -2 എണ്ണം
- ഉപ്പ് -ആവശ്യത്തിന്
- മഞ്ഞൾപ്പൊടി-1 നുള്ള്
- ഗരം മസാലപ്പൊടി -1 നുള്ള്
- മല്ലിപ്പൊടി-1 ടീസ്പൂൺ
- പെരുംജീരകപ്പൊടി -1 നുള്ള്
- ഒായിൽ -വറുക്കാൻ ആവശ്യത്തിന്
തയാറാക്കുന്ന വിധം:
- ഒരു ചീനച്ചട്ടിയിൽ രണ്ട് ടേബ്ൾ സ്പൂൺ ഒായിൽ ഒഴിച്ച് ചൂടായാൽ സവാള, ഇഞ്ചി, വെളുത്തുള്ളി, കറിവേപ്പില എന്നിവ ചേർത്ത് വഴറ്റുക.
- ഇതിലേക്ക് കക്കയിറച്ചി, മഞ്ഞൾപ്പൊടി, പെരുംജീരകപ്പൊടി, മല്ലിപ്പൊടി എന്നിവ ചേർത്ത് നന്നായി വഴറ്റുക.
- ഇൗ മസാല മൊരിഞ്ഞുതുടങ്ങിയാൽ കുരുമുളകുപൊടി, ആവശ്യത്തിന് ഉപ്പ് ചേർത്ത് വാങ്ങുക.
- ഉടച്ചുവെച്ച ഉരുളക്കിഴങ്ങിലേക്ക് കക്കയിറച്ചി മസാല ചേർത്ത് യോജിപ്പിക്കുക.
- ഒരു മുട്ട ഉപ്പിട്ട് യോജിപ്പിക്കുക.
- ഉരുളക്കിഴങ്ങ് കക്ക കൂട്ടിൽനിന്ന് ഒാരോ ഉരുളകൾ എടുത്ത് ഇഷ്ടമുള്ള ആകൃതിയിൽ /കട്ലറ്റ് ഷേപ്പർ ഇട്ട് ഷേപ് ചെയ്ത് വെക്കുക.
- കട്ലറ്റ് മുട്ടയിൽ മുക്കി ബ്രഡ് പൊടിയിൽ േറാൾചെയ്ത് ചൂടായ എണ്ണയിൽ ഇട്ട് വറുത്ത് കോരുക. ചൂടോടെ വിളമ്പുക.
7. അരിക്കട്ട കേക്ക്
ചേരുവകള്:
- പൊന്നി അരി -ഒരു കപ്പ്
- തേങ്ങ ചിരകിയത് -ഒരു കപ്പ്
- പഞ്ചസാര -2 ടേബ്ൾ സ്പൂൺ
- ഏലക്കപ്പൊടി-ഒരു ടീസ്പൂൺ
തയാറാക്കുന്ന വിധം:
- ഒരു പാത്രത്തിൽ വെള്ളം തിളപ്പിക്കുക. അതിലേക്ക് അരി ചേർത്ത് വേവിക്കുക.
- ഒരു അരിപ്പാത്രത്തിലേക്ക് മാറ്റി ഉൗറ്റുക.
- ഇതിനെ കൈകൊണ്ട് നന്നായി ഞരടുക. ഒാവൻ പ്രീഹീറ്റ് ചെയ്യുക (160 ഡിഗ്രിയിൽ 10 മിനിറ്റ്).
- ഒരു മൈക്രോവേവ് പാത്രത്തിലേക്ക് ഇത് മാറ്റി 60 ഡിഗ്രി സെൽഷ്യസിൽ 30 മിനിറ്റ് വെക്കുക.
- ശേഷം തേങ്ങ, പഞ്ചസാര, ഏലക്കപ്പൊടി എന്നിവ യോജിപ്പിച്ച് 160 ഡിഗ്രി സെൽഷ്യസിൽ അഞ്ചു മിനിറ്റ് ബേക്ക് ചെയ്തെടുക്കാം.
തയാറാക്കിയത്: നവീന് എം.സി,
എക്സിക്യൂട്ടിവ് ഷെഫ്, കോക്കനട്ട് ലഗൂൺ, കുമരകം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.