Begin typing your search above and press return to search.
proflie-avatar
Login
exit_to_app
exit_to_app
Homechevron_rightHealth & Fitnesschevron_rightFitnesschevron_rightപ്രകൃതിദത്ത...

പ്രകൃതിദത്ത സൗന്ദര്യത്തിന് ഏഴു വഴികള്‍

text_fields
bookmark_border
Beauty Tips
cancel

സൗ​ന്ദ​ര്യത്തിന്‍റെ കാര്യത്തിൽ പ്ര​കൃ​തി​യി​ലേ​ക്ക്​ മ​ട​ങ്ങാ​നു​ള്ള ​​െട്രൻഡാണ് ​ഇപ്പോൾ എവിടെയും. സ്വ​ന്ത​മാ​യി സൗ​ന്ദ​ര്യ​വ​ർ​ധ​ക വ​സ്​​തു​ക്കൾ ഉ​ണ്ടാ​ക്കാ​നു​ള്ള ശ്ര​മ​ങ്ങ​ളും പ​ല​രും ന​ട​ത്തു​ന്നു​ണ്ട്. പ​ക്ഷേ, ച​ർ​മ​ത്തി​ന്​ അ​നു​യോ​ജ്യ​മാ​യ സൗ​ന്ദ​ര്യ​വ​ർ​ധ​ക വ​സ്​​തു​ക്കൾ തി​ര​ഞ്ഞെ​ടു​ക്കു​ന്ന​ത്​ എ​ങ്ങ​നെ​യെ​ന്ന്​ നി​ങ്ങ​ൾ​ക്ക​റി​​യു​മോ? സ്വാ​ഭാ​വി​ക​മാ​യ ഉ​ൽ​പ​ന്ന​ങ്ങ​ൾ സൗ​ന്ദ​ര്യ സം​ര​ക്ഷ​ണ​ത്തി​ന്​ ഉ​പ​യോ​ഗി​ക്കാ​നു​ള്ള പ്ര​വ​ണ​ത​യാ​ണ്​ ഇ​ന്ന്​ കാ​ണു​ന്ന​ത്​. പ​ര​മാ​വ​ധി കൃ​ത്രി​മ രാ​സ​വ​സ്​​​തു​ക്ക​ൾ, ടോ​ക്​​സി​ൻ​സ്, പ്രി​സ​ർ​വേ​റ്റിവ്​​സ്​ എ​ന്നി​വ​യി​ൽ​നി​ന്ന്​ അ​ക​ലം പാ​ലി​ക്കു​ക​യാ​വും സൗ​ന്ദ​ര്യ സം​ര​ക്ഷ​ണ​ത്തി​ന്​ ഉ​ചി​തം.

വീ​ടു​ക​ളി​ൽ​ത​ന്നെ ഒരുക്കാവുന്ന  സൗ​ന്ദ​ര്യ സം​ര​ക്ഷ​ണ​ ഉ​ൽ​പ​ന്ന​ങ്ങ​ൾ ഉ​പ​യോ​ഗി​ക്കു​ന്ന​ത്​ സാ​മ്പ​ത്തി​ക​മാ​യും ലാ​ഭ​ക​ര​മാ​യി​രി​ക്കും. ഇ​ങ്ങനെ വീ​ടു​ക​ളി​ൽ തയാറാക്കാവുന്ന സൗ​ന്ദ​ര്യ​സം​ര​ക്ഷ​ണ​ത്തി​നു​ള്ള മാ​ർ​ഗ​ങ്ങ​ൾ വിവേചനരഹിതമായി ഉ​പ​യോ​ഗി​ക്കു​ന്ന​ത്​ ശ​രി​യാ​ണെ​ന്ന്​ വി​ദ​ഗ്​​ധാ​ഭി​പ്രാ​യ​മി​ല്ല.​ ഉ​പ​യോ​ഗി​ക്കു​ന്ന വ​സ്​​തു​ക്ക​ളെ​ക്കു​റി​ച്ച്​ കൃ​ത്യ​മാ​യ ധാ​ര​ണ​ വേണം. അതി​ല്ലെ​ങ്കി​ൽ ച​ർ​മ​ത്തി​ൽ ത​ടി​പ്പ്, പൊ​ള്ള​ൽ എ​ന്നി​വയെല്ലാം സംഭവിക്കാം. ഇവ ഉ​പ​യോ​ഗി​ക്കു​േ​മ്പാ​ൾ ച​ർ​മ​ത്തി​ന്​ എ​ന്തെ​ല്ലാം മാ​റ്റ​ങ്ങ​ൾ ഉ​ണ്ടാ​വു​മെ​ന്ന​തി​നെ കു​റി​ച്ചും ധാ​ര​ണ​യു​ണ്ടാ​വ​ണം.

apple-cider-vinegar

1. ആ​പ്പി​ൾ സി​ഡ​ർ വി​നഗ​ർ: ച​ർ​മ​സൗ​ന്ദ​ര്യത്തി​നും ആ​രോ​ഗ്യ സം​ര​ക്ഷ​ണ​ത്തി​നും ഉ​പ​യോ​ഗി​ക്കാ​ൻ ക​ഴി​യു​ന്ന ഒ​ന്നാ​ണ് ആ​പ്പി​ൾ സി​ഡ​ർ വി​ന​ഗ​ർ. ച​ർ​മ​ത്തെ ശു​ദ്ധീ​ക​രി​ക്കാ​നും എ​ണ്ണ​മ​യം ഇ​ല്ലാ​താ​ക്കാ​നും പ​രു​ഷ​മാ​യ ച​ർ​മ​ത്തി​ൽ​നി​ന്ന്​ മോ​ച​നം നേ​ടാ​നും ഇ​ത്​ നി​ങ്ങ​ളെ സ​ഹാ​യി​ക്കും. ആ​പ്പി​ൾ സി​ഡ​ർ വി​നഗ​റി​നൊ​പ്പം പ്ര​കൃ​തി​ദ​ത്ത തേ​ൻ, ക​ളി​മ​ണ്ണ്​ അ​ല്ലെ​ങ്കി​ൽ ഗ്രീ​ൻ ടീ ​പൗ​ഡ​ർ എ​ന്നി​വ​യും കൂ​ട്ടി​ച്ചേ​ർ​ത്താ​ൽ മി​ക​ച്ച ഒ​രു ഫേ​സ്​​പാ​ക്ക്​ റെ​ഡി​യാ​കും. പൂ​ർ​ണ​മാ​യും പ്ര​കൃ​ത്യാ​ലു​ള്ള ഒ​രു ഉ​ൽ​പ​ന്ന​മാ​യി​രി​ക്കും ഇ​ത്. ആ​പ്പിൾ സി​ഡ​ർ വി​ന​ഗ​ർ ച​ർ​മ സം​ര​ക്ഷ​ണ​ത്തി​ന്​ മാ​ത്ര​മ​ല്ല മു​ടി​യു​ടെ സം​ര​ക്ഷ​ണ​ത്തി​നാ​യും ഉ​പ​യോ​ഗി​ക്കാം. താ​ര​ൻ ഇ​ല്ലാ​താ​ക്കി മു​ടി​യി​ഴ​ക​​ളെ കൂ​ടു​ത​ൽ മൃ​ദു​വാ​ക്കാ​ൻ ഇ​തി​ന്​ സാ​ധി​ക്കും. എ​ണ്ണ​മ​യ​മു​ള്ള​തും ചു​രു​ണ്ട​തു​മാ​യ മു​ടി​യു​ള്ള​വ​ർ ഇ​ത്​ ഉ​പ​യോ​ഗി​ക്കു​ന്ന​ത്​ ഉ​ചി​ത​മാവും. ദി​വ​സ​വും കു​ളി​ക്കു​ന്ന വെ​ള്ള​ത്തി​ൽ കു​റ​ച്ച്​ ആ​പ്പി​ൾ സി​ഡ​ർ വി​നഗ​ർ ഇ​ടു​ന്ന​ത്​ വി​യ​ർ​പ്പു​നാ​റ്റം ഇ​ല്ലാ​താ​ക്കു​ന്ന​തി​ന്​ ന​ല്ല​താ​ണ്.
 

kattarvazha

2. ക​റ്റാ​ർ​വാ​ഴ: ആ​ഫ്രി​ക്ക​യി​ലാ​ണ്​ ഉ​ത്ഭവ​മെ​ങ്കി​ലും ഇ​ന്ത്യ​ൻ മ​ണ്ണി​ലും എ​ളു​പ്പ​ത്തി​ൽ വ​ള​രു​ന്ന ഒ​ന്നാ​ണ്​ ക​റ്റാ​ർ​വാ​ഴ. പെ​െ​ട്ട​ന്ന്​ ല​ഭി​ക്കു​ന്ന​തും ചെ​ല​വ്​ കു​റ​ഞ്ഞ​തു​മാ​ണിത്.  സൗ​ന്ദ​ര്യം വ​ർ​ധി​പ്പി​ക്കു​ന്ന​തി​നു​ള്ള നി​ര​വ​ധി ഗു​ണ​ങ്ങ​ൾ ക​റ്റാ​ർ​വാ​ഴ​ക്കു​ണ്ട്. ന​ല്ല ആ​ൻ​റി ഒാ​ക്​​സി​ഡ​ൻ​റും ച​ർ​മ​ത്തി​ന്​ ഇൗ​ർ​പ്പം പ്ര​ദാ​നം ചെ​യ്യു​ന്നതുമാണ്​ ക​റ്റാ​ർവാ​ഴ. മു​ഖ​ക്കു​രു, ചൂ​ടു​കു​രു തു​ട​ങ്ങി ച​ർ​മ​ത്തി​ലെ പ​ല പ്ര​ശ്​​ന​ങ്ങ​ൾ​ക്കും ഒ​രു ഉ​ത്ത​മ പ്ര​തി​വി​ധി​യാ​ണി​ത്. മു​റി​വു​ക​ളി​ലും പൊ​ള്ള​ലേ​റ്റ ച​ർ​മ​ത്തിന്‍റെ ഭാ​ഗ​ങ്ങ​ളി​ലും ഇ​ത്​ ഉ​പ​യോ​ഗി​ക്കാം. ച​ർ​മ​ത്തെ കൂ​ടു​ത​ൽ മൃ​ദു​വാ​ക്കാൻ ക​റ്റാ​ർവാ​ഴ സ​ഹാ​യി​ക്കും.
 

Oats

3. ഒാ​ട്​​സ്​: ഒാ​ട്​​സ്​ പോ​ഷ​ക​ങ്ങ​ളു​ടെ ക​ല​വ​റ​യാ​യാ​ണ്​ ക​ണ​ക്കാക്കു​ന്ന​ത്.  എ​ന്നാ​ൽ, ഇ​തി​നു​മ​പ്പു​റം സൗ​ന്ദ​ര്യ​സം​ര​ക്ഷ​ണ​ത്തി​ലും ഒാ​ട്​​സ്​ ഉ​പ​യോ​ഗി​ക്കാ​ൻ സാ​ധി​ക്കും. പ​ല ച​ർ​മ​പ്ര​ശ്​​ന​ങ്ങ​ൾ​ക്കു​മു​ള്ള ഒ​രു ഉ​ത്ത​മ പ്ര​തി​വി​ധി​യാ​ണി​ത്. ഇ​തി​ൽ അ​ട​ങ്ങി​യി​രി​ക്കു​ന്ന ഒ​രു ത​രം കാ​ർ​ബോ​ഹൈ​ഡ്രേ​റ്റു​ക​ൾ വെ​ള്ള​വു​മാ​യി ചേ​ർ​ന്ന്​ ച​ർ​മ​ത്തി​ന്​ സം​ര​ക്ഷ​ണ​മൊ​രു​ക്കു​ന്ന​തി​ൽ മു​ഖ്യ​മാ​യ പ​ങ്കു​വ​ഹി​ക്കു​ന്നു​ണ്ട്​. വി​യ​ർ​പ്പ്​ കു​രു, ചൊ​റി​ച്ചി​ൽ, അ​ല​ർ​ജി എ​ന്നി​വ​യിൽ​നി​ന്ന്​ മോ​ച​നം നേ​ടു​ന്ന​തി​ന്​ ഒാ​ട്​​സ്​ സ​ഹാ​യി​ക്കും.
 

manjal

4. മ​ഞ്ഞ​ൾ: മ​ഞ്ഞ​ൾ ഇ​ന്ത്യ​ൻ ജീ​വ​ിത​ത്തി​ൽ ഒ​ഴി​ച്ചു​കൂ​ടാ​നാ​വാ​ത്ത ഒ​ന്നാ​ണ്. മി​ക​ച്ച ഒ​രു അ​ണു​നാ​ശി​നി കൂ​ടി​യാ​ണി​ത്. പ്ര​കൃ​തി​ദ​ത്ത​മാ​യി ല​ഭി​ക്കു​ന്ന മ​ഞ്ഞ​ൾ നൂ​റു​ശ​ത​മാ​നം സു​ര​ക്ഷി​തവു​മാ​ണ്. മു​ഖ​ക്കു​രു ഇ​ല്ലാ​താ​ക്കാ​നും ച​ർ​മ​ത്തി​ന്​ കൂ​ടു​ത​ൽ തി​ള​ക്കം ന​ൽ​കാ​നും മ​ഞ്ഞ​ൾ ഉ​പ​യോ​ഗി​ക്കാം. മു​ഖ​​െത്ത രോ​മ​വ​ള​ർ​ച്ച ത​ട​യാനും മ​ഞ്ഞ​ളി​ന്​ സാ​ധി​ക്കും. ച​ന്ദ​ന​ത്തിന്‍റെ പൊ​ടി​യും മ​ഞ്ഞ​ളും കൂ​ട്ടി​ച്ചേ​ർ​ത്ത്​ ഫേ​സ്​​പാ​ക്​ ഉ​ണ്ടാ​ക്കാം. ച​ർ​മ​ത്തി​ന്​ കൂ​ടു​ത​ൽ ഇൗ​ർ​പ്പം ല​ഭി​ക്കാ​ൻ മ​ഞ്ഞ​ളി​നൊ​പ്പം പാ​ലോ തേ​നോ ചേ​ർ​ത്ത്​ ഉ​പ​യോ​ഗി​ച്ചാ​ൽ മ​തി​യാ​കും.
 

coconut-oil

5. വെ​ളി​ച്ചെ​ണ്ണ: ച​ർ​മ​ത്തെ​യും മു​ടി​യെ​യും മൃ​ദു​വാ​ക്കു​ന്ന​തി​ൽ മു​ഖ്യ​മാ​യ പ​ങ്കു​വ​ഹി​ക്കു​ന്ന ഒ​ന്നാ​ണ്​ വെ​ളി​ച്ചെ​ണ്ണ. മു​ടി​കൊ​ഴി​ച്ചി​ൽ ത​ട​യു​ന്ന​തി​ന്​ വെ​ളി​ച്ചെ​ണ്ണ​ക്ക്​ പ്ര​ത്യേ​കി​ച്ച്​ ക​ഴി​വു​ക​ളൊ​ന്നു​മി​ല്ല. വെ​ളി​ച്ചെ​ണ്ണ ഉ​പ​യോ​ഗി​ച്ച്​ മ​സാ​ജ്​ ചെ​യ്യു​ന്ന​ത്​ ന​വ​ജാ​ത ശി​ശു​ക്ക​ൾ​ക്ക്​ ഗു​ണ​ക​ര​മാ​ണ്. വ​ര​ണ്ട ച​ർ​മ​ത്തി​നും ചൊ​റി​ച്ചി​ലി​നു​മെ​ല്ലാം ഒ​രു ഉ​ത്ത​മ ഒൗ​ഷ​ധ​മാ​ണ്​ വെ​ളി​ച്ചെ​ണ്ണ. നേ​രി​ട്ട്​ ശ​രീ​ര​ത്തി​ൽ ഉ​പ​യോ​ഗി​ക്കു​ക​യോ കു​ളി​ക്കു​ന്ന വെ​ള്ള​ത്തി​നൊ​പ്പം ഇ​ത്​ ഉ​പ​യോ​ഗി​ക്കു​ക​യോ ചെ​യ്യാം. ശി​ശു​ക്ക​ളു​ടെ ത​ല​യി​ൽ വെ​ളി​ച്ചെ​ണ്ണ ഉ​പ​യോ​ഗി​ക്കു​ന്ന​തും ന​ല്ല​താ​ണ്.
 

henna

6. ഹെ​ന്ന: ഇ​ന്ത്യ​യു​ടെ​യും പ​ശ്ചി​മേ​ഷ്യ​യു​ടെ​യും സം​സ്​​കാ​ര​ത്തി​ൽ ഒ​ഴി​വാ​ക്കാ​ൻ ക​ഴി​യാ​ത്ത ഒ​ന്നാ​ണ്​ ഹെ​ന്ന. ​െമെ​ലാ​ഞ്ചി​യി​ല ഉ​പ​യോ​ഗി​ച്ച്​ നി​ർ​മി​ക്കു​ന്ന ഉ​ൽ​പ​ന്ന​മാ​ണ്​ ഹെ​ന്ന. പൗ​ഡ​റിന്‍റെ രൂ​പ​ത്തി​ലോ പേ​സ്​​റ്റിന്‍റെ രൂ​പ​ത്തി​ലോ ഹെ​ന്ന ല​ഭ്യ​മാ​ണ്. മു​ടി​ക്ക്​ മാ​ർ​ദ​വ​വും സ്വാ​ഭാ​വി​ക​ത​യും തി​ള​ങ്ങു​ന്ന ക​റു​പ്പ്​ നി​റ​വും ല​ഭി​ക്കാ​ൻ ഹെ​ന്ന ഉ​പ​യോ​ഗി​ക്കാം. ഒാ​രോ മു​ടി​യി​ഴ​ക​ളെ​യും പൊ​തി​ഞ്ഞ്​ ബാ​ഷ്​​പീ​ക​ര​ണം ത​ട​യു​ന്ന​തി​നാ​ൽ മു​ടി കൂ​ടു​ത​ൽ ഉ​ണ​ങ്ങി വ​ര​ണ്ടു പോ​കാ​തെ​യും പൊ​ട്ടി​പ്പോ​കാ​തെ​യും സം​ര​ക്ഷി​ക്കാ​ൻ ക​ഴി​യും.
 

argan-oil

7. അ​ർ​ഗ​ൻ എ​ണ്ണ: മൊ​റോ​ക്കോ​യി​ൽ വ​ള​രു​ന്ന ഒ​രു ത​രം സ​സ്യ​ത്തി​ൽ​നി​ന്ന്​ വേ​ർ​തി​രി​ച്ചെ​ടു​ക്കു​ന്ന എ​ണ്ണ​യാ​ണ്​ അ​ർ​ഗ​ൻ ഒാ​യി​ൽ. വി​റ്റ​മി​ൻ- എ, ​വി​റ്റമി​ൻ- ഇ, ​ആ​ൻ​റി​ഒാ​ക്​​സി​ഡ​ൻ​റു​ക​ൾ, ഒ​മേ​ഗ 3 ഫാ​റ്റി ആ​സി​ഡ്​ എ​ന്നി​വ​യെ​ല്ലാം ഇ​വ​യി​ൽ അ​ട​ങ്ങി​യി​രി​ക്കു​ന്നു. മു​ടി​യെ​യും ച​ർ​മ​ത്തെ​യും ബാ​ധി​ക്കു​ന്ന പ​ല പ്ര​ശ്​​ന​ങ്ങ​ൾ​ക്കും പ​രി​ഹാ​രം കാ​ണാ​ൻ ഇ​തി​ന്​ സാ​ധി​ക്കും. മു​ഖ​ക്കു​രു, സ്​​ട്ര​ച്ച്​ മാ​ർ​ക്കു​ക​ൾ എ​ന്നി​വ​യെ​ല്ലാം ഒ​ഴി​വാ​ക്കാ​ൻ അ​ർ​ഗ​ൻ ഒാ​യി​ൽ ഉ​പ​യോ​ഗി​ക്കാം. ഇ​തിന്‍റെ യ​ഥാ​ർ​ഥ അ​ത്ഭു​തം പ്ര​തി​ഫ​ലി​ക്കു​ന്ന​ത്​ മു​ടി​യി​ലാ​ണ്. മു​ടി​യി​ൽ ഉ​പ​യോ​ഗി​ക്കാ​ൻ ക​ഴി​യു​ന്ന ഏ​റ്റ​വും മി​ക​ച്ച ഒ​രു ക​ണ്ടീ​ഷ​ണ​റാ​ണ്​ അ​ർ​ഗ​ൻ എ​ണ്ണ. ചു​ണ്ടി​ലെ വ​ര​ൾ​ച്ച, ന​ഖ​ങ്ങ​ളി​ലെ പൊ​ട്ട​ൽ എ​ന്നി​വ​ക്കും ഇ​ത്​ ഒ​രു ഉ​ത്ത​മ പ്ര​തി​വി​ധി​യാ​ണ്.
വി​റ്റമി​നു​ക​ൾ, മി​ന​റ​ലു​ക​ൾ, അ​നി​മ​ൽ എ​ക്​​​​സ്​​ട്രാ​റ്റു​ക​ൾ തുടങ്ങിയ രാ​സ​വ​സ്​​തു​ക്ക​ൾ​ക്കൊ​പ്പം ​ത്വ​ഗ്​രോ​ഗ വി​ദ​ഗ്​​ധ​ർ സ​സ്യ​ങ്ങ​ളി​ൽ​നി​ന്ന്​ വേ​ർ​തി​രി​ച്ചെ​ടു​ക്കു​ന്ന ഉ​ൽ​പ​ന്ന​ങ്ങ​ളും ഉ​പ​യോ​ഗി​ക്കു​ന്നു​ണ്ട്. ക​രി​മ്പ്, ബാ​ർ​ളി, പാ​ൽ എ​ന്നി​വ​യി​ൽ​നി​ന്ന്​ വേ​ർ​തി​രി​ച്ചെ​ടു​ക്കു​ന്ന പ​ദാ​ർ​ഥ​ങ്ങ​ൾ ഇ​തി​ന്​ ഉ​ദാ​ഹ​ര​ണ​മാ​ണ്​.

ഓയില്‍ ക്ലന്‍സിങ്: ഇത് ശ്രദ്ധിക്കാം
ഇ​ത്ത​രം ഒാ​യി​ലു​ക​ൾ ഉ​പ​യോ​ഗി​ക്കു​ന്ന​തി​നു​മു​മ്പ്​​ മ​റ്റ്​ ഏതെ​ങ്കി​ലും പ​ദാ​ർ​ഥ​വു​മാ​യി ചേ​ർ​ത്ത്​ നേ​ർ​പ്പി​ച്ച്​ വേ​ണം ഉ​പ​യോ​ഗി​ക്കാ​ൻ. 15 മു​ത​ൽ 20 ഡ്രോ​പ്പു​ക​ളി​ൽ കൂ​ടു​ത​ൽ ഉ​പ​യോ​ഗി​ക്ക​രു​ത്. നേ​രി​ട്ട്​ മു​ഖ​ത്ത്​ ഉ​പ​യോ​ഗി​ക്കു​ന്ന​ത്​ ച​ർ​മ​ത്തി​ന്​ ഇ​റി​റ്റേഷ​ൻ ഉ​ണ്ടാ​ക്കു​ന്ന​തി​ന്​ കാ​ര​ണ​മാ​വും. കു​ട്ടി​ക​ളി​ൽ ഇ​ത്ത​രം എ​ണ്ണ ഉ​പ​യോ​ഗി​ക്കു​ന്ന​തി​നു​മു​മ്പ്​​ അ​തി​യാ​യ ശ്ര​ദ്ധ പു​ല​ർ​ത്ത​ണം. 

പെ​പ്പ​ർ​മി​ൻ​റ്​ ഒാ​യി​ൽ, യൂ​ക്കാ​ലി​പ്​​റ്റ്​​സ്​ ഒാ​യി​ൽ, വി​ൻ​റ​ർ​ഗ്രീ​ൻ ഒാ​യി​ൽ എ​ന്നി​വ മൂ​ന്ന്​ വ​യ​സ്സി​ന്​ താ​ഴെ​യു​ള്ള കു​ട്ടി​ക​ളി​ൽ ഉ​പ​യോ​ഗി​ക്ക​രു​ത്. ചി​ല ഒാ​യി​ലു​ക​ൾ സൂ​ര്യ​പ്ര​കാ​ശം ത​ട്ടി​യാ​ൽ രാ​സ​മാ​റ്റം സം​ഭ​വി​ക്കു​ന്ന​താ​യി​രി​ക്കും. ഇ​തും ശ്ര​ദ്ധി​ക്ക​ണം. ​ഒാ​റ​ഞ്ച്, നാ​ര​ങ്ങ ഒാ​യി​ലു​ക​ൾ സൂ​ര്യ​പ്ര​കാ​ശ​ത്തി​ൽ ഉ​പ​യോ​ഗി​ക്ക​രു​ത്. ഇ​ത്ത​രം ഒാ​യി​ലു​ക​ൾ ഉ​പ​യോ​ഗി​ച്ച​തി​ന്​ ശേ​ഷം ച​ർ​മ​ത്തി​ൽ എ​ന്തെ​ങ്കി​ലും പ്ര​ശ്​​ന​ങ്ങ​ൾ ഉ​ണ്ടാ​യാ​ൽ ഉ​ട​ൻ​ത​ന്നെ ത്വ​ഗ്​രോ​ഗ വി​ദ​ഗ്​​ധ​നെ സ​മീ​പി​ക്കു​ക​യാ​ണ്​ ഉ​ചി​തം.

Dr-Sunaina
കടപ്പാട്: ഡോ. സുനൈന ഹമീദ്, കൺസൾട്ടൻറ് ഡെർമറ്റോളജിസ്​റ്റ് & ഈസ്​തെറ്റിക് ഫിസിഷ്യൻ, ബംഗളൂരു.
 

 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:beautybeauty tipscoconut oilmalayalam newsNatural Productshennaargan oilAyurvedic TipsLifestyle News
News Summary - Ayurvedic and Beauty Tips with Natural Products -Lifestyle News
Next Story