വല്‍സന്‍ ഡിക്രൂസിന് സഹായമെത്തുന്നു

കോഴിക്കോട്: ജീവിതകാലം മുഴുവന്‍ കലയുടെ ലോകത്ത്​ നിറഞ്ഞ്​ ഒടുവില്‍ രോഗത്തിന്​ മുന്നില്‍ വലയുന്ന കലാകാരന്​ സഹൃദയരുടെ സഹായഹസ്തം. ദേശീയ അവാര്‍ഡ്​ നേടിയ, 175ഓളം മലയാള സിനിമകള​ുടെ അസി. എഡിറ്ററായി പ്രവര്‍ത്തിച്ച വല്‍സന്‍ ഡിക്രൂസിനായാണ്​ പ്രവാസികളായ സുമന​സ്സുകള്‍​ കൈത്താങ്ങാകുന്നത്​. അബൂദബിയിലും ബഹ്​റൈനിലും ജോലി ചെയ്യുന്ന പ്രവാസികളാണ്​ സഹായത്തുക എത്തിച്ചത്​. ഇതിനകം 20,000 രൂപയാണ്​ ഇവര്‍ പ്രിയ കലാകാരനുവേണ്ടി കൈമാറിയത്​.

കോഴിക്കോട്​  ചേവായൂര്‍ കിഷേ്കാ നഗര്‍ പൊലീസ് കോളനിയിലെ വാടക വീട്ടില്‍, പ്രമേഹം മൂര്‍ച്ഛിച്ച്​ കാല്‍മുറിച്ച്​ കിടപ്പിലാണ്​ വല്‍സന്‍ ഡിക്രൂസ്. മറ്റേ കാലും നീരുവന്ന്​ പ്രയാസപ്പെടുകയാണ്​. കൃത്രിമ കാല്‍ പിടിപ്പിച്ചാല്‍ വല്ലവിധേനയും ജോലിക്ക്​ പോകാന്‍ കഴിയുമെന്ന പ്രതീക്ഷയുണ്ടെങ്കിലും ഇതിന്​  ആവശ്യമായ ഒരു ലക്ഷത്തോളം രൂപ  സ്വരൂപിക്കാന്‍ കഴിയുന്നില്ല.  ഭാര്യയും വിദ്യാര്‍ഥികളായ രണ്ട്​ മക്കളും അടങ്ങുന്നതാണ്​ കുടുംബം. മരുന്നിന് ഓരോ  ആഴ്ചയും 1500 രൂപ വേണം.  കാല്‍ ഫിസിയോതെറപ്പി ചെയ്യാന്‍ പ്രതിമാസം 15000 രൂപ, വീട്ടുവാടക 5000 രൂപയും വേണം. മക്കളുടെ പഠനം, വീട്ടുചെലവ് എന്നിവ ഇതിനുപുറമേ വരും.

ഉള്ളത്​ വിറ്റുപെറുക്കിയും സുമനസ്സുകള്‍ സഹായിച്ചതുമായ തുക കൊണ്ടാണ്​ ഇ​ത്രകാലവും ചികിത്സകള്‍ നടത്തിയത്​. നേരത്തേ, ജോലിക്ക്​  പോയിരുന്ന ഭാര്യ​, ഇദ്ദേഹത്തെ ശുശ്രൂഷിക്കേണ്ടതിനാല്‍ ഇപ്പോള്‍ പോകുന്നില്ല. 17ാം വയസ്സില്‍ ചെന്നൈയിലേക്ക് സിനിമാ മോഹവുമായി വണ്ടികയറിയ വല്‍സന്‍ ഡിക്രൂസ്  എല്‍. ഭൂമിനാഥനോടൊപ്പം ഭരതം, കിരീടം, ഹിസ്ഹൈനസ് അബ്​ദുള്ള, ആകാശദൂത്, തലസ്ഥാനം, കിരീടം, മുന്നേറ്റം, തൃഷ്ണ, സ്ഫോടനം തുടങ്ങിയ സിനിമകളിലാണ്​  പ്രവര്‍ത്തിച്ചത്​.  

എം.ടി. വാസുദേവന്‍ നായര്‍, ഐ.വി. ശശി, സിബി മലയില്‍, ശ്രീകുമാരന്‍ തമ്പി, ഷാജി കൈലാസ് തുടങ്ങിയവരുടെ സിനിമകളിലെല്ലാം പ്രവര്‍ത്തിച്ചു. ആറ് മാസമായി വീട്ടില്‍  കിടപ്പിലാണ്. പരസഹായത്തോടെ മാത്രമേ വീല്‍ചെയറില്‍പോലും ഇരിക്കാന്‍ പറ്റൂ. വല്‍സന്‍ ഡി​ക്രൂസി​ന്‍െറ ദുരിതജീവിതം സംബന്ധിച്ച്​ ‘മാധ്യമം’ വാര്‍ത്ത പ്രസിദ്ധീകരിച്ചിരുന്നു.  വല്‍സന്‍ ഡിക്രൂസിന്‍െറ നമ്പര്‍: 9745497593.