കണ്ണൂർ വിമാനത്താവളം: വാഗ്​ദാനം ഇത്​ നാലാം നാഴിക

കണ്ണൂർ: കണ്ണൂർ വിമാനത്താവളത്തിൽ നിന്ന്​ 2018 സപ്​തംബറിൽ വിമാനം പറക്കുമെന്ന പുതിയ പ്രഖ്യാപനം പ്രതീക്ഷയുടെ നാലാം നാഴികയാണ്​. നിയമസഭാ തെരഞ്ഞെടുപ്പിനെ മുന്നിൽ കണ്ട്​ 2016 ​ഫെബ്രുവരിയിൽ അന്നത്തെ മുഖ്യമന്ത്രി ഉമ്മൻചാണ്ടി വിമാനത്താവള നിർമാണം പാതിവഴിക്ക്​ നിലനിർത്തി പരീക്ഷണ പറക്കൽ നിർവഹിച്ച്​ ‘തെരഞ്ഞെടുപ്പ്​ സ്​റ്റണ്ട്​’ നടത്തിയതി​​െൻറ തുടർച്ചയായി നൽകപ്പെട്ട വാഗ്​ദാനങ്ങളുടെ നാലാം പതിപ്പാണിപ്പോൾ പിണറായി സർക്കാർ പ്രഖ്യാപിച്ചിരിക്കുന്നത്​. വിമാനത്താവള നിർമാണ പുരോഗതി തൊണ്ണൂറ്​ ശതമാനത്തിന്​ മുകളിലെത്തിയി​യെങ്കിലും അനുബന്ധ റോഡ്​ വികസനം എങ്ങുമെത്താതിരുന്നതാണ്​ ഇൗ വാഗ്​ദാന തിരുത്തലുകൾക്ക്​ ഇടയാക്കിയത്​. ഇപ്പോഴും അന്താരാഷ്​​ട്ര വിമാനത്താവളത്തിലേക്കുള്ള മികവോടെ കണ്ണൂരിൽ നിന്നും തലശ്ശേരിയിൽ നിന്നും അനുബന്ധ റോഡുകളുടെ വികസന നടപടി തുടങ്ങിയിട്ടില്ല. 

2016 ഫെബ്രുവരിയിലെ പരീക്ഷണ പറക്കലിന്​ ശേഷം മെയ്​ 25ന്​ അധികാരമേറ്റ മുഖ്യമന്ത്രി പിണറായി വിജയൻ അതിന്​ ശേഷം വിമാനത്താവളം നിർമാണം ത്വരിതപ്പെടുത്താൻ പലതവണ യോഗങ്ങൾ വിളിച്ചിരുന്നു. അപ്പോഴെല്ലാം ഉയർന്ന ആശങ്ക അനുബന്​ധ സജ്ജീകരണങ്ങളുടെ നിർവഹണമാണ്​. 2016 ആഗസ്​റ്റ്​ മൂന്നി​​െൻറ കിയാൽ വിലയിരുത്തൽ റിപ്പോർട്ടിൽ 2017 മാർച്ചിൽ വിമാനത്താവളം യാഥാർഥ്യമാക്കുമെന്ന്​ എഴുതി വെച്ചു. പിന്നീട്​ 2017 ജനുവരിയിലെ വിലയിരുത്തൽ റിപ്പോർട്ടിൽ പറഞ്ഞത്​ ആഗസ്​റ്റിൽ വിമാനം പറക്കുമെന്നായിരുന്നു. ഏറ്റവുമൊടുവിൽ 2017 മെയ്​ അഞ്ചിന്​ കിയാൽ തയ്യാറാക്കിയ വിലയിരുത്തൽ റിപ്പോർട്ടിൽ 2017 സപ്​തംബറിൽ ഒാണ സമ്മാനമായിരിക്കും കണ്ണൂർ വിമാനത്താവളമെന്നാണ്​. ഒാണവും സദ്യയുമൊക്കെ കഴിഞ്ഞ ശേഷമാണിപ്പോൾ വീണ്ടും അടുത്ത വർഷം സപ്​തംബറിലേക്ക്​ വിമാനത്താവളം യാഥാർഥ്യമാക്കുമെന്ന്​ പ്രഖ്യാപിച്ചിരിക്കുന്നത്​.

വസ്​തുതാപരമാണീ തീരുമാനം. കാരണം, അത്രത്തോളം ഇനിയും വിമാനത്താവളത്തി​​െൻറ അനുബന്ധ ജോലികൾ നിർവഹിക്കാനുണ്ട്​. പിണറായി വിജയനെപ്പോലൊരു മുഖ്യമന്ത്രി വെറുതെ പദ്ധതി ഞെക്കിപ്പഴുപ്പിക്കുന്ന പാഴ്​വാഗ്​ദാനം നൽകുകയില്ല എന്നത്​ കൊണ്ടാണ്​ ഒരു വർഷത്തേക്ക്​ കൂടി ഉദ്​ഘാടനം നീട്ടി വാങ്ങിയിരിക്കുന്നത്​. ഇൗ നീട്ടി വെക്കൽ വിമാനത്താവളത്തെ ​ സമ്പൂർണമായി സജ്ജീകരിക്കാനാണെന്ന്​ ഉറപ്പിക്കാം. പക്ഷെ, വിമാനത്താവളത്തിലേക്കുള്ള ദേശീയ നിലവാരമുള്ള റോഡ്​ സംവിധാനവും വിമാന കമ്പനി ജീവനക്കാർക്ക്​ താമസിക്കാനുള്ള ഹോട്ടലുകളും സമീപ നഗരമായ മട്ടന്നൂരി​​െൻറ അടിസ്​ഥാന വികസനവുമെല്ലാം അപ്പോഴേക്കും പൂർത്തീകരിക്കുമോ എന്നതാണ്​ ചോദ്യം. പൂർത്തീകരിക്കണം എന്നും ജനം ആഗ്രഹിക്കുന്നു. 

2016 ആഗസ്​റ്റിലെ വിലയിരുത്തലനുസരിച്ച്​ വിമാനത്താവളത്തി​​െൻറ എയർസൈഡ്​ നിർമാണം 86 ശതമാനമായിരുന്നത്​ ഒരു വർഷത്തിന്​ ശേഷം ഇപ്പോൾ 93 ശതമാനമാണ്​. അതായത്​ ഒരു വർഷത്തിന്​ ശേഷം ഏഴ്​ ശതമാനം പുരോഗതി. സിറ്റി സൈഡ്​ നിർമാണ പുരോഗതി കഴിഞ്ഞ വർഷം 76 ശതമാനമായിരുന്നത്​ ഇപ്പോൾ 85 ശതമാനമേ പൂർത്തീകരിച്ചിട്ടുള്ളു. അനുബന്ധ റോഡ്​ പദ്ധതികളാവ​െട്ട ആവീഷ്​കരിച്ചു വരുന്നതേ ഉള്ളു. അതേസമയം, വിമാനത്താവളം തുടക്കം തന്നെ അന്താരാഷ്​​ട്ര സർവീസോടെ ആയിരിക്കുമെന്ന വലിയ നേട്ടം കണ്ണൂരി​​െൻറ സ്വന്തമായിരിക്കും.