Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightലൈസൻസില്ലാതെ...

ലൈസൻസില്ലാതെ പ്രവർത്തിച്ച ക്വാറിയിൽ പാറയിടിഞ്ഞ്​ വീണ്​ രണ്ടുപേർ മരിച്ചു

text_fields
bookmark_border
parasala
cancel

നെയ്യാറ്റിൻക​​ര: ക്വാറിയിൽ പണിനടക്കുന്നതിനിടെ പാറയടരുകൾ ഇടിഞ്ഞുവീണ്​ എക്​സ്​കവേറ്റർ ഡ്രൈവർ ഉൾപ്പെടെ രണ്ടു​പേർ മരിച്ചു. തമിഴ്​നാട്​ സേലം ധർമപുരി കാമരാജ്പേട്ടൈ തങ്കൻകാട് 4/55 ൽ തങ്കരാജി​​െൻറ മകൻ സതീഷ്​കുമാർ  (29), മരായമുട്ടം മാലകുളങ്ങര ചീനിവിള റോഡരികത്ത് പുത്തൻവീട്ടിൽ യേശുദാസ്^കമലം ദമ്പതികളുടെ മകൻ ബിനുകുമാർ (23) എന്നിവരാണ്​ മരിച്ചത്.  പരിക്കേറ്റ ഏഴു പേരിൽ മൂന്നു പേരെ തിരുവനന്തപുരം മെഡിക്കൽ കോളജ്​ ആശുപത്രിലും നാലുപേരെ നെയ്യാറ്റിൻകര ജനറൽ ആശുപത്രിയിലും പ്രവേശിപ്പിച്ചു.  

മരായമുട്ടം, കോട്ടക്കൽ, ശാസ്​താംപാറ ക്വാറിയിൽ വെള്ളിയാഴ്ച രാവിലെ ഒമ്പതോടെയാണ്​ അപകടമുണ്ടായത്​. ഒരാഴ്ച മുമ്പ് 160 മീറ്റർ ഉയരത്തിൽ പാറ പൊട്ടിച്ചിരുന്നു.  കല്ലി​െൻറ ഒരു ഭാഗം വീണെങ്കിലും കുറച്ചഭാഗം ഇളകിയിരുന്നു.  നിലത്തുകിടന്ന പാറക്കല്ലുകൾ എക്​സ്​കവേറ്റർ ഉപയോഗിച്ച് നീക്കുന്നതിനിടെയാണ്​  ഉയരമുള്ള ക്വാറിയുടെ മുകളിൽനിന്ന്​ അപകടാവ​സ്ഥയിലായ പാറക്കല്ല് അടർന്ന്  എക്​സ്​കവേറ്ററി​​െൻറ മുകളിലും ക്വാറിയിൽ ജോലി ചെയ്തിരുന്നവരുടെ ശരീരത്തിലും വീണത്. മുപ്പതിലേറെ പേർ ജോലി ചെയ്തിരുന്ന ക്വാറിയിൽനിന്ന്​ പാറ വീഴുന്നത്  കണ്ട പലരും ഓടി മാറിയതാണ് ദുരന്തത്തി​െൻറ വ്യാപ്തി കുറച്ചത്.

 കല്ലുകൾ പതിച്ചതോടെ എക്​സ്​കവേറ്റർ പൂർണമായും തകർന്നാണ്​ ൈഡ്രവർ സംഭവ സ്​ഥലത്ത് മരിച്ചത്. അരക്ക് കീഴെയും ശരീരത്തി​െൻറ വിവിധ ഭാഗങ്ങളും പൂർണമായും വികൃതമായനിലയിലായിരുന്നു. ഗുരുതരമായി പര​ിക്കേറ്റ  ബിനുകുമാറിനെ തിരുവനന്തപുരം മെഡിക്കല്‍ കോളജ്​ ആശുപത്രിയിലേക്ക്​ കൊണ്ടുപോകുന്നതിനിടെ വഴി​മധ്യേ മരിച്ചു. കല്ലിനടിയിലും മറ്റും കുടുങ്ങിയവരെ സമീപ വാസികളും ക്വാറിയിലെത്തിയവരും ചേർന്ന് ആദ്യം നെയ്യാറ്റിൻകരയിലെ സർക്കാർ ആശുപത്രിയിലും തിരുവനന്തപുരം മെഡിക്കൽ കോളജ്​ ആശുപത്രിയിലുമായി എത്തിച്ചു. മാരായമുട്ടം സ്വദേശി സുധിൻ (23), വെള്ളറട സ്വദേശി അജി (45), മാലക്കുളങ്ങര സ്വദേശി ബിനിൽകുമാർ (23), വിജിൻ, മുള്ളറവിള സ്വദേശി മോഹൻ, മാരായമുട്ടം സ്വദേശി കുക്കു, അരുവിയോട് സ്വദേശി ജയൻ എന്നിവരാണ്​ പരിക്കേറ്റ്​ മെഡിക്കൽ കോളജ്​ ആശു​പത്രിയിലും നെയ്യാറ്റിൻകര ജനറൽ ആശുപത്രിയിലുമായി ചികിത്സയിലുള്ളത്​. 

നെയ്യാറ്റിൻകര, ചെങ്കൽചൂള, പാറശ്ശാലയിൽനിന്നുമുൾപ്പെടെ ഏഴ് യൂനിറ്റ് ഫയർഫോഴ്സ്​ രക്ഷാപ്രവർത്തനത്തിനെത്തി. നെയ്യാറ്റിൻകര സബ്ഡിവിഷനിലെ മുഴുവൻ പൊലീസ്​ ഉദ്യോഗസ്ഥരും സംഭവ സ്​ഥലത്ത് രക്ഷാപ്രവർത്തനത്തിനെത്തിയിരുന്നു. അപകടം നടന്ന ക്വാറിക്ക്​ ലൈസൻസില്ലായിരുന്നു. സംഭവ സ്ഥലം സന്ദർശിച്ച കലക്​ടർ ക്വാറിയുടെ പ്രവർത്തനം നിർത്തിവെക്കാൻ നിർദേശിച്ചിട്ടുണ്ട്​.  സതീഷി​​െൻറ  മൃതദേഹം നെയ്യാറ്റിന്‍കര ആശുപത്രിയിലും ബിനിലി​​െൻറ  മൃതദേഹം മെഡിക്കല്‍ കോളജിലുമാണ് സൂക്ഷിച്ചിരിക്കുന്നത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:accident deathquarrykerala newsmalayalam news
News Summary - Quarry Accident at Trivandram - Kerala News
Next Story