ഭൂമി വിവാദം: അങ്കമാലി അതിരൂപത ആസ്​ഥാനത്ത്​ വിശ്വാസികളുടെ പ്രതിഷേധം

കൊച്ചി: അങ്കമാലി അതിരൂപതയുടെ ഭൂമി വിവാദത്തിൽ കർദിനാൾ മാർ ആലഞ്ചേരിക്കെതിരെ ഒരു വിഭാഗം വിശ്വാസികൾ പ്രതിഷേധത്തിൽ. പ്രതിഷേധത്തി​​​െൻറ ഭാഗമായി അതിരൂപതാ ആസ്​ഥാനം വിശ്വാസികൾ ഉപരോധിച്ചു. ഭൂമി ഇടപാട്​ വിവാദത്തിലെ കേസ്​ നടത്തിപ്പിന്​ രൂപതയുടെ പണം ഉപയോഗിക്കരുത്​, കർദിനാൾ സ്​ഥാനം ത്യാഗം ​െചയ്യുക തുടങ്ങിയ ആവശ്യങ്ങളുന്നയിച്ചാണ് പ്രതിഷേധം. വായമൂടിക്കെട്ടി പ്ലക്കാർഡുകൾ പിടിച്ചാണ്​ പ്രതിഷേധം നടത്തിയത്​. 

സഭയുടെ സ്വത്ത്​ സ്വകാര്യ സ്വത്താണെന്നും അത്​ കൈകാര്യം ചെയ്യാനുള്ള അധികാരം തനിക്കാണെന്നും മാർ ആലഞ്ചേരി ഹൈകോടതിയെ അറിയിച്ചിരുന്നു. ഭൂമി വിവാദത്തിൽ അന്വേഷണം ആവശ്യപ്പെട്ട്​ ഹൈകോടതിയിൽ നൽകിയ ഹരജിയിൽ വിശദീകരണം നൽകിയതായിരുന്നു ആലഞ്ചേരി.  ഭൂമി കൈമാറ്റം ചെയ്​തപ്പോൾ പണം ലഭിച്ചോ ഇല്ലയോ എന്ന്​ മൂന്നാം കക്ഷി അന്വേഷിക്കേണ്ടതില്ലെന്നായിരുന്നു ആലഞ്ചേരിയു​െട വാദം. എന്നാൽ സഭയുടെ സ്വത്ത്​ ട്രസ്​റ്റി​​​െൻറതാണെന്നും സ്വകാര്യ സ്വത്തല്ലെന്നും ഹരജിക്കാരും വാദിച്ചിരുന്നു.