350 തൊ​ഴി​ലാ​ളി​ക​ളെ​ കു​റി​ച്ച്​ വി​വ​ര​മി​ല്ല: ആഴക്കടലിൽ നാല്​ മൃതദേഹം കണ്ടതായി  മത്സ്യത്തൊഴ​ിലാളി 

മ​ട്ടാ​ഞ്ചേ​രി: ഓ​ഖി ദു​ര​ന്ത​ത്തെ തു​ട​ർ​ന്ന് 30 ബോ​ട്ടു​ക​ളെ​യും 350 തൊ​ഴി​ലാ​ളി​ക​ളെ​യും കു​റി​ച്ച്​ വി​വ​ര​മി​ല്ല. ശ​ക്ത​മാ​യ ചു​ഴ​ലി​ക്കാ​റ്റി​ൽ​പെ​ട്ട് ഉ​ല​യു​ക​യാ​യി​രു​ന്ന ബോ​ട്ടു​ക​ൾ നാ​വി​ക​സേ​ന ഉ​ദ്യോ​ഗ​സ്ഥ​രു​ടെ നി​ർ​ദേ​ശ​ത്തെ തു​ട​ർ​ന്നാ​ണ് ല​ക്ഷ​ദ്വീ​പി​ലെ ക​വ​ര​ത്തി, ആ​ന്ത്രോ​ത്ത്, ക​ൽ​പേ​നി ദ്വീ​പു​ക​ളി​ൽ അ​ടു​ത്ത​തെ​ന്ന് കൊ​ച്ചി​യി​ലെ​ത്തി​യ തൊ​ഴി​ലാ​ളി​ക​ൾ പ​റ​ഞ്ഞു. ചു​ഴ​ലി​ക്കാ​റ്റി​നെ കു​റി​ച്ച്​ അ​റി​യാ​തെ ര​ണ്ടു​മൂ​ന്ന് ദി​വ​സ​മാ​യി മ​ത്സ്യ​ബ​ന്ധ​നം ന​ട​ത്തി​ക്കൊ​ണ്ടി​രി​ക്കെ​യാ​ണ് ശ​ക്ത​മാ​യ കാ​റ്റു​ണ്ടാ​യ​ത്. വീ​ൽ ഹൗ​സി​നും മ​റ്റും ത​ക​രാ​ർ സം​ഭ​വി​ച്ച ബോ​ട്ടു​ക​ൾ നി​ര​വ​ധി​യാ​ണ്. ജി.​പി.​എ​സ് സം​വി​ധാ​ന​വും വ​യ​ർ​ലെ​സ് സം​വി​ധാ​ന​വും ശ​ക്ത​മാ​യ തി​ര​യ​ടി​യി​ൽ ന​ശി​ച്ച​താ​യി തൊ​ഴി​ലാ​ളി​ക​ൾ പ​റ​ഞ്ഞു.  10 എ​ണ്ണം നാ​വി​ക​സേ​ന​യു​ടെ നേ​തൃ​ത്വ​ത്തി​ലാ​ണ് കൊ​ച്ചി​യി​ലെ​ത്തി​ച്ച​ത്.

കേ​ര​ള​ത്തി​ല്‍ നി​ന്ന് 41 പേ​രും ത​മി​ഴ്‌​നാ​ട്ടി​ല്‍ നി​ന്ന് 189 പേ​രും അ​സം സ്വ​ദേ​ശി​ക​ളാ​യ 14 പേ​രും ഒ​റീ​സ​യി​ല്‍ നി​ന്ന് അ​ഞ്ചു പേ​രും ആ​ന്ധ്ര​യി​ല്‍ നി​ന്നു​ള്ള ഒ​രു തൊ​ഴി​ലാ​ളി​യു​മാ​ണ് ബോ​ട്ടി​ലു​ണ്ടാ​യി​രു​ന്ന​ത്.  10 ബോ​ട്ടു​ക​ൾ മു​ങ്ങി​യ​താ​യി ര​ക്ഷ​പ്പെ​െ​ട്ട​ത്തി​യ തൊ​ഴി​ലാ​ളി​ക​ൾ പ​റ​ഞ്ഞു.  
ഈ ​ബോ​ട്ടു​ക​ളെ​ക്കു​റി​ച്ചോ ഇ​തി​ലെ തൊ​ഴി​ലാ​ളി​ക​ൾ​ക്ക് എ​ന്ത് സം​ഭ​വി​ച്ചു​വെ​ന്നോ ഏ​ജ​ൻ​സി​ക​ൾ അ​ന്വേ​ഷി​ക്കു​ന്നി​ല്ലെ​ന്ന് അ​സോ​സി​യേ​ഷ​ൻ ഭാ​ര​വാ​ഹി​ക​ൾ ആ​രോ​പി​ച്ചു. ല​ക്ഷ​ദ്വീ​പി​ൽ​നി​ന്ന്​ ര​ണ്ടു ബോ​ട്ടു​ക​ൾ​കൂ​ടി രാ​ത്രി വൈ​കി​യെ​ത്തു​മെ​ന്ന് ല​ക്ഷ​ദ്വീ​പ് അ​ഡ്മി​നി​സ്ട്രേ​റ്റി​വ് ഒാ​ഫി​സ​ർ രാ​ജീ​വ്​ ര​ഞ്​​ജ​ൻ പ​റ​ഞ്ഞു. 

അതേസമയം, ആ​ഴ​ക്ക​ട​ലി​ൽ മൃ​ത​ദേ​ഹ​ങ്ങ​ൾ ഒ​ഴു​കി​ന​ട​ക്കു​ന്ന കാ​ഴ്ച മ​ന​സ്സ്​ മ​ര​വി​പ്പി​ക്കു​ന്ന​താ​ണെ​ന്ന് ല​ക്ഷ​ദ്വീ​പി​ൽ​നി​ന്ന്​ കൊ​ച്ചി​യി​ലെ​ത്തി​യ എം.​എം. മാ​താ എ​ന്ന മ​ത്സ്യ​ബ​ന്ധ​ന ബോ​ട്ടി​ലെ തൊ​ഴി​ലാ​ളി പു​തി​യ​തു​റ സ്വ​ദേ​ശി പീ​റ്റ​ർ വ​റീ​ത്. 
ക​ൽ​പേ​നി​യി​ൽ​നി​ന്ന്​ കൊ​ച്ചി​യി​ലേ​ക്ക് വ​രു​ന്ന​തി​നി​ടെ ഒ​ഴു​കി​ന​ട​ക്കു​ന്ന നാ​ല് മൃ​ത​ദേ​ഹ​ങ്ങ​ളാ​ണ് ക​ണ്ട​ത്. എ​ല്ലാം അ​ഴു​കി​യ നി​ല​യി​ലാ​യി​രു​ന്നു. പൊ​ക്കി​യെ​ടു​ത്താ​ൽ എ​ല്ലു​ക​ൾ മാ​ത്രം കി​ട്ടു​ന്ന നി​ല​യി​ലാ​യി​രു​ന്ന​തി​നാ​ൽ വേ​ദ​നി​ക്കു​ന്ന മ​ന​സ്സോ​ടെ ഉ​പേ​ക്ഷി​ച്ച്​ മ​ട​ങ്ങേ​ണ്ടി വ​ന്നു​. ചുഴലിക്കാറ്റിനെ കുറിച്ച് മുന്നറിയിപ്പ് ലഭിച്ചിരുന്നെങ്കിൽ തങ്ങളാരും കടലിൽ പോകില്ലായിരുന്നുവെന്നും പീറ്റർ പറഞ്ഞു.