Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഭർത്താവിനൊപ്പം...

ഭർത്താവിനൊപ്പം പോക​ുന്നില്ലെന്ന്​ കോടതിയിൽ പറയാൻ ഭീഷണി ഉണ്ടായിരു​െന്നന്ന്​ ​ശ്രുതി

text_fields
bookmark_border
highcourt
cancel

 

​െകാച്ചി: ഹൈകോടതിയിൽ ഹേബിയസ്​ കോർപസ്​ കേസ്​ വന്ന ശേഷവും ഭർത്താവ്​ അനീസിനൊപ്പം പോകാതിരിക്കാൻ യോഗ കേന്ദ്രം അധികൃതർ തന്നെ നിരന്തരം ഭയപ്പെടുത്തിയിരുന്നെന്ന്​ ശ്രുതി. കോടതിയിൽ ഇക്കാര്യം പറയാനും പ്രേരിപ്പിച്ചുകൊണ്ടിരുന്നു. ആദ്യം​ ഹൈ​കോടതിയിൽ ഹാജരായപ്പോൾ മാതാപിതാക്കൾക്കൊപ്പം പോകണമെന്ന്​ സിംഗിൾ ബെഞ്ച്​ മുമ്പാകെ പറഞ്ഞത്​ ഭയന്ന അവസരത്തിലായിരുന്നെന്ന്​ പിന്നീട്​ മൊഴി നൽകിയതായി ശ്രുതിയെ ഭർത്താവിനൊപ്പം വിട്ട ഡിവിഷൻ ​െബഞ്ചി​​െൻറ ഉത്തരവിൽ പറയുന്നു.

മുത്തച്ഛ​​െൻറ മരണത്തെത്തുടർന്ന്​​ യോഗ കേന്ദ്രത്തിൽനിന്ന്​ കണ്ണൂരിലെ വീട്ടിലെത്തിച്ചതി​​െൻറ പി​െറ്റ ദിവസമാണ്​ കോടതിയിൽ ഹാജരാകേണ്ടിവന്നതെന്നാണ്​ ശ്രുതി ഡിവിഷൻ ബെഞ്ചിന്​ മൊഴി നൽകിയത്​​. ആദ്യത്തെ തീരുമാനം തിരുത്താനുണ്ടായ കാരണം ചേദിച്ചപ്പോഴാണ്​ ഇക്കാര്യം വ്യക്​തമാക്കിയത്​. മുത്തച്ഛ​​െൻറ മരണവും യാത്രയും കൂട​ാതെ, യോഗ കേന്ദ്രത്തിൽനിന്നടക്കമുള്ള ഭീഷണിയുടെ ഭീതിയും ഉണ്ടാക്കിയ മാനസികവും ശാരീരികവുമായ അവസ്​ഥയിലാണ്​ മാതാപിതാക്കൾക്കൊപ്പം പോകണമെന്ന്​ പറഞ്ഞത്​. ഡിവൈ.എസ്​.പിയും ഇക്കാര്യം ആവശ്യപ്പെട്ടിരുന്നു. എന്നാൽ, വീണ്ടും തന്നെ തൃപ്പൂണിത്തുറ ശിവശക്തി യോഗ കേന്ദ്രത്തിലേക്കാണ്​ ​കൊണ്ടുപോയത്​. അനീസുമായി കാണാതിരിക്കൽ മാത്രമല്ല, തിരികെ മതം മാറാനും സമ്മർദവും മർദനവുമുണ്ടായി. നേരിട്ട പീഡനവിവരം ശ്രുതി വ്യക്​തമായി വിവരി​ച്ചെന്ന്​​ വിധിയിൽ പറയുന്നു. ശ്രുതിയെ സിറിയയിലേക്കോ യമനിലേക്കോ കൊണ്ടുപോകും എന്ന തരത്തിൽ നാട്ടിൽ പ്രചരിച്ച പോസ്​റ്റര്‍ തന്നില്‍ ഭയം ജനിപ്പിക്കാന്‍ യോഗ കേന്ദ്രക്കാര്‍ മെനഞ്ഞെടുത്തതാണെന്ന്​ ശ്രുതി മൊഴി നല്‍കിയതായും കോടതി വിധിയില്‍ പറയുന്നു.


മിശ്രവിവാഹങ്ങൾ ദേശീയ താൽപര്യം -ഹൈകോടതി
കൊച്ചി: ജാതിവ്യവസ്ഥയെ നശിപ്പിക്കുന്ന മിശ്രവിവാഹങ്ങള്‍ ദേശീയ താല്‍പര്യമാണെന്ന്​ ഹൈകോടതി. ജാതിവ്യവസ്ഥ രാജ്യത്തി​​െൻറ ശാപമാണെന്ന് സുപ്രീംകോടതി വിധി ഉദ്ധരിച്ച് ഡിവിഷൻ ബെഞ്ച്​ വ്യക്​തമാക്കി. രാജ്യത്തി​​െൻറ ശാപമായ ജാതിവ്യവസ്ഥയെ എത്രയും വേഗം നശിപ്പിച്ചാല്‍ അത്രയും നല്ലതാണെന്ന് സുപ്രീംകോടതി പറയുന്നതെന്ന്​ മിശ്രവിവാഹിതയായ ശ്രുതി എന്ന യുവതിയെ ഭർത്താവിനൊപ്പം വിട്ട ഉത്തരവിൽ കോടതി നിരീക്ഷിച്ചു. 
രാജ്യം നേരിടുന്ന വെല്ലുവിളികള്‍ക്കെതിരെ ഒരുമിച്ചുനില്‍ക്കേണ്ട സമയത്ത് ജാതിവ്യവസ്ഥ രാജ്യത്തെ ഭിന്നിപ്പിക്കുകയാണ്. എന്നാൽ, ജാതിവ്യവസ്​ഥയെ എതിർത്ത്​ മിശ്രവിവാഹിതരാകുന്നവര്‍ അക്രമത്തിനിരയാകുന്ന അവസ്​ഥയാണ്​ നിലവിലുള്ളത്​. ഇത്തരത്തില്‍ അക്രമം അഴിച്ചുവിടുന്നവരെ കര്‍ശനമായി നേരിടണം. സ്വതന്ത്ര ജനാധിപത്യ രാജ്യമായ ഇന്ത്യയില്‍ പ്രായപൂര്‍ത്തിയായ ഒരാള്‍ക്ക് ഇഷ്​ടമുള്ള ആളെ വിവാഹം കഴിക്കാൻ അവകാശമുണ്ട്​. അവരുമായുള്ള ബന്ധം വിടർത്തുകയെന്നതിനപ്പുറം രക്ഷിതാക്കള്‍ക്കുപോലും മറ്റൊരു വഴിയില്ല. ഭീഷണിപ്പെടുത്താനും അക്രമം അഴിച്ചുവിടാനും കഴിയില്ലെന്നും കോടതി വ്യക്​തമാക്കി. പ്രണയം വേലിയും കടമ്പകളും ചാടിയും മതിൽ തുരന്നും ലക്ഷ്യം നേടുമെന്ന അമേരിക്കൻ കവി മയ അഞ്​ജലിയോയുടെ വരികൾ ഉദ്ധരിച്ചാണ്​ ഉത്തരവ്​ തുടങ്ങുന്നത്​.


 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:high courtkerala newssruthimalayalam newsLove Jihad CaseThrippunithura Yoga CenterAyurveda Doctor
News Summary - No Love Jihad; High Court Sent Sruthi with Husband-Kerala News
Next Story