You are here

മന്ത്രി എം.എം. മണിയുടെ അനുകൂലികൾ ഭീഷണിപ്പെടുത്തുന്നു -പൊമ്പിളൈ ഒരുമൈ

02:27 AM
20/05/2017

കോഴിക്കോട്​: ഭൂമിക്കുവേണ്ടി സമരം ചെയ്യുന്നതി​​​െൻറ പേരിൽ മന്ത്രി എം.എം. മണിയുടെ അനുകൂലികൾ കൈയും കാലും വെട്ടുമെന്നു​ പറഞ്ഞ്​ ഭീഷണിപ്പെടുത്തുന്നതായി പൊമ്പിളൈ ഒരുമൈ ഭാരവാഹികൾ. മന്ത്രി മണി  അപമാനിച്ചതും തെറിപറഞ്ഞതും​ പൊമ്പിളൈ ഒരുമൈ പ്രവർത്തകരെ  മാത്രമല്ലെന്നും സംസ്​ഥാനത്തെ മുഴുവൻ സ്​ത്രീകളെയുമാണെന്നും പ്രസിഡൻറ്​ കൗസല്യ തങ്കമണി, സെക്രട്ടറി രാജേശ്വരി, ബ്ലോക്ക്​ പഞ്ചായത്ത്​ അംഗം ഗോമതി എന്നിവർ വാർത്തസമ്മേളനത്തിൽ പറഞ്ഞു. മ​ന്ത്രി മാപ്പുപറയുകയും രാജിവെക്കുകയും വേണമെന്ന ആവശ്യത്തിൽ ഉറച്ചുനിൽക്കുന്നു. ഒാ​രോ തോട്ടം തൊഴിലാളി കുടുംബത്തിനും ഒരേക്കർ ഭൂമി നൽകണമെന്നും മിനിമം കൂലി 600 രൂപയാക്കണമെന്നും ആവശ്യപ്പെട്ട്​ ജൂലൈ ഒമ്പതിന്​ രണ്ടാംഘട്ട സമരം ആരംഭിക്കുമെന്നും അവർ കൂട്ടിച്ചേർത്തു.

ഭൂമി കൈയേറുന്നവർക്ക്​ പതിച്ചുനൽകുന്ന നയമാണല്ലോ ഇപ്പോൾ സർക്കാർ സ്വീകരിക്കുന്നത്​. കമ്പനിയിൽനിന്നും ട്രേഡ്​ യൂനിയനുകളിൽനിന്നും ഭീഷണി നേരിടുന്നതിനാലാണ്​ മന്ത്രിക്കെതിരായ സമരത്തിൽ കൂടുതൽ പേർ പ​െങ്കടുക്കാതിരുന്നത്​. എന്നാൽ, മുഴുവൻ തൊഴിലാളികളുടെയും മാനസിക പിന്തുണ തങ്ങൾക്കുണ്ടായിരുന്നു. നിസ്സഹായരായ തൊഴിലാളികൾ സമരത്തിൽ പ​െങ്കടുത്തില്ലെങ്കിലും അവരുടെ ആവശ്യങ്ങൾക്കായി നേതാക്കൾ സമരരംഗത്തുണ്ടാകുമെന്നും ഭാരവാഹികൾ വ്യക്​തമാക്കി. 

പൊമ്പിളൈ ഒരുമൈയുടെ ഭൂമിക്കുവേണ്ടിയുള്ള സമരങ്ങൾക്ക്​ ആം ആദ്​മി പാർട്ടിയുടെ സർവ പിന്തുണയുമുണ്ടാകുമെന്ന്​ സംസ്​ഥാന കൺവീനർ സി.ആർ. നീലകണ്​ഠൻ പറഞ്ഞു. മൂന്നാറിലെ തോട്ടം ​തൊഴിലാളികൾ അനുഭവിക്കുന്ന പ്രശ്​നങ്ങൾക്ക്​ സമാനമായ വിഷയങ്ങൾ വയനാട്ടിലുമുണ്ടെന്നും അവിടേക്കും സമരം വ്യാപിപ്പിക്കുന്നും അദ്ദേഹം പറഞ്ഞു. ഇൗ മാസം​ 24ന്​ വൈകീട്ട്​ നാലിന്​ കോഴിക്കോട്​ മുതലക്കുളത്ത്​ ആം ആദ്​മി പാർട്ടിയുടെ നയവിശദീകരണ യോഗം നടക്കും.  

COMMENTS