ശിശുപരിചരണത്തിൽ കേരളം രാജ്യത്തിന്​ മാതൃക –മഹാരാഷ്​ട്ര ആരോഗ്യമന്ത്രി

കോഴിക്കോട്​: കേരളത്തി​​െൻറ ആരോഗ്യരംഗം, പ്രത്യേകിച്ച്​ ശിശുപരിചരണം രാജ്യത്തിന്​ മാതൃകയാണെന്ന്​ മഹാരാഷ്​ട്ര ആരോഗ്യമന്ത്രി ഡോ. ദീപക്​ സാവന്ത്​. ശിശുമരണനിരക്ക് കുറച്ച് ആരോഗ്യരംഗത്ത് കേരളം നടത്തുന്ന മുന്നേറ്റങ്ങളെക്കുറിച്ച് പഠിക്കുന്നതി​​ന്​ കോട്ടപ്പറമ്പ്​ സ്​ത്രീകളുടെയും കുട്ടികളുടെയും ആശുപത്രി സന്ദർശിച്ചശേഷം മാധ്യമപ്രവർത്തകരോട്​ സംസാരിക്കുകയായിരുന്നു ശിവസേന നേതാവുകൂടിയായ മന്ത്രി. ശിശുപരിചരണരംഗത്തെ ചിട്ടയായ പ്രവർത്തനങ്ങളും നൂതന പദ്ധതികളുമാണ്​ ശിശുമരണനിരക്ക്​ കുറക്കുന്നതിന്​ സഹായകമാകുന്ന​െതന്ന്​ സന്ദർശനത്തിലൂടെ നേരിട്ട്​ മനസ്സിലാക്കാനായി. 

രോഗീപരിചരണം, ശുചിത്വം എന്നീ കാര്യങ്ങളിലും കേരളത്തിലെ സര്‍ക്കാർ ആശുപത്രികള്‍ വലിയ മികവാണ്​ പുലര്‍ത്തുന്നത്​. ഡോക്​ടർമാർ മുതൽ ശുചീകരണ തൊഴിലാളികൾ വരെയുള്ള ജീവനക്കാർ ഇവിടെ ഒരുടീമായാണ്​ പ്രവർത്തിക്കുന്നത്​. കേരളത്തി​ന്​ നേട്ടങ്ങള്‍ കൈവരിക്കാനായ ആരോഗ്യരംഗത്തെ പദ്ധതികൾ മഹാരാഷ്​ട്രയിലും നടപ്പാക്കും.

ശിശുപരിചരണമടക്കം നടപ്പാക്കുന്ന വിവിധപദ്ധതികളുടെ വിശദാംശങ്ങൾ ഇ^മെയിലാക്കി അയച്ചുതരാൻ ആവശ്യപ്പെട്ടതായും മന്ത്രി കൂട്ടിച്ചേർത്തു. കേരളത്തിലെ സർക്കാർ ആശുപത്രികൾ ഉത്തർപ്രദേശിലെ ആശുപത്രികളെ കണ്ടുപഠിക്കണം എന്നതടക്കമുള്ള യു.പി മുഖ്യമന്ത്രി യോഗി ആദിത്യനാഥി​​െൻറ പ്രസ്​താവന ചൂണ്ടിക്കാട്ടിയ​േപ്പാൾ കേരള​ത്തിലെ മികച്ച മാതൃകകൾ എല്ലാവരും പിന്തുടരുന്നതാണ്​ രാജ്യപുരോഗതിക്ക്​ നല്ലതെന്നായിരുന്നു മന്ത്രിയുടെ മറുപടി.