You are here

തെ​ളി​വെ​ടു​പ്പി​ന് കൊ​ണ്ടു​വ​ന്ന​പ്പോ​ൾ​ പ്രതിക്ക്​ അ​സ​ഭ്യ​വ​ർ​ഷം; കൈ​യേ​റ്റ​ശ്ര​മം

01:19 AM
21/03/2017

കു​ണ്ട​റ: 10 വ​യ​സ്സു​കാ​രി ദു​രൂ​ഹ സാ​ഹ​ച​ര്യ​ത്തി​ൽ മ​രി​ച്ച സം​ഭ​വ​ത്തി​ൽ പ്ര​തി​യാ​യ കു​ട്ടി​യു​ടെ മാ​തൃ​പി​താ​വി​നെ പൊ​ലീ​സ്​ തെ​ളി​വെ​ടു​പ്പി​ന് കൊ​ണ്ടു​വ​ന്നു. തി​ങ്ക​ളാ​ഴ്ച രാ​വി​ലെ 9.30ഓ​ടെ വ​ൻ പൊ​ലീ​സ്​ കാ​വ​ലി​ലാ​ണ്​ പ്ര​തി​യെ എ​ത്തി​ച്ച​ത്. ബാ​ലി​ക​യെ പീ​ഡ​ന​ത്തി​നി​ര​യാ​ക്കി​യ വീ​ട്ടി​ലും പ്ര​തി​യും ഭാ​ര്യ​യും മ​ക​നും മ​രു​മ​ക​ളും താ​മ​സി​ക്കു​ന്ന വീ​ട്ടി​ലും തെ​ളി​വെ​ടു​പ്പ് ന​ട​ത്തി.

പ്ര​തി​യെ കൊ​ണ്ടു​വ​രു​ന്ന വി​വ​ര​മ​റി​ഞ്ഞ് സ്​​ത്രീ​ക​ൾ ഉ​ൾ​പ്പെ​ടെ വ​ൻ ജ​ന​ക്കൂ​ട്ടം പ്ര​ദേ​ശ​ത്ത് ത​ടി​ച്ചു​കൂ​ടി. പ്ര​തി​യെ പൊ​ലീ​സ്​ ജീ​പ്പി​ൽ​നി​ന്നി​റ​ക്കി​യ​പ്പോ​ഴും വീ​ട്ടി​ൽ​നി​ന്ന് ജീ​പ്പി​ലേ​ക്ക് ക​യ​റ്റാ​ൻ തു​ട​ങ്ങി​യ​പ്പോ​ഴും ജ​നം അ​സ​ഭ്യ​വ​ർ​ഷ​വു​മാ​യി അ​ടി​ക്കാ​ൻ പാ​ഞ്ഞ​ടു​ത്തു. പൊ​ലീ​സ്​ ശ​ക്​​ത​മാ​യ വ​ല​യം തീ​ർ​ത്തെ​ങ്കി​ലും പ്ര​തി​ക്ക് ര​ണ്ട് ത​ല്ലു​കി​ട്ടി. അ​ര​മ​ണി​ക്കൂ​ർ​കൊ​ണ്ട് ന​ട​പ​ടി പൂ​ർ​ത്തി​യാ​ക്കി പ്ര​തി​യെ കൊ​ട്ടാ​ര​ക്ക​ര​ക്ക് കൊ​ണ്ടു​പോ​യി വൈ​ദ്യ പ​രി​ശോ​ധ​ന​ക്കു​ശേ​ഷം കോ​ട​തി​യി​ൽ ഹാ​ജ​രാ​ക്കി. ഡി​വൈ.​എ​സ്.​പി ബി. ​കൃ​ഷ്ണ​കു​മാ​ർ, എ​ഴു​കോ​ൺ സി.​ഐ ടി. ​ബി​നു​കു​മാ​ർ, എ​സ്.​ഐ​മാ​രാ​യ അ​നി​ൽ​കു​മാ​ർ, അ​രു​ൺ​ദേ​വ്, ര​വി​കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പ്ര​തി​യെ തെ​ളി​വെ​ടു​പ്പി​ന് എ​ത്തി​ച്ച​ത്. വ​ൻ പൊ​ലീ​സ്​ സം​ഘ​വും സ്​​ഥ​ല​ത്തു​ണ്ടാ​യി​രു​ന്നു.

ക​ഴി​ഞ്ഞ ജ​നു​വ​രി 15നാ​ണ് ബാ​ലി​ക​യെ വീ​ടി​​െൻറ ജ​നാ​ല​ക്ക​മ്പി​യി​ൽ തൂ​ങ്ങി​മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. കേ​സി​ൽ കു​ണ്ട​റ പൊ​ലീ​സ്​ കാ​ര്യ​മാ​യ അ​ന്വേ​ഷ​ണം ന​ട​ത്തി​യി​ല്ല. ബാ​ലി​ക മ​രി​ച്ച് ര​ണ്ടു​മാ​സം തി​ക​യു​ന്ന മാ​ർ​ച്ച് 15ന് ​വി​വി​ധ രാ​ഷ്​​ട്രീ​യ​പാ​ർ​ട്ടി​ക​ൾ പൊ​ലീ​സ്​ സ്​​റ്റേ​ഷ​ൻ ഉ​പ​രോ​ധി​ച്ച് ന​ട​ത്തി​യ സ​മ​ര​ത്തെ തു​ട​ർ​ന്നാ​ണ്​ കേ​സ​ന്വേ​ഷ​ണം ഉൗ​ർ​ജി​ത​മാ​യ​ത്. മാ​താ​വ​ട​ക്കം ഒ​മ്പ​തു​പേ​രെ ക​സ്​​റ്റ​ഡി​യി​ലെ​ടു​ത്ത്​ മൂ​ന്നു​ദി​വ​സം ചോ​ദ്യം ചെ​യ്തി​ട്ടും അ​ന്വേ​ഷ​ണ​വു​മാ​യി സ​ഹ​ക​രി​ച്ചി​ല്ല. തു​ട​ർ​ന്ന് പൊ​ലീ​സ്​ കോ​ട​തി​യി​ൽ നു​ണ​പ​രി​ശോ​ധ​ന​ക്ക് അ​പേ​ക്ഷ ന​ൽ​കു​ക​യും കോ​ട​തി നോ​ട്ടീ​സ്​ അ​യ​ക്കു​ക​യും ചെ​യ്ത​തോ​ടെ പ്ര​തി​യു​ടെ ഭാ​ര്യ​യാ​ണ്​ പീ​ഡ​ന​വി​വ​ര​ങ്ങ​ൾ വെ​ളി​പ്പെ​ടു​ത്തി​യ​ത്. തു​ട​ർ​ന്ന് മാ​താ​വും ചൈ​ൽ​ഡ്​​ലൈ​നി​ലെ കൗ​ൺ​സി​ലി​ങ്ങി​നി​ടെ മ​രി​ച്ച കു​ട്ടി​യു​ടെ സ​ഹോ​ദ​രി​യും സ​മാ​ന മൊ​ഴി ന​ൽ​കു​ക​യാ​യി​രു​ന്നു.

കു​റ്റം സ​മ്മ​തി​ച്ച ശേ​ഷം ‘ഞാ​നൊ​രു പ്ര​തി​യെ നി​ങ്ങ​ൾ​ക്ക് ത​രാം, കേ​സും ഞാ​ൻ വാ​ദി​ച്ചു​കൊ​ള്ളാം, എ​ന്നെ ഒ​ഴി​വാ​ക്കൂ. എ​ത്ര പ​ണം വേ​ണ​മെ​ങ്കി​ലും ചെ​ല​വാ​ക്കാം’ എ​ന്ന് ഉ​ദ്യോ​ഗ​സ്​​ഥ​രെ പ്ര​ലോ​ഭി​പ്പി​ക്കാ​നും ഇ​യാ​ൾ ശ്ര​മി​ച്ച​െ​ത്ര.

COMMENTS