Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightചെഗുവേരയുടെ കൂടുതൽ...

ചെഗുവേരയുടെ കൂടുതൽ ചിത്രങ്ങൾ സ്ഥാപിക്കും - കോടിയേരി

text_fields
bookmark_border
ചെഗുവേരയുടെ കൂടുതൽ ചിത്രങ്ങൾ സ്ഥാപിക്കും - കോടിയേരി
cancel

തിരുവന്തപുരം: ​ ബി.ജെ.പിയുടെ പ്രസ്​താവന വെല്ലുവിളിയായി കാണുന്നുവെന്നും ചെഗുവരേയുടെ കൂടുതൽ ചിത്രങ്ങൾ സ്ഥാപിക്കുമെന്നും  സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ. കമലിനെതിരായ ബി.ജെ.പി പരാമർശം അടിയന്തരാവസ്​ഥയുടെ ശബ്​ദമാണെന്ന്​ അദ്ദേഹം കൂട്ടിച്ചേർത്തു.

വി.എസ്​ വിഷയത്തിലും കോടിയേരി അഭിപ്രായ പ്രകടനം നടത്തി. ഇൗ വിഷയത്തിൽ  കേന്ദ്ര കമ്മിറ്റി തീരുമാനം അംഗീകരിക്കുകയാണ്​ സംസ്​ഥാന കമ്മിറ്റി ചെയ്​തത്​. ഇത്​ എല്ലാ അംഗങ്ങൾക്കും ബാധകമാണ്​. ഇൗ വിഷയത്തിൽ വി.എസിന്​ എന്തെങ്കിലും പറയാനുണ്ടെങ്കിലും സംസ്​ഥാന കമ്മിറ്റിയിൽ പറയാമെന്നും കോടിയേരി പറഞ്ഞു. ​െഎ.എ.എസ്​ പ്രശ്​നത്തെ കുറിച്ചു​ള്ള ചോദ്യത്തിന്​ വ്യക്​തിപരമായ പ്രശ്​നങ്ങളിൽ സർക്കാറിന്​ ഇടപെടേണ്ട സാഹചര്യമില്ലെന്നായിരുന്നു കോടിയേരിയുടെ മറുപടി.

പണം പിൻവലിക്കലിന്​ ബാങ്കുകളിൽ ഏർപ്പെടുത്തിയ നിയന്ത്രണങ്ങൾക്കെതിരെ സി.പി.എം പ്രക്ഷോഭം നടത്തുമെന്ന്​കോടിയേരി  അറിയിച്ചു. നോട്ട്​ പിൻവലിക്കൽ മൂലം വിവിധ ജനവിഭാഗങ്ങൾക്ക്​ ബുദ്ധിമുട്ടുണ്ടായാതായും അദ്ദേഹം പറഞ്ഞു.

നോട്ട്​ പിൻവലിക്കൽ മൂലം പട്ടികജാതി–പട്ടിക വർഗ ജനവിഭാഗങ്ങളുടെ ഭവന പദ്ധതികൾ സ്​തംഭനാവസ്​ഥയിലാണ്​. ഇതിനെതിരെ ഇവരെ സംഘടിപ്പിച്ച്​ സി.പി.എം പ്രക്ഷോഭം നടത്തും. ഫിഷീറിസ്​ മേഖലയിലും സമാനമായ പ്രതിസന്ധിയുണ്ടായിട്ടുണ്ട്​. ഇവരുടെ നേതൃത്ത്വത്തിലും പ്രക്ഷോഭം ഉണ്ടാവുമെന്നും കോടിയേരി അറിയിച്ചു. പെൻഷൻകാരെയും തീരുമാനം ബുദ്ധിമുട്ടിലാക്കി. പെൻഷൻ വാങ്ങാനായി അതിരാവിലെ തന്നെ ക്യൂ നിൽക്കേണ്ട ഗതികേടിലാണ്​ ഇവരെന്നും അദ്ദേഹം കൂട്ടിച്ചേർത്തു.

സഹകരണ ബാങ്കിങ്​ ​മേഖലയിൽ കടുത്ത പ്രതിസന്ധിയാണ്​ നിലനിൽക്കുന്നതെന്നും കോടിയേരി പറഞ്ഞു. സഹകരണ ബാങ്കുകളിലെ നിക്ഷേപം സ്വകാര്യ ബാങ്കുകളിലേക്ക്​ മാറ്റാനുളള ശ്രമമാണ്​ ഇപ്പോൾ നടക്കുന്നതെന്നും കോടിയേരി കുറ്റപ്പെടുത്തി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kodiyeri balakrishnan
News Summary - kodiyeri blakrishnan statement about cheguvera
Next Story