Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമെ​ട്രോ ഉദ്ഘാടനം:...

മെ​ട്രോ ഉദ്ഘാടനം: പ്രധാനമന്ത്രിയെ ഒഴിവാക്കിയത്​ അൽപത്തമെന്ന്​ ബി.ജെ.പി

text_fields
bookmark_border
മെ​ട്രോ ഉദ്ഘാടനം: പ്രധാനമന്ത്രിയെ ഒഴിവാക്കിയത്​ അൽപത്തമെന്ന്​ ബി.ജെ.പി
cancel

തിരുവനന്തപുരം: കൊച്ചി മെട്രോ ഉദ്ഘാടനത്തിനായി പ്രധാനമ​ന്ത്രി നരേന്ദ്രമോദിയുടെ  സൗകര്യം പരിഗണിക്കാതെ തിയതി പ്രഖ്യാപിച്ചത് അനാവശ്യ വിവാദങ്ങൾ ഉണ്ടാക്കാനാണെന്ന് ബി.ജെ.പി. പ്രധാനമന്ത്രിയുടെ സമയം ചോദിക്കാതെ ഉദ്ഘാടനം തീരുമാനിച്ചത് ശരിയായില്ലെന്ന് ബി.ജെ.പി സംസ്ഥാന അധ്യക്ഷൻ കുമ്മനം രാജശേഖൻ പ്രതികരിച്ചു.

ഉദ്​ഘാടനത്തിന്​ പ്രധാനമന്ത്രിയെ ഒഴിവാക്കിയത്​ സി.പി.എമ്മിന്‍റെയും സർക്കാരിന്‍റെയും പിടിവാശിയാണ്. പ്രധാനമന്ത്രിയുടെ പരിപാടികൾ നേരത്തെ നിശ്ചയിക്കുന്നതാണ്. മെയ്​ 29 മുതൽ ജൂൺ മൂന്നു വരെയുള്ള വിദേശ പര്യടനം ഒന്നര മാസം മുമ്പ്​ നിശ്ചയിച്ച  പരിപാടിയാണ്​. പ്രധാനമന്ത്രിയുടെ ഒാഫീസ്​ വിദേശ യാത്രയെക്കുറിച്ച് സംസ്ഥാന സർക്കാരിനെ അറിയിച്ചിരുന്നതാണ്. ജൂൺ അഞ്ചിനും ആറിനും ഒഴിവുണ്ടെന്ന്​  പി.എം ഒാഫീസ്​ അറിയിച്ചതാണെന്നും കുമ്മനം പറഞ്ഞു.

വികസന കാര്യങ്ങളിൽ രാഷ്ട്രീയപരമായ ഏറ്റുമുട്ടലുകൾ ഒഴിവാക്കണമെന്ന് പാർട്ടി സംസ്ഥാന ജനറൽ സെക്രട്ടറി കെ.സുരേന്ദ്രൻ പ്രതികരിച്ചു. പ്രധാനമന്ത്രിയുടെ വിദേശപര്യടന തീയതി ഏപ്രിൽ 19 നുതന്നെ വിദേശകാര്യമന്ത്രാലയം പുറത്തുവിട്ടതാണ്. മെയ് 29 മുതൽ ജൂൺ 3 വരെ പ്രധാനമന്ത്രി ഇന്ത്യയിൽ ഇല്ലെന്നറിഞ്ഞുകൊണ്ട്​ മെട്രോയുടെ ഉദ്ഘാടനം തീരുമാനിച്ച കേരള സർക്കാർ നടപടി അൽപ്പത്തമാണ്. പ്രധാനമന്ത്രിയെ അപമാനിക്കാൻ കരുതിക്കൂട്ടി നടത്തിയ നീക്കമാണിത്​.സർക്കാർ ഇത്തരം വിലകുറഞ്ഞ രാഷ്ട്രീയം  കളിക്കരുത്. ടീം ഇന്ത്യ എന്ന സ്പിരിററിലാണ് കേന്ദ്ര സർക്കാർ പ്രവർത്തിക്കുന്നതെന്നും കെ. സുരേന്ദ്രൻ സാമൂഹ്യമാധ്യമത്തിൽ പോസ്​റ്റ്​ ചെയ്​ത കുറിപ്പിൽ  അഭിപ്രായപ്പെട്ടു.

പ്രധാനമന്ത്രിയുടെ സൗകര്യം നോക്കാതെ തീയതി പ്രഖ്യാപിച്ചത് പ്രതിഷേധാർഹമാണെന്ന് ബി.ജെ.പി നേതാവ്​ എം.ടി.രമേശ്​  പ്രതികരിച്ചു.

കൊച്ചി മെട്രൊയുടെ ഉദ്ഘാടനം ഈ മാസം മുപ്പതിന് ആലുവയിൽ വെച്ച്​ നടക്കുമെന്ന് സഹകരണ ടൂറിസം വകുപ്പ് മന്ത്രി കടംകംപള്ളി സുരേന്ദ്രനാണ്​ അറിയിച്ചത്​.  പ്രധാനമന്ത്രിയുടെ ഒഴിവിനായി അനന്തമായി കാത്തിരിക്കില്ലെന്നും അദ്ദേഹത്തി​​​െൻറ അസാന്നിധ്യത്തിൽ മുഖ്യമന്ത്രി ഉദ്​ഘാടനം നിർവഹിക്കുമെന്നുമാണ്​ മന്ത്രി വ്യക്തമാക്കിയത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Narendra Modikochi metrokummanam rajasekharan
News Summary - Kochi metro inaguration- kerala avoid PM Modi
Next Story