Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightസാമ്പത്തിക...

സാമ്പത്തിക ഉ​പദേഷ്​ടാവി​െൻറ വാദങ്ങളെ തള്ളി മുഖ്യമന്ത്രി

text_fields
bookmark_border
സാമ്പത്തിക ഉ​പദേഷ്​ടാവി​െൻറ വാദങ്ങളെ തള്ളി മുഖ്യമന്ത്രി
cancel

കോഴ​ിക്കോട്​: സാമ്പത്തിക ഉപദേഷ്​ടാവ്​ ഗീത ഗോപിനാഥി​​​​െൻറ വാദങ്ങളെ തള്ളി മുഖ്യമന്ത്രി പിണറായി വിജയൻ. സർക്കാർ ജീവനക്കാർക്ക്​ നൽകുന്ന ശമ്പളവും പെൻഷനും സംസ്​ഥാനത്തിന്​ ബാധ്യതയാവുകയാണെന്നും സ്വകാര്യ മേഖലക്ക്​ കൂടുതൽ പരിഗണന നൽകണമെന്നുമുള്ള ഗീതയുടെ വാദത്തെയാണ്​ അവരുടെ പേര്​ പരാമർശിക്കാതെ മുഖ്യമന്ത്രി പരസ്യമായി എതിർത്തത്​. കള്ള്​ വ്യവസായ ​െതാഴിലാളികൾക്കുള്ള വർധിപ്പിച്ച പെൻഷൻ വിതരണത്തി​​​​െൻറ ഉദ്​ഘാടന വേദിയിലായിരുന്നു പിണറായിയുടെ വിമർശനം. 

ജീവനക്കാർക്ക്​ ​ശമ്പളവും പെൻഷനും നൽകുന്നതിനെതിരെ ചിലർ പരാതിയുമായി രംഗത്തുവന്നിട്ടുണ്ട്​. ഇതൊന്നും ഉൽപാദനപരമല്ല എന്നാണ്​ ഇവരുടെ വാദം. യഥാർഥത്തിൽ മുതലാളിത്ത രീതി സ്വീകരിച്ച്​ അവരുടെ ഭാഷയിൽ സംസാരിക്കുന്നവരാണ്​ ഇങ്ങനെ പരാതി പറയുന്നത് എന്ന്​ നാം മനസ്സിലാക്കണം​ -പിണറായി പറഞ്ഞു. സോഷ്യലിസ്​റ്റ്​ ചേരി വളർന്ന്​ ആളുകളുടെ ജീവിതസാഹചര്യം ഉയർന്നതു കണ്ടപ്പോൾ മുതലാളിത്തംതന്നെ ചില സാമൂഹിക സുരക്ഷ നടപടികൾ കൈക്കൊണ്ടിട്ടുണ്ട്​. മുതലാളിത്തത്തി​​​​െൻറ പറുദീസയായ അമേരിക്കയിൽപോലും നിരവധി സാമൂഹിക സുരക്ഷ പദ്ധതികളു​ണ്ട്​. ഇവയെല്ലാം പരിഷ്​കൃത സമൂഹത്തി​​​​െൻറ ഉത്തരവാദിത്തമാണ്​. ഇതിൽ നിന്നൊന്നും പിന്തിരിയാൻ കഴിയില്ല -​മുഖ്യമന്ത്രി ചൂണ്ടിക്കാട്ടി. 

പെൻഷന്​ അർഹരായവർ അവരുടെ നല്ലകാലം വിവിധ ജോലികളിൽ മുഴുകിയവരാണെന്ന്​ ഒാർക്കണം. വിവിധ ബാങ്കുകൾ കോർപറേറ്റുകളുടെ 85,000 കോടി രൂപയാണ്​ എഴുതിത്തള്ളിയത്​. അതിനെക്കുറിച്ച്​ ഒരക്ഷരം മിണ്ടാത്തവരാണ്​ പാവപ്പെട്ട തൊഴിലാളികൾക്ക്​ നൽകുന്ന പെൻഷൻ  പ്രത്യുൽപാദനപരമല്ല എന്നുപറഞ്ഞ്​ എതിർക്കുന്നത്​. സാമൂഹികക്ഷേമ പെൻഷൻ അർഹമായ തരത്തിൽ നൽകാനുള്ള വിഭവശേഷി നമ്മുടെ നാടിനില്ല എന്ന​ വസ്തുതയും പിണറായി പ്രസംഗത്തിൽ ഒാർമിപ്പിച്ചു. മുഖ്യമന്ത്രി, ധനമന്ത്രി എന്നിവരുമായി ജനുവരിയിൽ നടത്തിയ ഒൗദ്യോഗിക ചർച്ചയിലായിരുന്നു ഗീത ഗോപിനാഥ്​ പെൻഷനുകൾ സംസ്​ഥാന സർക്കാറിന്​ വലിയ ബാധ്യതയാണെന്ന്​ നിലപാടെടുത്തത്​. 
 

ഉത്തരവിലൂടെ ലഹരി ഉപഭോഗം നിർത്താനാവില്ല -മുഖ്യമന്ത്രി
ഉത്തരവിലൂടെ ലഹരി ഉപഭോഗം നിർത്താനാവില്ലെന്ന്​ മുഖ്യമന്ത്രി പിണറായി വിജയൻ. കള്ള്​ വ്യവസായ ​െതാഴിലാളികൾക്കുള്ള വർധിപ്പിച്ച പെൻഷൻ വിതരണത്തി​​​​െൻറ സംസ്​ഥാനതല ഉദ്​ഘാടനം നിർവഹിക്കുകയായിരുന്നു അദ്ദേഹം.

മദ്യശാലകൾ അടച്ചുപൂട്ടി​യതോടെ മയക്കുമരുന്ന്​ ഉപയോഗം വലിയ തോതിലാണ്​ വർധിച്ചത്​. മദ്യമടക്കമുള്ളവയുടെ ഉപഭോഗം കുറക്കുന്നതിന്​ ശാസ്ത്രീയമായ നടപടികളാണ്​​ സർക്കാർ സ്വീകരിക്കുന്നത്​. മദ്യവിൽപനയിലൂടെ ലഭിക്കുന്ന വരുമാനത്തി​​​​െൻറ നിശ്ചിത പങ്ക്​ ബോധവത്​കരണ പ്രവർത്തനങ്ങൾക്ക്​ സർക്കാർ ഉപയോഗിക്കുന്നുണ്ട്​. 
ലഹരി ഏറ്റവും കുറഞ്ഞതും ആരോഗ്യദായകവുമായ ഒന്നാണ്​ കള്ള്​. എന്നാൽ, അതിനെ ചിലർ അമിതലാഭത്തിനുവേണ്ടി അനാരോഗ്യദായകമാക്കി മാറ്റുന്ന സ്​ഥിതിയുണ്ട്​. ഇത്​ അംഗീകരിക്കാൻ കഴിയില്ല. കള്ളു​ചെത്ത്​ തൊഴിലാളികളെ സംരക്ഷിക്കണമെന്നതാണ്​ സർക്കാർ നിലപാട്​. എന്നാൽ, വ്യാജ കള്ളിനെയോ വ്യാജ തൊഴിലാളിയെയോ സംരക്ഷിക്കില്ലെന്നും പിണറായി കൂട്ടിച്ചേർത്തു. 

മന്ത്രി ടി.പി. രാമകൃഷ്​ണൻ അധ്യക്ഷത വഹിച്ചു. മേയർ തോട്ടത്തിൽ രവീന്ദ്രൻ, എ. പ്രദീപ്​കുമാർ എം.എൽ.എ, കള്ള്​ വ്യവസായ തൊഴിലാളി ക്ഷേമനിധി ബോർഡ്​ ചെയർമാൻ കെ.എം. സുധാകരൻ, എൻ. അഴകേശൻ, എ. അലക്​സാണ്ടർ, ടി. കൃഷ്​ണൻ, ടി.എൻ. രമേശൻ, ബേബി കുമാർ, പി.എ. ചന്ദ്രശേഖരൻ, വി.പി. ഭാസ്​കരൻ, വി.കെ. അജിത് ബാബു ്എന്നിവർ സംസാരിച്ചു. 


ടോഡി ബോർഡ്​ ഉടൻ -മന്ത്രി ടി.പി
സംസ്​ഥാനത്ത്​ ടോഡി ബോർഡ്​ ഉടൻ രൂപവത്​കരിക്കുമെന്ന്​ എക്​​സൈസ്​ മന്ത്രി ടി.പി. രാമകൃഷ്​ണൻ. കള്ള്​ വ്യവസായ ​െതാഴിലാളികൾക്കുള്ള വർധിപ്പിച്ച പെൻഷൻ വിതരണത്തി​​​​െൻറ ഉദ്​ഘാടന ചടങ്ങിൽ സംസാരിക്കുകയായിരുന്നു അദ്ദേഹം. ടോഡി ബോർഡുമായി ബന്ധപ്പെട്ട നിയമ നടപടികൾ  പുരോഗമിക്കുകയാണ്​. തൊഴിലാളികൾക്ക്​ ജോലി സംരക്ഷണം, ഷാപ്പുകൾ, ചെത്ത്​ തുടങ്ങി എല്ലാവിദ ഉത്തരവാദിത്തങ്ങളും നിർവഹിക്കുന്ന തരത്തിലാവും ബോർഡ്​ രൂപവത്​കരിക്കുക. കള്ളുചെത്ത്​ വ്യവസായത്തിൽ നോമിനി സ​മ്പ്രദായം ഇല്ലാതാക്കുമെന്നും അദ്ദേഹം പറഞ്ഞു. ചെത്തുതൊഴിലാളികളുടെ കുടുംബ ​െപൻഷന്​ സർക്കാർ അംഗീകാരമായി. സുപ്രീംകോടതി വിധിയെതുടർന്ന്​ പൂട്ടിയ പഞ്ചായത്തുതലത്തിലെ 500ഒാളം ഷാപ്പുകൾ ഇനിയും തുറക്കാനുണ്ട്​. അടച്ചുപൂട്ടിയ ഷാപ്പുകൾ പൂർണമായും തുറക്കണം എന്ന നിലപാടാണ്​ സർക്കാർ സ്വീകരിക്കുകയെന്നും അ​ദ്ദേഹം കൂട്ടിച്ചേർത്തു. 


 


 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newskerala cmtoddy shopmalayalam newsPinarayi Vijayan
News Summary - Kerala CM Pinarayi Vijayan React Toddy Shop -Kerala News
Next Story