ജ്യോതിഷംകൊണ്ട്​ ഒ​േട്ടറെ പ്രയാസമുണ്ടായി -കെ. മുരളീധരൻ

തിരുവനന്തപുരം: ജ്യോതിഷം ശരിയായ രീതിയിൽ അറിയാത്തവരെക്കൊണ്ട്​ തനിക്ക്​ ജീവിതത്തിൽ ഒ​േട്ടറെ പ്രയാസമുണ്ടായെന്ന്​ കെ. മുരളീധരൻ എം.എൽ.എ. ഡ്രൈവിങ്​ പഠിച്ചാൽ അപകടമുണ്ടാവുമെന്ന്​ ഒരാൾ പ്രവചിച്ചതിനാൽ ജീവിതകാലം മുഴുവൻ ഡ്രൈവറെ വെ​േക്കണ്ടിവന്നു. സ്​കൂട്ടർ ഒാടിച്ചുതുടങ്ങിയപ്പോഴും ചില ജ്യോതിഷികൾ വെറുതെ വിട്ടില്ല. അങ്ങനെ അതും ഉപേക്ഷിക്കേണ്ടിവന്നു. പ്രസ്​ക്ലബിൽ​ ജ്യോതിർഗമയ പുരസ്​കാരങ്ങൾ സമ്മാനിക്കുകയായിരുന്നു അദ്ദേഹം.

നല്ല സമയം ​നോക്കിയാണ്​  മന്ത്രിയായി സത്യപ്രതിജ്​ഞ ചെയ്​തത്​. മൂന്നുമാസത്തിനകം മന്ത്രി സ്​ഥാനത്തുനിന്ന്​ ഇറങ്ങേണ്ടിവന്നു. സത്യപ്രതിജ്​ഞ ചൊല്ലിത്തന്ന ഗവർണർ രണ്ടു മാസത്തിനകം മരിക്കുകയും ചെയ്​തു. അതേസമയം, ആരുടെയും മുഖത്തുപോലും നോക്കാതിരുന്ന കുട്ടിക്കാലത്ത്​ ത​​െൻറ മുഖത്തുനോക്കി പിതാവി​​െൻറ പാതയിൽ സഞ്ചരിക്കുമെന്ന്​ ഒരാൾ ​പ്രവചിച്ചിരുന്നു. അത്​ സംഭവിക്കുകയും ചെയ്​തു. സ്വന്തം കാരണം കൊണ്ട്​ രണ്ടു വീഴ്​ചയുണ്ടാകുമെന്ന്​ പിതാവ് കെ. കരുണാകരനോട്​ ജ്യോത്സ്യൻ പറഞ്ഞു. രണ്ടു തവണ പിതാവ്​ തെരഞ്ഞെടുപ്പിൽ തോറ്റു. ടൈഫോയ്​ഡ്​ പിടിച്ചതിനാൽ പ്രചാരണത്തിനു പോകാതെയാണ്​ ഒരു തോൽവി. അമിത ആത്​മവിശ്വാസം മൂലം​ ​േവാട്ടർമാരെ കാണാത്തതുകൊണ്ടാണ്​ രണ്ടാമത്തെ പരാജയം. ഏറ്റവും കൂടുതൽ ചൂഷണം ചെയ്യപ്പെടുന്ന മേഖലയായി ജ്യോതിഷം ഇന്ന്​ മാറി. പണം സമ്പാദിക്കാനുള്ള ആർത്തി കാരണമാണ്​ പലരും പ്രവചനം തേടി പോകുന്നതെന്നും  കെ. മുരളീധരൻ പറഞ്ഞു.  

പ്രതിപക്ഷ നേതാവ്​ രമേശ്​ ചെന്നിത്തലക്കുവേണ്ടി മകൻ റമിത്​ രമേശ്​, ഡോ. പി.ആർ. കൃഷ്​ണകുമാർ, വിജയൻ തോമസ്​, ഇ.എം. നജീബിനുവേണ്ടി മകൻ സമീർ നജീബ്​ എന്നിവർ പുരസ്​കാരങ്ങൾ ഏറ്റുവാങ്ങി. ​െഎ.എസ്​.ആർ.ഒ മുൻ ചെയർമാൻ ജി. മാധവൻ നായർ, ബി. അജയകുമാർ, പി.ആർ.ജി. നായർ, ഡോ. എം.ആർ. തമ്പാൻ, മാറനല്ലൂർ സുധി എന്നിവർ സംസാരിച്ചു.