ജി​​ഷ വ​​ധം: അ​​മീ​​റു​​ൽ ഇ​​സ് ലാ​​​മി​ന് വധശിക്ഷ

െകാ​​ച്ചി: ജി​​ഷ വ​​ധ​​ക്കേ​​സ്​ പ്ര​​തി അ​​മീ​​റു​​ൽ ഇ​​സ് ലാ​​​മി​ന് വധശിക്ഷ. എറണാകുളം പ്രിൻസിപ്പൽ സെഷൻസ്​ ജഡ്​ജി എൻ. അനിൽ കുമാറാണ് ശിക്ഷ വിധിച്ചത്. അപൂർവങ്ങളിൽ അപൂർവ കേസായി പരിഗണിച്ചാണ് പ്രതിക്ക് വധശിക്ഷ നൽകിയത്. കൊ​ല​പാ​ത​കത്തിന് വധശിക്ഷ, ബലാത്സംഗത്തിന് ജീവപര്യന്തം, അ​ന്യാ​യ​മാ​യി ത​ട​ഞ്ഞു​വെ​ക്കലിന് 10 വർഷം, വീ​ട്ടി​ൽ അ​തി​ക്ര​മി​ച്ചു​ ക​ട​ന്നതിന് ഏഴു വർഷം എന്നിങ്ങനെയാണ് ശിക്ഷ വിധിച്ചത്. കൂടാതെ അഞ്ചു ലക്ഷം രൂപ പിഴയും പ്രതി ഒടുക്കണം. അതിക്രൂരമായ കൊലപാതകമാണ് പ്രതി നടത്തിയതെന്ന് കോടതി വിധിന്യായത്തിൽ കോടതി വ്യക്തമാക്കി. പ്രതിയെ വിയ്യൂർ ജയിലിലേക്ക് മാറ്റും.  

ഇ​ന്ത്യ​ൻ ശി​ക്ഷാ​നി​യ​മം 302 (കൊ​ല​പാ​ത​കം), 376 (ബലാത്സംഗം), 376 (എ) (പീഡനത്തിനായി ആയുധം ഉപയോഗിച്ച് സ്വകാര്യ ഭാഗത്ത് പരിക്കേൽപിക്കൽ), 342 (അ​ന്യാ​യ​മാ​യി ത​ട​ഞ്ഞു​വെ​ക്കു​ക), 449 (വീ​ട്ടി​ൽ അ​ത​ി​ക്ര​മി​ച്ചു​ ക​ട​ക്കു​ക) എ​ന്നീ കു​റ്റ​ങ്ങൾ പ്രകാരമാണ് ശിക്ഷ വിധിച്ചത്. കേസിൽ അമീറുൽ ഇസ് ലാം കുറ്റക്കാരനെന്ന് ബുധനാഴ്ച കോടതി കണ്ടെത്തിയിരുന്നു. സ്ത്രീകൾക്കെതിരായ കുറ്റകൃത്യങ്ങൾക്ക് എതിരെ പൊതുവികാരം ഉയർത്താൻ ഈ വിധി ഉപകരിക്കുമെന്ന് കോടതി വിധിന്യായത്തിൽ ചൂണ്ടിക്കാട്ടി. സ്ത്രീകളുടെ അന്തസും ബഹുമാനവും ഭാവിയിൽ ഉയർത്താനാണ് വിധികൊണ്ട് ഉദ്ദേശിക്കുന്നതെന്നും കോടതി പറഞ്ഞു. നഷ്ട പരിഹാരം സംബന്ധിച്ച് അന്തിമ തീരുമാനം ജില്ലാ ലീഗൽ അതോറിറ്റിക്ക് തീരുമാനമെടുക്കാമെന്നും കോടതി നിർദേശിച്ചു.

ജി​ഷ വ​ധ​ക്കേ​സി​ൽ പ്ര​തി​ക്ക്​ വ​ധ​ശി​ക്ഷ വി​ധി​ക്ക​ണ​മെ​ന്ന്​ പ്രോ​സി​ക്യൂ​ഷ​നും കേ​സി​നെ അ​പൂ​ർ​വ​ങ്ങ​ളി​ൽ അ​പൂ​ർ​വ​മാ​യി കാ​ണാ​നാ​വി​ല്ലെ​ന്ന്​ പ്ര​തി​ഭാ​ഗ​വും വ്യാഴാഴ്ച കോടതിയിൽ വാ​ദിച്ചു. താ​ൻ കു​റ്റം ചെ​യ്തി​ട്ടി​ല്ലെ​ന്നും മ​രി​ച്ച​യാ​ളെ അ​റി​യി​ല്ലെ​ന്നും പ്ര​തി അ​മീ​റു​ൽ ഇ​സ്​​ലാം പ​റ​ഞ്ഞു. പ്രാ​യ​മാ​യ മാ​താ​പി​താ​ക്ക​ളും ഭാ​ര്യ​യും ഒ​രു കു​ട്ടി​യു​മു​ണ്ടെ​ന്നും കോടതിയിൽ ബോ​ധി​പ്പി​ച്ച അമീർ, മാ​താ​പി​താ​ക്ക​ളെ കാ​ണ​ണ​മെ​ന്ന്​ അ​ഭ്യ​ർ​ഥി​ച്ചു. 

പു​ന​ര​ന്വേ​ഷ​ണ​ത്തി​ന്​ ഉ​ത്ത​ര​വി​ട​ണ​മെ​ന്ന പ്ര​തി​ഭാ​ഗ​ത്തിന്‍റെ ഹ​ര​ജി പ​രി​ഗ​ണി​ച്ചാ​ണ്​ കഴിഞ്ഞ ദിവസം കോ​ട​തി ന​ട​പ​ടി ആ​രം​ഭി​ച്ച​ത്. ദ്വി​ഭാ​ഷി​യു​ടെ സ​ഹാ​യ​മി​ല്ലാ​തെ​യാ​ണ്​ പ്ര​തി​യെ പൊ​ലീ​സ്​ ചോ​ദ്യം ചെ​യ്​​ത​തെ​ന്നും അ​സ​മീ​സി​ലും ഹി​ന്ദി​യി​ലും ഇ​യാ​ൾ പ​റ​ഞ്ഞ​തൊ​ന്നും പൊ​ലീ​സി​ന്​​ മ​ന​സി​ലാ​യി​ല്ലെ​ന്നും കേ​ന്ദ്ര ഏ​ജ​ൻ​സി​യെ​ കൊ​ണ്ട്​ വീ​ണ്ടും അ​​ന്വേ​ഷി​പ്പി​ക്കാ​ൻ ഉ​ത്ത​ര​വി​ട​ണ​മെ​ന്നു​മാ​യി​രു​ന്നു ഹ​ര​ജി. എ​ന്നാ​ൽ, ശി​ക്ഷ സം​ബ​ന്ധി​ച്ചാ​ണ്​ ഇ​പ്പോ​ൾ വാ​ദ​മെ​ന്ന്​ ഒാ​ർ​മ​പ്പെ​ടു​ത്തി​യ കോ​ട​തി ഹ​ര​ജി ത​ള്ളുകയായിരുന്നു. 

നിയമപഠനം പൂർത്തിയാക്കിയ ജിഷ 2016 ഏപ്രില്‍ 28നാണ് പെരുമ്പാവൂർ കുറുപ്പംപടി വട്ടോളിപ്പടിയിലെ കനാല്‍ബണ്ട് പുറമ്പോക്കിലെ അടച്ചുറപ്പില്ലാത്ത ഒറ്റമുറിവീട്ടിൽ കൊല്ലപ്പെട്ടത്​. ജിഷയുടെ നഖത്തിന്​ അടിയിൽ നിന്ന്​ വേർതിരിച്ചെടുത്ത പ്രതിയുടെ തൊലിയുടെ ഡി.എൻ.എ, ചുരിദാർ ടോപ്പിൽ കണ്ടെത്തിയ ഉമിനിരീൽ നിന്ന്​ വേർതിരിച്ച ഡി.എൻ.എ, ചുരിദാർ സ്ലീവിലെ രക്തക്കറയിൽ നിന്ന്​ വേർതിരിച്ചെടുത്ത ഡി.എൻ.എ, ജിഷയുടെ വീടി​​​ന്‍റെ വാതിൽപടിയിൽ നിന്ന്​ കണ്ടെത്തിയ ഡി.എൻ.എ എന്നിവയിൽ നിന്ന്​ തെളിയുന്നത്​ കുറ്റകൃത്യം നടത്തിയത്​ അമീർ തന്നെയാണെന്നാണ്​. പല്ലും നഖവും ഉപയോഗിച്ച്​ പ്രതിരോധിക്കാൻ ശ്രമിച്ച ജിഷയെ പ്രതി തടഞ്ഞുവെച്ച്​ കൊലപ്പെടുത്തുകയായിരുന്നെന്ന്​ തെളിഞ്ഞതായും കോടതി വിധിന്യായത്തിൽ പറഞ്ഞു. 

വീട്ടിൽ അതിക്രമിച്ചു കടന്നത്​ നല്ല കാര്യത്തിനാണെന്ന്​ തെളിയിക്കാൻ പ്രതി ഭാഗത്തിനായിട്ടില്ല. ഇൗ സാഹചര്യത്തിൽ വീട്ടിൽ അതിക്രമിച്ചു കടന്ന പ്രതി കൊലപാതകവും പീഡനവും നടത്തിയതായി സംശയാതീതമായി തെളിയിക്കപ്പെട്ടതായി വിധിന്യായത്തിൽ പറഞ്ഞു. അതേസമയം, പട്ടികജാതി പീഡന നിരോധന നിയമത്തിലെ മൂന്നു വകുപ്പുകളും ​ഇന്ത്യൻ ശിക്ഷാനിയമത്തിലെ 201 പ്രകാരം തെളിവ്​ നശിപ്പിച്ചെന്ന ആരോപണവും പ്രോസിക്യൂഷന് തെളിയിക്കാനായില്ല. ജിഷ പട്ടികവിഭാഗക്കാരിയാണെന്ന്​​ പ്രതിക്ക്​ അറിയില്ലായിരുന്നുവെന്ന പ്രതിഭാഗത്തി​​​ന്‍റെ വാദം കണക്കിലെടുത്താണ്​ ഇൗ വകുപ്പുകളിൽ കുറ്റമുക്തനാക്കിയത്​. 

ആ​കെ 100 സാ​ക്ഷി​ക​ളെ വി​സ്​​ത​രി​ച്ച പ്രോ​സി​ക്യൂ​ഷ​ൻ 291 രേ​ഖ​ക​ളും 36 തൊ​ണ്ടി​മു​ത​ലും ഹാ​ജ​രാ​ക്കിയിരുന്നു. പ്ര​തി​ഭാ​ഗ​ത്തു​ നി​ന്ന്​ അ​ഞ്ചു​ സാ​ക്ഷി​ക​ളെ വി​സ്​​ത​രി​ക്കു​ക​യും 19​ രേ​ഖ​ക​ൾ ഹാ​ജ​രാ​ക്കു​ക​യും ചെ​യ്​​തു. പ്ര​തി​ക്കെ​തി​രാ​യ തെ​ളി​വു​ക​ൾ കു​റ്റം​ തെ​ളി​യി​ക്കാ​ൻ ക​ഴി​യു​ന്ന​ത​ല്ലെ​ന്നും ഇ​ത്​ പി​ന്നീ​ട്​ ഉ​ണ്ടാ​ക്കി എ​ടു​ത്ത​താ​ണെ​ന്നും മൊ​ഴി​ക​ളി​ലും മ​ര​ണ​സ​മ​യ​ത്തി​ലും വൈ​രു​ധ്യ​മു​ള്ള​താ​യു​മാ​ണ്​ പ്ര​തി​ഭാ​ഗം കോ​ട​തി​ മു​മ്പാ​കെ നി​ര​പ​രാ​ധി​ത്വം തെ​ളി​യി​ക്കാ​നാ​യി ഹാ​ജ​രാ​ക്കി​യ​ത്. 

2016 ഏപ്രില്‍ 28നാണ് കുറുപ്പംപടി വട്ടോളിപ്പടിയിലെ കനാല്‍ബണ്ട് പുറമ്പോക്കിലെ അടച്ചുറപ്പില്ലാത്ത വീട്ടില്‍ ജിഷ കൊല്ലപ്പെട്ടത്. ജിഷയുടെ ലോ കോളജ് സഹപാഠികള്‍ സംശയം തോന്നി അന്വേഷിച്ച് വീട്ടിലെത്തുകയും കൊലപാതക കേസിന്‍റെ അന്വേഷണം കൈകാര്യം ചെയ്തത് സംബന്ധിച്ച ഞെട്ടിക്കുന്ന വിവരങ്ങള്‍ സാമൂഹിക മാധ്യമങ്ങളിലൂടെ പുറത്തുവിടുകയും ചെയ്തപ്പോഴാണ് മാധ്യമങ്ങളും രാഷ്ട്രീയക്കാരും പൊലീസും ഉണര്‍ന്നത്. പോസ്റ്റ്മോര്‍ട്ടത്തിലെ അപാകതയും വിവാദ വിഷയമായി. ഇതോടെ, അന്ന് ഡി.ജി.പിയായിരുന്ന ടി.പി. സെന്‍കുമാര്‍ കൊച്ചിയില്‍ ക്യാമ്പ് ചെയ്ത് വിരമിച്ച ഫോറന്‍സിക് വിദഗ്ധരുമായും മറ്റും ചര്‍ച്ച നടത്തുകയും ചെയ്തു.

ഇതിനിടെ, തെരഞ്ഞെടുപ്പില്‍ ‘ജിഷ എഫക്ട്’ കൂടി പ്രതിഫലിച്ച് സംസ്ഥാനത്തൊട്ടാകെ ഇടതു മുന്നണി വിജയിക്കുകയും പെരുമ്പാവൂരില്‍ ഇടത് സ്ഥാനാര്‍ഥി പരാജയപ്പെടുകയും ചെയ്തു. പുതിയ മന്ത്രിസഭയുടെ ആദ്യ തീരുമാനം അന്വേഷണത്തിന് പുതിയ സംഘത്തെ നിയോഗിക്കുക എന്നതായിരുന്നു. മുൻ അന്വേഷണ സംഘത്തിന്‍റെ നിഗമനത്തിൽ നിന്ന് പുതിയ ക്രൈംബ്രാഞ്ച് സംഘം അന്വേഷണം പുനരാരംഭിച്ചു. കൊല നടന്ന് 49ാം ദിവസമായ ജൂണ്‍ 16നാണ് പെ​രു​മ്പാ​വൂ​രി​ലെ തൊ​ഴി​ലാ​ളി​യായ പ്രതി അ​മീ​റു​ല്‍ ഇ​സ് ലാമിനെ കാഞ്ചീപുരത്തു നിന്ന് അന്വേഷണസംഘം അറസ്​റ്റ്​ ചെയ്തത്. 

അന്വേഷണത്തിന്‍റെ ഭാഗമായി 1500 പേരെ ചോദ്യം ചെയ്യുകയും 30 പേരെ കസ്റ്റഡിയിലെടുക്കുകയും ചെയ്തു. 23 പേരെ ഡി.എന്‍.എ പരിശോധനക്ക് വിധേയമാക്കി. 21 ലക്ഷം ഫോണ്‍കോളുകള്‍ പരിശോധിച്ചു. 5000 വിരലടയാള പരിശോധനയും പ്രത്യേക സംഘം നടത്തിയിട്ടുണ്ട്. പ്രതിയെ അറസ്റ്റ് ചെയ്ത് 93ാം ദിവസമാണ് അന്വേഷണ സംഘം അന്തിമ റിപ്പോര്‍ട്ട് കോടതിയില്‍ സമർപ്പിച്ചത്. 

പ്രോസിക്യൂഷനു വേണ്ടി സ്​പെഷൽ പബ്ലിക്​ ​പ്രോസിക്യൂട്ടർ എൻ.കെ. ഉണ്ണികൃഷ്​ണൻ, അഡീഷനൽ പബ്ലിക്​ പ്രോസിക്യൂട്ടർ പി. രാധാകൃഷ്​ണൻ എന്നിവർ ഹാജരായി.