വാ​ഹ​ന​മോ​ഷ​ണം പി​ടി​ക്കാ​ൻ വ​ല​വീ​ശി; ചു​രു​ള​ഴി​ഞ്ഞ​ത് വ​മ്പ​ൻ കേ​സ്​

മ​ല​പ്പു​റം: കോ​ട​നാ​ട് എ​സ്​​റ്റേ​റ്റ് കൊ​ല​ക്കേ​സി​ലെ പ്ര​തി​ക​ള്‍ വ​ല​യി​ലാ​യ​ത്​ അ​രീ​ക്കോ​ട് കു​നി​യി​ല്‍ സ്വ​ദേ​ശി വാ​ട​ക​ക്ക് കൊ​ടു​ത്ത ഇ​ന്നോ​വ കാ​ര്‍ മോ​ഷ​ണം പോ​യ കേ​സി​​െൻറ അ​ന്വേ​ഷ​ണ​ത്തി​ൽ. കാ​ര്‍ വാ​ട​ക​ക്കെ​ടു​ത്ത​ത് അ​റ​സ്​​റ്റി​ലാ​യ വാ​ലി​ല്ലാ​പ്പു​ഴ സ്വ​ദേ​ശി ജി​തി​ന്‍ ജോ​യി​യാ​ണ്. അ​ട്ട​പ്പാ​ടി പോ​ളി​ടെ​ക്‌​നി​ക്കി​ലെ റാ​ഗി​ങ് കേ​സു​മാ​യി ബ​ന്ധ​പ്പെ​ട്ട് പ​ഠ​നം ഉ​പേ​ക്ഷി​ച്ച​യാ​ളാ​ണ് ജി​തി​ൻ. കാ​ർ തി​രി​ച്ചു​ന​ൽ​കാ​ത്ത​തി​ന് ജി​തി​നെ മ​ല​പ്പു​റം പൊ​ലീ​സ് ചോ​ദ്യം ചെ​യ്ത​പ്പോ​ള്‍ മ​റ്റൊ​രാ​ളു​ടെ പ​ക്ക​ലാ​ണെ​ന്ന് അ​റി​ഞ്ഞു. ഇ​യാ​ളെ​ക്കു​റി​ച്ച​ന്വേ​ഷി​ച്ച​പ്പോ​ഴാ​ണ് സം​ഭ​വ​ങ്ങ​ളു​ടെ ചു​രു​ള​ഴി​യു​ന്ന​ത്. മോ​ഷ​ണം ന​ട​ത്താ​നാ​ണ് കാ​ര്‍ വാ​ട​ക​ക്കെ​ടു​ത്ത​തെ​ന്ന് ഇ​വ​ർ പൊ​ലീ​സി​നോ​ട് പ​റ​ഞ്ഞു.

മൂ​ന്ന്​ കാ​റു​ക​ളി​ലാ​ണ് സം​ഘം സ​ഞ്ച​രി​ച്ച​ത്. ര​ണ്ട്​ കാ​റു​ക​ളി​ല്‍ മ​ല​യാ​ളി​ക​ളും ഒ​ന്നി​ല്‍ ത​മി​ഴ്‌​നാ​ട്ടു​കാ​രു​മാ​യി​രു​ന്നു. ഡ്രൈ​വ​റാ​യി പോ​യ ജി​തി​ന്‍ എ​സ്​​റ്റേ​റ്റി​ൽ മോ​ഷ​ണം ന​ട​ക്കു​മ്പോ​ള്‍ വാ​ഹ​ന​ത്തി​ലാ​യി​രു​ന്നു. ക​വ​ർ​ച്ച വി​വ​ര​ങ്ങ​ൾ ഇ​യാ​ള്‍ അ​റി​ഞ്ഞി​ല്ല. മ​ട​ക്ക​യാ​ത്ര​യി​ൽ ഒ​രു കാ​ര്‍ കോ​യ​മ്പ​ത്തൂ​രി​ലേ​ക്കും ര​ണ്ടെ​ണ്ണം കേ​ര​ള​ത്തി​ലേ​ക്കും പു​റ​പ്പെ​ട്ടു. രാ​ത്രി പ​രി​ശോ​ധ​ന​ക്കി​റ​ങ്ങി​യ ഗു​ഡ​ല്ലൂ​ര്‍ പൊ​ലീ​സ് ജി​തി​ന്‍ ഓ​ടി​ച്ച കാ​ർ പി​ടി​കൂ​ടി ചോ​ദ്യം ചെ​യ്യു​ക​യാ​യി​രു​ന്നു. ജി​തി​ന്‍ ന​ല്‍കി​യ വി​വ​ര​പ്ര​കാ​രം ഗു​ഡ​ല്ലൂ​ർ പൊ​ലീ​സ് മ​ല​പ്പു​റം പൊ​ലീ​സു​മാ​യി ബ​ന്ധ​പ്പെ​ട്ടു.

മോ​ഷ​ണ​മു​ത​ലാ​യ ദി​നോ​സ​ര്‍ പ്ര​തി​മ​യും പ​തി​നാ​യി​രം രൂ​പ​യും ഗു​ഡ​ല്ലൂ​ർ പൊ​ലീ​സി​​ന്​ കൈ​ക്കൂ​ലി ന​ല്‍കി​യാ​ണ​ത്രെ പ്ര​തി​ക​ൾ ര​ക്ഷ​പ്പെ​ട്ട​ത്. വാ​ട​ക​ക്കെ​ടു​ത്ത കാ​ർ ത​ന്നെ​യാ​ണ് ജി​തി​ൻ ഓ​ടി​ച്ച​തെ​ന്ന് ഇ​തി​നി​ടെ ഗു​ഡ​ല്ലൂ​രി​ൽ നി​ന്ന് ല​ഭി​ച്ച  വി​വ​ര​പ്ര​കാ​രം മ​ല​പ്പു​റം പൊ​ലീ​സ് തി​രി​ച്ച​റി​ഞ്ഞു. തു​ട​ർ​ന്നാ​ണ് ഇ​യാ​ളെ ക​സ്​​റ്റ​ഡി​യി​ലെ​ടു​ത്ത​ത്. ത​മി​ഴ്നാ​ട് പൊ​ലീ​സു​മാ​യി നി​ര​ന്ത​രം ബ​ന്ധ​പ്പെ​ട്ടാ​ണ്​ മ​ല​പ്പു​റം എ​സ്.​പി​യു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക സം​ഘം ജി​തി​നെ​യും മ​റ്റ്​ പ്ര​തി​ക​ളെ​യും പി​ടി​കൂ​ടി​യ​ത്. ത​മി​ഴ്‌​നാ​ട്ടു​കാ​രാ​യ പ്ര​തി​ക​ളി​ലൊ​രാ​ള്‍ കോ​ട​നാ​ട് എ​സ്‌​റ്റേ​റ്റി​ലെ മു​ൻ കാ​വ​ല്‍ക്കാ​ര​നാ​ണ്. കേ​സി​ലു​ള്‍പ്പെ​ട്ട ര​ണ്ട്​ മ​ല​യാ​ളി​ക​ൾ വ​ള്ളു​വ​മ്പ്രം കു​ഴ​ൽ​പ​ണ ഇ​ട​പാ​ടി​ല്‍ പി​ടി​യി​ലാ​യ​വ​രാ​ണെ​ന്ന് തി​രി​ച്ച​റി​ഞ്ഞ​തും കൂ​ടു​ത​ൽ അ​ന്വേ​ഷ​ണ​ത്തി​ന് പൊ​ലീ​സി​നെ പ്രേ​രി​പ്പി​ച്ചു.