മുരുകന്‍റെ മരണം: വെൻറിലേറ്ററുകള്‍ ഒഴിവുണ്ടായിരുന്നില്ലെന്ന് മന്ത്രി

പാലക്കാട്: ചികിത്സ ലഭിക്കാതെ മരിച്ച തമിഴ്നാട് സ്വദേശി മുരുകനെ തിരുവനന്തപുരം മെഡിക്കല്‍ കോളജാശുപത്രിയില്‍ പ്രവേശിപ്പിച്ച സമയത്ത് 15 വ​െൻറിലേറ്ററുകള്‍ ഒഴിവുണ്ടായിരുന്നെന്ന് പറയുന്നത് ശരിയല്ലെന്ന് ആരോഗ്യമന്ത്രി കെ.കെ. ശൈലജ. അവിടെ ഉണ്ടായിരുന്നത് സ്​റ്റാൻഡ്​ ബൈ വ​െൻറിലേറ്ററുകളാണ്. നിലവിൽ അവിടെ പ്രവേശിപ്പിച്ചവർക്ക് മാത്രമേ അത് ഉപയോഗിക്കാൻ സാധിക്കൂ. പുതുതായി എത്തുന്നവർക്ക് നൽകുക സാധ്യമല്ല. വിശദമായ റിപ്പോർട്ട് ലഭിച്ചിട്ടില്ല. കിട്ടിയതിന് ശേഷം എന്തെങ്കിലും വീഴ്ചയുണ്ടായിട്ടുണ്ടോ എന്ന കാര്യം പരിശോധിക്കുമെന്നും മന്ത്രി മാധ്യമപ്രവർത്തകരോട് പറഞ്ഞു.