മതേതര-ജനാധിപത്യ ബദലിന് തടസ്സം കേരളത്തിലെ സി.പി.എം -ജി. ദേവരാജന്‍

കൊച്ചി: ഫാഷിസ്​റ്റ്​ രാഷ്​്ട്രീയത്തിനെതിരായി ദേശീയതലത്തില്‍ ജനാധിപത്യ-മതേതര ബദല്‍ രൂപപ്പെടുത്തുന്നതിന് സി.പി.എം കേരള ഘടകം തടസ്സം നില്‍ക്കുകയാണെന്ന് ഫോര്‍വേഡ് ബ്ലോക്ക് ദേശീയ സെക്രട്ടറി ജി. ദേവരാജന്‍. പ്രതിപക്ഷ നേതാവ് രമേശ്‌ ചെന്നിത്തല നയിക്കുന്ന പടയൊരുക്കം ജാഥക്ക്​ തൃപ്പൂണിത്തുറ, പിറവം, പെരുമ്പാവൂര്‍ എന്നിവിടങ്ങളില്‍ നല്‍കിയ സ്വീകരണ യോഗങ്ങളില്‍ സംസാരിക്കുകയായിരുന്നു അദ്ദേഹം. നിയമസഭയില്‍ ഏറ്റവും കൂടുതല്‍ കോടീശ്വരന്മാരായ എം.എല്‍.എമാരുള്ള പാര്‍ട്ടി സി.പി.എം ആണെന്നുള്ളത് ഇവരുടെ പുതിയ വർഗക്കൂറ് വ്യക്തമാക്കുന്നുവെന്നും ദേവരാജന്‍ കൂട്ടിച്ചേര്‍ത്തു.