മകളെ കൊന്ന്​ അച്ഛൻ പൊലീസിൽ കീഴടങ്ങി

പെരുവള്ളൂര്‍: മലപ്പുറം തേഞ്ഞിപ്പലം പൊലീസ്​ സ്​റ്റേഷൻ പരിധിയിലെ പെരുവള്ളൂരിൽ അച്ഛൻ മകളെ കഴുത്തു ഞെരിച്ച്​ കൊലപ്പെടുത്തി. തിരുവനന്തപുരം സ്വദേശി പറങ്കി മാവിൽ ശശിധര​നാണ്​ മകൾ ശാലു (18) വിനെ കൊലപ്പെടുത്തിയത്​. സംഭവത്തിനു ശേഷം ശശിധരൻ തേഞ്ഞിപ്പലം പൊലീസ് സ്റ്റേഷനിൽ കീഴടങ്ങി.

ഇന്ന് പുലര്‍ച്ചയാണ്​ സംഭവം. ശശിക്ക്​ ഭാര്യയെ നേരത്തെ സംശയമുണ്ടായിരുന്നു. മകൾ അമ്മയെ അനുകൂലിച്ച്​ സംസാരിച്ചതാണ്​ കൊലപാതകത്തിന്​ കാരണമെന്ന്​ ഇയാൾ പൊലിസിന്​ മൊഴി നൽകി. സംഭവം നടക്കു​േമ്പാൾ ഭാര്യ സഹോദര​​െൻറ വീട്ടിലായിരുന്നു. 

ശശി അഞ്ചുവർഷമായി പെരുവള്ളൂർ ഹയർസെക്കണ്ടറി സ്​കൂളിന്​ സമീപം വാടക വീട്ടിലാണ്​ താമസം. പെരിന്തല്‍മണ്ണ താഴെക്കോടാണ് ശശിയുടെ ഭാര്യവീട്. പ്ലസ്ടുവിന് ശേഷം പി.എസ്.സി പരിശീലനം നടത്തുകയായിരുന്നു ശാലു.