നടിക്കൊപ്പം ഒൗദ്യോഗിക കാറിൽ യാത്ര: ജയില്‍ ഡി.ഐ.ജിക്കെതിരെ അന്വേഷണം

തിരുവനന്തപുരം: ഔദ്യോഗിക വാഹനത്തില്‍ സീരിയല്‍ നടിയുമായി യാത്ര ചെയ്‌തെന്ന പരാതിയില്‍ ജയില്‍ ഡി.ഐ.ജിക്കെതിരെ അ​േന്വഷണത്തിന്​ ഉത്തരവ്​. ദക്ഷിണമേഖല ജയില്‍ ഡി.ഐ.ജി ബി. പ്രദീപിനെതിരായ പരാതിയിലാണ് ജയില്‍ മേധാവി ആർ. ശ്രീലേഖ  അന്വേഷണത്തിന് ഉത്തരവിട്ടത്. സംഭവത്തെക്കുറിച്ച് അന്വേഷിച്ച് റിപ്പോര്‍ട്ട് സമര്‍പ്പിക്കാന്‍ ജയില്‍ ഐ.ജി എച്ച്​. ഗോപകുമാറിനോടാണ്​ നിർദേശിച്ചിട്ടുള്ളത്​. എത്രയും പെ​​െട്ടന്ന്​ റിപ്പോർട്ട്​ സമർപ്പിക്കണ​മെന്നും ആവശ്യ​പ്പെട്ടിട്ടുണ്ട്​.

കഴിഞ്ഞ മാര്‍ച്ചില്‍ പത്തനംതിട്ട ജില്ലാജയിലില്‍ സംഘടിപ്പിച്ച ജയില്‍ ക്ഷേമദിനാഘോഷ പരിപാടിയില്‍ മുഖ്യാതിഥിയായി പങ്കെടുക്കാനെത്തിയ സീരിയല്‍ നടിയെ തിരുവനന്തപുരത്തു​നിന്ന്​ പത്തനംതിട്ടയിലേക്ക്​ ഔദ്യോഗിക വാഹനത്തില്‍ കൊണ്ടുപോയെന്ന പരാതിയിലാണ് അന്വേഷണം. ഡി.​െഎ.ജി ത​​​െൻറ ഒൗദ്യോഗികപദവിയും വാഹനവും ദുരുപയോഗം ചെയ്യുകയും നടിയുമായി വാഹനത്തിൽ കറങ്ങുകയുമായിരു​െന്നന്ന പരാതിയാണ്​ ജയിൽ വകുപ്പ്​ മേധാവിക്ക്​ ലഭിച്ചത്​. ഇത്​ ചട്ടലംഘനമാണെന്നും ഡി.​െഎ.ജിക്കെതിരെ നടപടി വേണമെന്നും പരാതിയിൽ ആവശ്യപ്പെട്ടിരുന്നു. 

എന്നാൽ ജയില്‍വകുപ്പ്​  സംഘടിപ്പിച്ച പരിപാടിയില്‍ മുഖ്യാതിഥിയായി പങ്കെടുക്കുന്നതിന് സീരിയല്‍ നടിയെ ഔദ്യോഗിക വാഹനത്തില്‍ കൊണ്ടു പോയപ്പോള്‍ നടിയുടെ മാതാപിതാക്കളും ഒപ്പമുണ്ടായിരു​െന്നന്ന്​  ജയില്‍ ഡി.ഐ.ജി ബി. പ്രദീപ് പ്രതികരിച്ചു. മറിച്ചുള്ള ആരോപണങ്ങള്‍ അടിസ്​ഥാന രഹിതമാണെന്നും അദ്ദേഹം കൂട്ടിച്ചേർത്തു.