മദ്യപിച്ച്​ ബസ്​ ഒാടിച്ച ഡ്രൈവറെ അറസ്​റ്റ്​ ചെയ്​തു

വൈത്തിരി: മദ്യപിച്ച് ബസ്​ ഒാടിച്ച ഡ്രൈവറെ പൊലീസ്​ അറസ്​റ്റു ചെയ്​തു. സുൽത്താൻ ബത്തേരി-കോഴിക്കോട് റൂട്ടിലോടുന്ന 'ചൈത്രം' ബസിലെ ഡ്രൈവർ ചുള്ളിയോട് സ്വദേശി സജീഷിനെ (35) ആണ്​ വൈത്തിരി എസ്.ഐ അഷ്റഫിൻറെ നേതൃത്വത്തിൽ പിടികൂടിയത്.

നിറയെ യാത്രക്കാരുമായി പോകുകയായിരുന്ന ബസിലെ ഡ്രൈവർ മദ്യപിച്ചിട്ടുണ്ടെന്ന്​ യാത്രക്കാരാണ്​ പൊലീസിനെ അറിയിച്ചത്​. മദ്യപിച്ച് യാത്രക്കാർക്ക് അപകടമുണ്ടാക്കും വിധം ബസോടിച്ചതിനു ഇയാളുടെ പേരിൽ കേസെടുത്തു. ചുരം ഇറങ്ങേണ്ട ബസ് മറ്റൊരു ഡ്രൈവർ വന്നാണ് യാത്ര തുടർന്നത്.