Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമന്ത്രി മണി...

മന്ത്രി മണി വഴങ്ങുന്നില്ല; ബഹിഷ്​കരണം പ്രഖ്യാപിച്ച സി.പി.​െഎ വെട്ടിൽ

text_fields
bookmark_border
മന്ത്രി മണി വഴങ്ങുന്നില്ല; ബഹിഷ്​കരണം പ്രഖ്യാപിച്ച സി.പി.​െഎ വെട്ടിൽ
cancel

തൊടുപുഴ: ജോയിസ്​ ജോർജ്​ എം.പിയുടെ പട്ടയം റദ്ദാക്കലടക്കം ഇടുക്കിയിലെ മിക്ക ഭൂപ്രശ്​നങ്ങളിലും പ്രതിഛായ കാത്ത സി.പി.​െഎ, മന്ത്രി എം.എം. മണിക്കെതിരെ പ്രഖ്യാപിച്ച ‘ബഹിഷ്​കരണ’ത്തിൽനിന്ന്​ കരകയറാൻ വിഷമിക്കുന്നു. സി.പി.​െഎ പണംപറ്റിയാണ്​ ഇടുക്കി എം.പി ജോയിസ്​ ജോർജി​​െൻറ പട്ടയം റദ്ദാക്കിയതെന്ന മണിയുടെ പ്രസ്​താവനയിൽ പ്രകോപിതരായി ഇനിയങ്ങോട്ട്​ യോജിച്ചു​ പോകാനാകില്ലെന്ന്​ പ്രഖ്യാപിക്കുകയായിരുന്നു സി.പി.​െഎ ജില്ല നേതൃത്വം. ഇതാക​െട്ട സംസ്ഥാന സെക്രട്ടറി കാനം രാജേന്ദ്ര​​െൻറയടക്കം അഭിപ്രായം തേടിയുമായിരുന്നു. എന്നാൽ, പാർട്ടി ജില്ല സെക്രട്ടറി കെ.കെ. ശിവരാമ​​െൻറ ബഹിഷ്​കരണ പ്രസ്​താവന വന്നതിനു​ പിന്നാലെ സി.പി.​െഎ​യെ കൂടുതൽ പരിഹസിച്ച്​ രംഗത്തെത്തുകയാണ്​ മണി ചെയ്​തത്​. 

പട്ടയം റദ്ദാക്കിയത്​ സി.പി.​െഎ പണം പറ്റിയാണെന്ന മന്ത്രി എം.എം. മണിയുടെ ആരോപണം തെളിയിക്കുകയോ അതല്ലെങ്കിൽ പ്രസ്​താവന പിൻവലിച്ച്​ മാപ്പ്​ പറയുകയോ ചെയ്യണമെന്നായിരുന്നു ​സി.പി.​െഎയുടെ ആവശ്യം. രണ്ടിൽ ഒന്നുണ്ടാകുന്നില്ലെങ്കിൽ ജില്ലയിൽ സി.പി.എമ്മുമായി യോജിച്ചു​പോകാൻ കഴിയില്ലെന്നും പ്രഖ്യാപിച്ചു.  കുറിഞ്ഞി ഉദ്യാനത്തി​​െൻറ നിര്‍ദിഷ്​ട മേഖലയിലെ കൈയേറ്റക്കാരെ രക്ഷിക്കുന്നതിനായാണ് ജോയിസിനെ മറയാക്കി എം.എം. മണി ഉറഞ്ഞുതുള്ളുന്നതെന്നും  കൈയേറ്റക്കാരുടെ മിശിഹയായി എം.എം. മണി മാറിക്കഴി​െഞ്ഞന്നും മറ്റും കുറ്റപ്പെടുത്തിയുമാണ്​ ശിവരാമൻ രംഗത്തെത്തിയത്​. കൈയേറ്റക്കാരുടെ മിശിഹ എന്ന സി.പി.​െഎ നൽകിയ സ്ഥാനം സന്തോഷപൂർവം സ്വീകരിക്കുന്നുവെന്നായിരുന്നു ഇതിനോട്​ മന്ത്രി എം.എം. മണിയുടെ പ്രതികരണം. താൻ ജനങ്ങൾക്കിടയിൽ പ്രവർത്തിക്കുന്നവനാണ്​. അതുകൊണ്ടുതന്നെ മാപ്പും പറയില്ല ഒരു കോപ്പും പറയില്ല -മണി തുറന്നടിച്ചു. 

ജില്ലയിൽ മുന്നണി ബന്ധം വേണോ വേണ്ടയോ എന്ന്​ സി.പി.​െഎ തീരുമാനിക്ക​െട്ട. ഞങ്ങളും അത്തരം നിലപാടെടുത്താൽ എന്താകും സ്ഥിതിയെന്ന്​ ആലോചിക്കണമെന്ന വെല്ലുവിളിയും നടത്തി അതിനിടെ മണി. രണ്ടാഴ്​ച പിന്നിട്ടിട്ടും സി.പി.​െഎക്ക്​ വഴങ്ങാൻ മണി കൂട്ടാക്കിയിട്ടില്ല. രണ്ടു​ ദിവസം മുമ്പ്​ സി.പി.​െഎ ജില്ല കൗൺസിൽ ചേർന്ന്​ വിഷയത്തിൽ സി.പി.എം നിലപാട്​ വ്യക്തമാക്കണമെന്ന ആവശ്യം ഉന്നയിച്ചതിനോടും പ്രതികരണമുണ്ടായിട്ടില്ല. എം.പിക്കും മണിയുടെ അഭിപ്രാ​യ​മാണോ എന്ന ചോദ്യത്തോട്​ അദ്ദേഹവും മൗനത്തിൽ. സി.പി.​െഎയെ താറടിച്ച്​ രാഷ്​ട്രീയലാഭമുണ്ടാക്കാൻ മണി ശ്രമിച്ചതായാണ്​ സി.പി.​െഎയുടെ വിലയിരുത്തൽ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:munnarcpiMM Manikerala newsmalayalam news
News Summary - CPI against m.m mani-Kerala news
Next Story