വയനാട്​ ചുരത്തിൽ സ്വകാര്യ ബസ്​ ബ്രേക്ക്​ ഡൗണായി 

താമരശ്ശേരി: വയനാട്​ ചുരത്തിലെ മൂന്നാം വളവിൽ സ്വകാര്യ ബസ്​ ബ്രേക്ക്​ ഡൗണായി. ബസ്​ ബ്രേക്ക്​ ഡൗണായതിനെ തുടർന്ന്​ ഏറെ നേരം ഗതാഗതം തടസപ്പെട്ടു. പിന്നീട്​ താമരശ്ശേരിയിൽ നിന്ന്​ ക്രെയിൻ സ്ഥലത്തെത്തിച്ചാണ്​ ഗതാഗത തടസം നീക്കിയത്​.  മുക്കം പൊലീസും ഫയർഫോഴ്​സും സംഭവ സ്ഥലത്തെത്തി. 

താമരശ്ശേരി ചുരത്തിലെ വലിയ കുഴിയിൽ വീണാണ്​ ബസ്​ ബ്രേക്ക്​ ഡൗണായത്​. ചുരം റോഡിലെ കുഴികൾ പലപ്പോഴും വാഹന യാത്രക്കാർക്ക്​ പ്രശ്​നങ്ങൾ സൃഷ്​ടിക്കാറുണ്ട്​.