കൊമ്പുകോര്‍ത്ത കാട്ടുപോത്തുകള്‍ 50 അടി താഴ്ചയിലേക്ക് വീണ് ചത്തു

ഊട്ടി: കൊമ്പുകോര്‍ത്ത കാട്ടുപോത്തുകള്‍ 50 അടി താഴ്ചയിലുള്ള റോഡിലേക്ക് വീണ് ചത്തു. വനപാലകര്‍ ഇവയെ രക്ഷിക്കാന്‍ ശ്രമം നടത്തിയെങ്കിലും നിഷ്ഫലമായി. താഴെവീണ പോത്തുകളുടെ കൊമ്പുകള്‍ വേര്‍പെടുത്താനാകാത്ത നിലയിലായിരുന്നു. ഊട്ടി-കൂനൂര്‍ ദേശീയപാതയില്‍ രാജ്കുമാര്‍ നഗറിലാണ് സംഭവം.

മയങ്ങാനുള്ള മരുന്ന് കുത്തിവെച്ചാണ് വനപാലകര്‍ രക്ഷാപ്രവര്‍ത്തനം നടത്തിയത്. എന്നാല്‍, രക്ഷപ്പെടുത്താന്‍ കഴിയാത്തതിനെതുടര്‍ന്ന് കൊമ്പുകള്‍ വെട്ടിമാറ്റി പോത്തുകളെ വേര്‍പെടുത്തുകയായിരുന്നു. അതേസമയം, മയങ്ങാന്‍ കുത്തിവെച്ച മരുന്നിന്‍െറ അളവ് കൂടിയതാണ് രണ്ടു പോത്തും ചാകാന്‍ കാരണമായതെന്ന ആക്ഷേപം ഉയര്‍ന്നു.