Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഭൂമി കൈയേറിയെന്ന...

ഭൂമി കൈയേറിയെന്ന ആരോപണം കെട്ടിച്ചമച്ചതെന്ന്​ തോമസ്​ ചാണ്ടി 

text_fields
bookmark_border
ഭൂമി കൈയേറിയെന്ന ആരോപണം കെട്ടിച്ചമച്ചതെന്ന്​ തോമസ്​ ചാണ്ടി 
cancel

കൊച്ചി: കായല്‍ കൈയേറിയെന്ന ആരോപണം വീണ്ടും നിഷേധിച്ച് മന്ത്രി തോമസ് ചാണ്ടി. ലേക് പാലസ് റിസോർട്ട് നിർമാണത്തിന് മാർത്താണ്ഡം കായൽ കൈയേറിയിട്ടില്ല. മണ്ണിട്ട്​ നികത്തിയത് കരഭൂമി മാത്രമാണ്. ആലപ്പുഴ കലക്ടർ നൽകിയ റിപ്പോർട്ട് ഏകപക്ഷീയമാണ്. ത​​​െൻറയോ സ്ഥാപനത്തി​​െൻറയോ വാദങ്ങള്‍ കേള്‍ക്കാതെയാണ് കലക്ടര്‍ റിപ്പോര്‍ട്ട് നല്‍കിയതെന്നും കൊച്ചിയിലെ വീട്ടിൽ നടത്തിയ വാർത്തസമ്മേളനത്തിൽ മന്ത്രി വ്യക്തമാക്കി.

മൂന്ന് ഏക്കര്‍ 10 സ​​െൻറ് സ്ഥലമാണ്​ തനിക്കുള്ളത്. ഒരേക്കറില്‍ മാത്രമേ നിര്‍മാണം നടത്തിയിട്ടുള്ളൂ. പാടശേഖര കമ്മിറ്റിയിൽനിന്നാണ് കരഭൂമിയുടെ തീറാധാരമുള്ള വസ്​തു വാങ്ങിയത്. ഒരു സ​​െൻറ് ഭൂമി പോലും കൈയേറിയെന്ന് തെളിയിക്കാൻ ആർക്കും കഴിയില്ല. നിലനിൽക്കാത്ത ആരോപണങ്ങളുടെ പേരിൽ രാജിവെക്കാനില്ല. തനിക്കെതിരെ ഗൂഢാലോചന നടന്നിട്ടുണ്ട്. എന്നാൽ, ഇത്​ പാര്‍ട്ടിയിലോ മുന്നണിയിലോ അല്ല. ഗൂഢാലോചനക്കാരെ കോടതിയില്‍ വെളിപ്പെടുത്തും.

ആരോപിക്കപ്പെടുന്ന സ്ഥലത്ത് നടപ്പാത കാണിച്ചു തന്നാല്‍ മണ്ണ്​ മാറ്റിനല്‍കാന്‍ ഒരുക്കമാണ്. അവിടെ മണ്ണിട്ടില്ലായിരുന്നെങ്കില്‍ ചാല്‍ രൂപപ്പെടുമായിരുന്നു. ഇത്തരം നിസ്സാര ആരോപണങ്ങളുടെ പേരില്‍ രാജിവെക്കേണ്ട കാര്യമില്ല. 110 മീറ്റര്‍ സ്ഥലത്ത്​ മണ്ണിട്ടതാണ് പ്രശ്‌നമായിരിക്കുന്നത്. കുഴിയായിരുന്ന സ്ഥലത്ത്​ മണ്ണിട്ടതാണോ കുഴപ്പം. മണ്ണിട്ടശേഷം അവിടെ പോയിട്ടില്ല. മണ്ണിട്ട്​ നികത്തിയെന്ന കാര്യം സമ്മതിക്കുന്നു. വിനോദസഞ്ചാരികൾക്കും പ്രദേശവാസികൾക്കും നടക്കാൻ സഹായകമാകുമെന്ന് കരുതിയാണ് അത് ചെയ്തത്. 

ആരോപണവിധേയമായ ഭൂമിയുമായി ബന്ധപ്പെട്ട ഫയലുകള്‍ കാണാതായതിനെക്കുറിച്ചുള്ള ചോദ്യത്തിന്​ കോണ്‍ഗ്രസ് ഭരിക്കുന്ന നഗരസഭയിലെ ഫയലുകള്‍ സൂക്ഷിക്കേണ്ട ചുമതല തനിക്കില്ലെന്നായിരുന്നു മന്ത്രിയുടെ പ്രതികരണം. കെ.പി.സി.സി പ്രസിഡൻറിന് മറ്റൊരു പണിയും ഇല്ലാത്തതിനാലാണ് ത​​​െൻറ രാജി ആവശ്യപ്പെടുന്നത്. ഇക്കാര്യത്തിൽ മുഖ്യമന്ത്രി വിളിക്കുകയോ സംസാരിക്കുകയോ ചെയ്തിട്ടില്ല. ഇതില്‍ കഴമ്പില്ലെന്ന് അദ്ദേഹത്തിന് വ്യക്തമായറിയാം. അതേസമയം, അനധികൃത കെട്ടിട നിർമാണവുമായി ബന്ധപ്പെട്ട വിഷയങ്ങളിൽ പ്രതികരിക്കാനില്ലെന്നും മ​ന്ത്രി പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsthomas chandyland encroachmentmalayalam newslake palace resort
News Summary - Allegation Denied by Thomas Chandy - Kerala News
Next Story