അസം നടിയുടെ ആത്​മഹത്യ ഭർത്താവിലുള്ള അവിശ്വാസം മൂലമെന്ന്​ പിതാവ്​

ഗുവഹാതി: അസം നടിയും ഗായികയുമായ ബിദിഷ ബെസ്ബാറുഹ്​ ആത്​മഹത്യക്ക്​ തൊട്ടു മുൻപ്​ വിവാഹമോചനത്തിന്​ വേണ്ട നടപടികൾ ഏർപ്പാടാക്കാൻ പിതാവിനോട്​ ആവശ്യ​െപ്പട്ടിരുന്നെന്ന്​ റിപ്പോർട്ട്​. ഭർത്താവിനോടുള്ള സ്​നേഹവും വിശ്വാസവും നഷ്​ടപ്പെട്ടുവെന്നും വിവാഹമോചനം വേണമെന്നും ആവശ്യപ്പെട്ട്​ പിതാവിന്​ ബിദിഷ വാട്​സ്​ ആപ്പ്​ സന്ദേശം അയച്ചിരുന്നു. ഭർത്താവിന്​ മറ്റൊരു ബന്ധമുണ്ടെന്ന സംശയമാണ്​ മരണത്തിലേക്ക്​ നയിച്ചതെന്ന്​ ബിദിഷയുടെ പിതാവ്​ പറയുന്നു. 

ഗുജറാത്ത് സ്വദേശിയായ നിഷീത് ഝായാണ്​ ബിദിഷ ബെസ്ബാറുഹി​​​​െൻറ ഭർത്താവ്​.  ഒരു വർഷം മുമ്പാണ് വിവാഹം നടന്നത്. പ്രണയ വിവാഹമായിരുന്നു ഇവരുടേത്​. മുംബൈയിൽ താമസമായിരുന്ന ഇവർ ജൂണിലാണ്​ ഗുഡ്​ഗാവി​ലെ സുഷാന്ത്​ അപ്പാർട്ട്​മ​​​െൻറിലേക്ക്​ താമസം മാറ്റിയത്​. 

12 ദിവസമായി വിവിധ കാരണങ്ങൾ പറഞ്ഞ്​ നിഷീത്​ ഗുഡ്​ഗാവിലേക്ക്​ വരാതെ മുംബൈയിൽ തന്നെ തങ്ങുകയായിരുന്നെന്ന്​ ബിദിഷയുടെ പിതാവ്​ അശ്വിനി ബെസ്​ബാറുഹ്​ പറഞ്ഞു. ഇത്​ മൂലം മകൾ വളരെ ദുഃഖിതയായിരുന്നുവെന്നും അദ്ദേഹം പറഞ്ഞു. വിവാഹമോചനത്തിന്​ ശ്രമിക്കണമെന്ന്​ ആവശ്യപ്പെട്ട്​ ബിദിഷ തനിക്ക്​ വാട്​സ്​ ആപ്പ്​ സന്ദേശം അയച്ചിരുന്നു. എന്നാൽ ബന്ധം വിച്ഛേദിക്കാതിരിക്കാൻ ഒന്നുകൂടെ ശ്രമിക്കാൻ താൻ പറഞ്ഞു. എന്നാൽ തനിക്ക്​ ഭർത്താവിലുള്ള സ്​നേഹവും വിശ്വാസവും നഷ്​ടമായെന്നും വിവാഹമോചനം വേണമെന്നും ബിദിഷ പറഞ്ഞുവെന്നും പിതാവ്​ അറിയിച്ചു. 

ബിദിഷയു​െട സന്ദേശം കിട്ടിയ ഉടൻ നിഷീതിനെ ബന്ധപ്പെട്ട്​ പെ​െട്ടന്നു തന്നെ ഗുഡ്​ഗാവിലേക്ക്​ വിമാനം കയറാൻ പറഞ്ഞെങ്കിലും അവൻ കൂട്ടാക്കിയില്ല. നിഷീത്​ സഹവ്രർത്തകയുമായി പ്രണയബന്ധത്തിലാണെന്ന്​ നേരത്തെ ബിദിഷ മനസിലാക്കിയിരുന്നു. അതേ തുടർന്നാണ്​ മുംബൈയിൽ നിന്ന്​ താമസം മാറിയത്​. ബന്ധം തുടരില്ലെന്ന്​ നിഷീത്​ ഉറപ്പ്​ നൽകിയിരുന്നു. എന്നാൽ അതിനു ശേഷവും ബന്ധം തുടർന്നുവെന്ന്​ അവളറിഞ്ഞു. രണ്ടു ദിവസത്തേക്കെന്ന്​ പറഞ്ഞ്​ മുംബൈയിലേക്ക്​ പോയി 12 ദിവസമായിട്ടും മടങ്ങി വരാത്തത്​ അവളെ വേദനിപ്പിച്ചു. അതാണ്​ മരണത്തിലേക്ക്​ നയിച്ചതെനും പിതാവ്​ മാധ്യമങ്ങളോട്​ പറഞ്ഞു. ഗുവഹാതിയിലെ ഉസൻ ബസാർ സ്വദേശിയാണ് ബിദിഷ. 

തിങ്കളാഴ്​ച വൈകീട്ടാണ്​ ബിദിഷയെ സ്വന്തം വീട്ടിൽ ആത്മഹത്യ ചെയ്ത നിലയിൽ കണ്ടെത്തിയത്​. സംഭവത്തിൽ പ്രേരണാ കുറ്റം ചുമത്തി ഭർത്താവ്​ നിഷീതിനെ പൊലീസ്​ അറസ്​റ്റ്​ ചെയ്​തിരുന്നു. ബുധനാഴ്​ച കോടതിയിൽ ഹാജരാക്കിയ നീഷീതിനെ ഒരു ദിവസത്തെ ​കസ്​റ്റഡിയിൽ വിട്ടിരുന്നു.