കെജ്​രിവാൾ മുഖ്യമന്ത്രിയെ പോ​െല പെരുമാറണമെന്ന്​ ഷീല ദീക്ഷിത്​

ന്യൂഡൽഹി: ഉദ്യോഗസ്​ഥരും രാഷ്​ട്രീയക്കാരും ഒരേ പക്ഷിയു​െട രണ്ടു ചിറകുകളാണെന്ന്​ ഡൽഹി മുൻ മുഖ്യമന്ത്രി ഷീല ദീക്ഷിത്​. നയപരമായ തീരുമാനങ്ങൾ എടുക്കുന്നത്​ രാഷ്​ട്രീയക്കാരും അവ നടപ്പിലാക്കുന്നത്​ ഉദ്യോഗസ്​ഥരുമാണ്​. ഒരു ചിറകില്ലെങ്കിൽ മുന്നോട്ടു പോകാനാകില്ലെന്നും ദീക്ഷിത്​ പറഞ്ഞു. ഡൽഹിയിൽ എം.എൽ.എമാർ ചീഫ്​ ​െസക്രട്ടറി​െയ കൈയേറ്റം ചെയ്​തു​െവന്ന വാർത്തകൾക്കിടെ ന്യുസ്​ 18 വെബ്​സൈറ്റിന്​​ അനുവദിച്ച അഭിമുഖത്തിലാണ്​ മുൻ മുഖ്യമന്ത്രി അഭിപ്രായപ്പെട്ടത്​. 

അടൽ ബിഹാരി വാജ്​പേയ്​ പ്രധാനമന്ത്രിയായിരുന്ന കാലത്ത്​ താൻ ഡൽഹി ഭരിച്ചിട്ടുണ്ട്​. എന്നാൽ തങ്ങളുടെ ബന്ധം ഉൗഷ്​മളമായിരുന്നു. ത​​​​െൻറ കാലത്തും കേന്ദ്രവുമായി അഭിപ്രായ ഭിന്നതയുണ്ടായിട്ടുണ്ട്​. 10 ആവശ്യങ്ങളുന്നയിച്ചാൽ എട്ട്​ എണ്ണം മാത്രമേ നിവർത്തിക്കാറുള്ളൂ. എന്നാലും ഇന്നത്തെ മുഖ്യമന്ത്രി അരവിന്ദ്​ കെജ്​രിവാളും പ്രധാനമന്ത്രി നരേന്ദ്രമോദിയും തമ്മിലുളളതു പോ​െല പ്രശ്​നം ഉണ്ടായിരുന്നില്ല. 

അരവിന്ദ്​ കെജ്​രിവാൾ ആദ്യം മുഖ്യമന്ത്രിയെ പോലെ ​െപരുമാറാൻ പഠിക്കണം. ഡൽഹി ഒരു പൂർണ സംസ്​ഥാനമല്ല. കേന്ദ്ര സർക്കാറി​​​​െൻറ സഹായമില്ലെങ്കിൽ പ്രവർത്തനം ബുദ്ധിമുട്ടായിരിക്കും. അത്​ മനസിലാക്കി വേണം പ്രവർത്തിക്കാൻ. ന്യൂഡൽഹി രാജ്യ തലസ്​ഥാനമാണെന്നും നിരവധി നയതന്ത്ര പ്രതിനിധികൾ ചർച്ചക്കെത്തുന്നതാ​െണന്നും അന്നത്തെ ​േകന്ദ്ര-സംസ്​ഥാന സർക്കാറുകൾക്ക്​ ബോധമുണ്ടായിരുന്നു. ഇന്നത്തെ സർക്കാറിന്​ അതില്ലെന്നും ഷീല ദീക്ഷിത്​ കുറ്റപ്പെടുത്തി.