മോദിയും അമിത്​ഷായും ഭീകരർ –എസ്.​പി നേതാവ് Video

ലഖ്​നോ: പ്രധാനമന്ത്രി നരേന്ദ്ര ​േമാദിയും ബി.ജെ.പി ദേശിയ അധ്യക്ഷൻ അമിത്​ഷായും ഭീകരരാണെന്ന്​ ഉത്തർ​ പ്രദേശ്​ മന്ത്രിയും സമാജ്​വാദി പാർട്ടി വക്​താവുമായ രജേന്ദ്ര ചൗധരി.

ബി.ജെ.പി നേതാക്കൾ ജനങ്ങളെ ഭയപ്പെടുത്തുകയാണ്​. നമ്മുടെ ജനാധിപത്യ സംവിധാനത്തിൽ അവർ ഭീകരത സൃഷ്​ടിക്കുകയാണ്​. അതിനാൽ നിയമസഭ തെരഞ്ഞെടുപ്പിൽ ജനങ്ങൾ ബി.ജെ.പിയെ പാഠം പഠിപ്പിക്കണം. യു.പിയിൽ ബി.ജെ.പി താഴേക്ക്​ പോകുമെന്ന്​ അവർക്കറിയാം. ബീഹാറിനെക്കാൾ മോശമാണ്​ യു.പിയിലെ ബി.ജെ.പി അവരുടെ പ്രകടനമെന്നും അദ്ദേഹം പറഞ്ഞു.

#Watch Narendra Modi aur Amit Shah dono aatankwaadi hain,aatank paida kar rahe hain loktantra mein says Samajwadi Party's Rajendra Chaudhary pic.twitter.com/KGdeunr2m0

— ANI UP (@ANINewsUP) February 20, 2017

യു.പിയിലെ ഭരണ കക്ഷി ജനങ്ങളെ മതപരമായും ജാതീയമായും വിഭജിച്ചുകൊണ്ടുള്ള രാഷ്​ട്രീയം കളിക്കുകയാണെന്ന മോദിയുടെ കഴിഞ്ഞ ദിവസത്തെ  പ്രസ്​താവനക്ക്​ പിന്നാലെയാണ്​ ചൗധരിയുടെ ​പ്രസ്​താവന. അതേസമയം മര്യാദയില്ലാത്ത ഭാഷയാണ്​ ചൗധരി പ്രയോഗിച്ചതെന്ന്​ ബി.ജെ.പി പ്രതികരിച്ചു. അതിനിടെ ബി.എസ്​.പി അധ്യക്ഷ മായാവതി മോദി നെഗറ്റീവ്​ ദലിതനാണെന്ന്​ പരിഹസിച്ചു.