മോദി നടപ്പാക്കുന്നത്​ പഴയ സർക്കാറി​െൻറ​ സാമ്പത്തിക നയങ്ങളെന്ന്​ മുൻ കാബിനറ്റ്​ സെക്രട്ടറി 

ന്യൂഡൽഹി: സാമ്പത്തിക രംഗത്ത്​ മോദി സർക്കാർ നൂതന ആശയങ്ങളൊന്നും കാഴ്​ചവെച്ചില്ലെന്ന വിമർശനവുമായി മുൻ കാബിനറ്റ്​ സെക്രട്ടറിയും പ്ലാനിങ്​​ കമീഷൻ അംഗവുമായ ബി.കെ ചൗധരി​. കേന്ദ്ര സർക്കാർ പുതിയ നയങ്ങൾ ഒന്നും കൊണ്ടു വരുന്നില്ല. പഴയ സർക്കാറി​​​െൻറ നയങ്ങൾ പുതിയ പേരിൽ നടപ്പിലാക്കുക മാത്രമാണ്​ ചെയ്യുന്നതെന്നും ചൗധരി ആരോപിച്ചു. 

സാമ്പത്തിക പരിഷ്​കാരത്തിനായി പഴയ സർക്കാറി​​​െൻറ നയങ്ങൾ തന്നെയാണ്​ മോദി സർക്കാറും തുടരുന്നത്​. പദ്ധതികളുടെ പേരിൽ മാത്രമാണ്​ മാറ്റം​. ചെറുകിട വ്യവസായങ്ങൾക്കുള്ള ലോണുകൾക്ക്​ ഇപ്പോൾ മുദ്ര എന്ന്​ വിളിച്ചാലും അത്​ പഴയ സർക്കാറി​​​െൻറ നയം തന്നെയാണ് എന്നും അദ്ദേഹം പറഞ്ഞു. 

ജി.എസ്​.ടി യാഥാർഥത്തിൽ ഒന്നാം യു.പി.എ സർക്കാറി​​​െൻറ പദ്ധതിയായിരുന്നു. മോദി സർക്കാർ സ്വന്തമായി നടപ്പിലാക്കിയ പരിഷ്​കരണം നോട്ട്​ നിരോധനം മാത്രമാണ്​. അതുതന്നെ എന്തിനെന്ന്​ വിശദീകരിക്കുന്നതിൽ പരാജയ​െപ്പടുകയും ആസൂത്രണം കൂടാതെ നടപ്പിലാക്കുകയും ചെയ്​ത പദ്ധതിയാണ്​. ജനങ്ങൾക്ക്​ വളരെ അധികം ബുദ്ധിമുട്ടുണ്ടാക്കിയതോടൊപ്പം ചിലരുടെ മരണത്തിനുപോലും ഇടവരുത്തി. 

സ്വതന്ത്ര സാമ്പത്തിക ഉപദേശക കൗൺസിലി​െന കുറിച്ച്​ സംസാരിക്കവെ, നിലവിലുള്ള കൗൺസിൽ നിതി ആയോഗി​​​െൻറ തുടർച്ച മാത്രമാണെന്ന്​ ചൗധരി പറഞ്ഞു. പ്രധാനമന്ത്രിക്ക്​ സ്വതന്ത്രമായി കൂടിയാലോചിക്കാവുന്ന വിദഗ്​ധർ ഇൗ കൗൺസിലിൽ വേണമെന്നും അദ്ദേഹം പറഞ്ഞു. 

പുതിയ ബജറ്റിൽ താങ്ങുവിലക്കായി ദീർഘകാല പദ്ധതി പ്രതീക്ഷിക്കാമെന്നും ചൗധരി കൂട്ടിച്ചേർത്തു.