മുത്തലാഖ് രാഷ്ട്രീയവൽക്കരിക്കരുത് –മോദി
text_fieldsലഖ്നൊ: മുത്തലാഖ് വിഷയം രാഷ്ട്രീയവൽക്കരിക്കരുതെന്ന് പ്രധാനമന്ത്രി നരേന്ദ്രമോദി. സ്ത്രീകൾക്ക് തുല്യ അവകാശം നൽകാൻ നടപടികൾ സ്വീകരിക്കണമെന്നും അദ്ദേഹം ആവശ്യപ്പെട്ടു. ബന്ദേൽക്കണ്ടിൽ നടന്ന രാഷ്ട്രീയ പൊതുയോഗത്തിൽ സംസാരിക്കുകയായിരുന്നു അദ്ദേഹം.
ചില രാഷ്ട്രീയ പാർട്ടികൾ തങ്ങളുടെ വോട്ടുബാങ്ക് രാഷ്ട്രീയത്തിനുവേണ്ടി മുസ്ലിം സ്ത്രീകളുടെ അവകാശങ്ങൾ നിഷേധിക്കുകയാണ്. ടിവി ചർച്ചകളിൽ പെങ്കടുക്കുന്നവരോട് തനിക്കൊരു അഭ്യർഥനയുണ്ട്. സ്ത്രീകളുടെ അവകാശം എന്നത് ഹിന്ദു മുസ്ലിം വിഷയമല്ല. അത് ഒരു വികസന പ്രശ്നമാണെന്നും അദ്ദേഹം പറഞ്ഞു.
ഉത്തർപ്രദേശിലെ ചില പാർട്ടികൾ സ്വന്തം കുടുംബത്തെ രക്ഷിക്കാനാണ് നോക്കുന്നത്. മറ്റ് ചിലർ അധികാരത്തിനുവേണ്ടിയും ശ്രമിക്കുന്നു. തങ്ങളാകെട്ട ഉത്തർപ്രദേശിനെ രക്ഷിക്കാനാണ് ശ്രമിക്കുന്നതെന്നും പ്രധാനമന്ത്രി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.